“Олон тун вак хийлгэх тусам ковид тусах эрсдэл өндөр байгааг нотолсон” – ТАШАА

Товч агуулга

Урьдчилсан тайлангууд нь мэргэжлийн шинжээчдээр хянагдаж, баталгаажуулаагүй ба хэвлэл мэдээллийн хэрэгслээр батлагдсан мэдээлэл болгон нийтлэх ёсгүйг анхааруулжээ.

Иш татсан судалгаанд насанд хүрэгчдэд зориулсан нэмэлт тун бүхий вакцин нь КОВИД-19-өөс хамгаалах нөхцөлийг хангасан гэжээ.

Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй.

Аль ч вакцин хорт хавдар үүсгэх, өдөөх үндэслэл, нотолгоо байхгүйг олон улсын мэргэжлийн байгууллагууд тайлбарласаар байна.



Ganbayar Batsuuri гэх фэйсбүүк хэрэглэгч 2023.01.17-ны өдөр “АНУ-ын Cleveland Clinic -ийн судалгаагаар олон тун вак хийлгэх тусам ковид тусах эрсдэл өндөр байгааг судалгаагаар нотолсон аж. 0 doses буюу нэг ч тун хийлгээгүй нь хар өнгөтэй график бөгөөд хамгийн бага хэмжээгээр ковид тусдаг, 4 тунтай нь улбар шар график бөгөөд хамгийн их ковид тусч байгаа гэж судалгаагаар нотолжээ. Нийт 51 мянга орчим хүмүүс дээр хийсэн судалгаагаар нотолсон аж.

Үнэн гэвэл 3-аас дээш тун хийлгэсэн бол тэгээд хүний эсэргүүцлийн систем гэгч зүйл түй ч байхгүй болдог учир янз бүрийн өвчин, хавдар шууд тусч байгаа бөлгөө.

В.кцин бол хор юм.” гэсэн пост оруулжээ.

Уг мэдээллийг нягталж өгөх хүсэлт ирсний дагуу нягталлаа.

Factcheck 1:

Уг постыг Ganbayar Batsuuri оруулахдаа дараах линкийг хавсаргажээ(https://www.medrxiv.org/content/10.1101/2022.12.17.22283625v1.full?fbclid=IwAR2G0smB4n1z0HHZs4A5WGBwZkovg4x0CjNhG7cWEIOcN06uXilAxgniTbE).

medRxiv гэх тус сайт нь анагаах ухаан, эмнэл зүйн болон эрүүл мэндийн шинжлэх ухааны хэвлэгдээгүй гар бичмэл буюу урьдчилсан тайлангуудыг байршуулах боломжтой төлбөргүй цахим платформ аж. Урьдчилсан тайлангууд нь мэргэжлийн шинжээчдээр хянагдаж, баталгаажуулаагүй байх ба “Эмнэлзүйн практик эсвэл эрүүл мэндтэй холбоотой зан үйлийг удирдан чиглүүлэхэд найдах ёсгүй бөгөөд хэвлэл мэдээллийн хэрэгслээр батлагдсан мэдээлэл болгон нийтлэх ёсгүй” болохыг анхааруулсан байна.

Дээрх фэйсбүүк хэрэглэгчийн иш татсан “2019 оны коронавируст өвчний эсрэг нэмэлт тун бүхий вакцины үр дүн” гэх судалгааны өмнө нь ч мөн судалгааг баталгаажуулж үнэлээгүй болохыг сануулсан байна.

Судалгааны урьдчилсан тайланд бичсэнээр 51011 хүнийг хамруулснаас 20689 буюу 41% нь өмнө нь КОВИД-оор өвчилсөн, 42064 буюу 83% нь дор хаяж вакцины хоёр тунд хамрагдсан бөгөөд судалгааны явцад 5%-д нь коронавирусийн халдвар илэрсэн байна. Судалгааны товч үр дүнг харвал насанд хүрэгчдэд зориулсан нэмэлт тун бүхий вакцин нь КОВИД-19-өөс хамгаалах нөхцөлийг хангасан гэжээ. Мөн Кливленд Клиникийн хөдөлмөрийн насны 51,011 ажилтны дунд COVID-19-ийн хоёр валентын вакцинаар дахин дархлаажуулахад олон нийтийн дунд давамгайлж байсан вирусийн омгуудын эсрэг халдвараас 30% сэргийлсэн гэсэн үр дүнтэй байсныг бичсэн байна.

Factcheck 2:

Түүнчлэн график дээр хар өнгийг нэг ч удаа халдвар аваагүй болохыг тайлбарласан бол улбар шар өнгөөр Омикрон ВА.4 болон ВА.5 хувилбараар хамгийн сүүлд өвчилсөн хүмүүсийг тэмдэглэсэн байгааг “0 doses буюу нэг ч тун хийлгээгүй нь хар өнгөтэй график бөгөөд хамгийн бага хэмжээгээр ковид тусдаг, 4 тунтай нь улбар шар график бөгөөд хамгийн их ковид тусч байгаа гэж судалгаагаар нотолжээ.” хэмээн буруу тайлбарласан байна.

Factcheck 3:

Йелийн их сургуулийн иммунобиологийн профессор Акико Ивасаки “Вакцины нэмэлт тун нь Омикрон зэрэг бүх хувилбаруудыг саармагжуулах эсрэг биетийг нэмэгдүүлдэг. Энэ нь халдвар авах, эмнэлэгт хэвтэх, нас барахаас хамгаалахад тусалж байгаа юм” гэжээ.

Мөн АШУҮИС-ийн Дархлаа судлалын тэнхимийн ахлах багш, эмнэл зүйн дархлаа судлаач эмч, Анагаах ухааны доктор Т.Хонгорзул “Хүний биеийн дархлаа нь төрөлхийн ба олдмол гэж ангилагддаг ба аль аль нь хүнийг амьдралынх нь туршид өвчин эмгэгээс хамгаалахад оролцож байдаг. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй.

Төрөлхийн дархлаанд арьс салстын хамгаалах тогтолцоо, цусны цагаан эсүүд, цусны ийлдсэнд агуулагдах хавсарга гэж нэрлэгдэх дархлааны уураг зэрэг хамаарах ба эдгээр хүчин зүйлс нь вакцины нөлөөгөөр ямар нэг өөрчлөлтөнд орох тухай ойлголт байхгүй, үндэслэлгүй юм. COVID-19 вакцинаар тогтсон дархлаа нь өвдсөнөөс илүү найдвартай, аюулгүй хамгаалалт болдгийг судалгааны үр дүнгээр тогтоосон” гэдгийг тайлбарлаж байв.

Мөн аль ч вакцин хорт хавдар үүсгэх, өдөөх үндэслэл, нотолгоо байхгүйг олон улсын мэргэжлийн байгууллагууд тайлбарласаар байна.

Иймд дээрх мэдээлэл нь олон нийтийг төөрөгдүүлсэн, буруу, дутуу тайлбар бүхий ТАШАА мэдээлэл байна.

Эх сурвалжууд:

АШУҮИС

https://www.medrxiv.org/content/10.1101/2022.12.17.22283625v1.full?fbclid=IwAR2G0smB4n1z0HHZs4A5WGBwZkovg4x0CjNhG7cWEIOcN06uXilAxgniTbE

https://www.usatoday.com/story/news/factcheck/2022/02/16/fact-check-booster-shots-strengthen-dont-destroy-immune-system/6683432001/

https://www.nccn.org/docs/default-source/covid-19/covid-vaccine-and-cancer-05.pdf?sfvrsn=45cc3047_16

https://www.cancer.org/treatment/coronavirus-covid-19-and-cancer/covid-19-vaccines-in-people-with-cancer.html#:~:text=with%20your%20doctor.-,Can%20COVID-19%20vaccines%20cause%20cancer%20or%20make%20cancer%20grow,COVID-19%20vaccines%20cause%20cancer.

https://cbcn.ca/en/blog/our-stories/oncologists-covid-vaccine

НҮБ-ын Хүүхдийн сантай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Фэйсбүүк дэх “1072 huvitsaa” гэх хаягт нэгдүгээр сарын

Товч агуулга Дани улсын Эрүүл мэндийн яамнаас 18-аас доош насны хүмүүст COVID-19 вакциныг санал болгохоо больсон ч энэ насны бүлгийн вакцинжуулалтыг хориглоогүй. Данийн хүн амын 81% орчим буюу 5.8 сая хүн коронавирусийн эсрэг 2 тун вакцин хийлгэсэн бол 62% нь бүүстер тунд хамрагджээ. Огт вакцинд хамрагдаагүй иргэдээ тус улс вакцин хийлгэхийг зөвлөсөн хэвээр байна. Дани […]

Цагдаагийн байгууллагад Хуурамч мэдээлэлтэй тэмцэх дагнах нэгж есдүгээр сарын 23-нд байгуулагдсан бөгөөд энэ талаар Цагдаагийн ерөнхий газрын дэд дарга, хурандаа Ж.Амгалан 24-ний өдөр news.mn мэдээллийн сайтад энэ талаар тодруулга өгөхдөө “Дутуу ойлгосноо цахим орчинд тараадаг байдлыг таслана” хэмээн ярьсан юм. Түүний энэхүү ярилцлагыг Хууль зүй, дотоод хэргийн яамны албан ёсны цахим хуудас мөн олон нийтэд […]

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тэдгээр мэдээллээс бид нягталлаа. “ISR буюу ГДУО технологийг зөвхөн Монголд л туршиж байгаа олборлолтын технологи бөгөөд Зөөвч-Овоо төсөлд ашиглана”. Factcheck: Байгаль орчинд сөрөг нөлөө хамгийн багатайгаар уран олборлох нөхцөлийг бүрдүүлсэн газар […]

Нийгмийн сүлжээнд “Монголд 3D зам бариад эхэлжээ” гэх зураг нийтлэгдэн, олон хүн энэ зургийг Монголд хэмээн итгэжээ. Тухайн зурагт явган хүний замыг энхэл донхол хийсэн байх бөгөөд ард нь Nissan гэх лого байгаа нь магад Монголд гэх сэтгэгдэл төрүүлсэн болов уу. Уг зургийг google image-ээр нягталбал, нийтдээ 14 хуудас илэрц гарч ирэх бөгөөд хамгийн анх […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх