Хятадууд коронагийн вакцин үнэгүй өгье гэсэн ч Монголчууд ҮГҮЙ гэж дургүйцлээ – ХУДАЛ

Монгол Улс Media гэх фэйсбүүк группт өчигдөр Lhawga Oyuka гэх хаягнаас “Хятадууд коронагийн вакцин үнэгүй өгье гэсэн ч Монголчууд ҮГҮЙ гэж дургүйцлээ” гэсэн гарчигтай мэдээг хуваалцжээ.

Тухайн мэдээг mnroyal.club гэх цахим хуудаст нийтэлсэн гэж харагдах бөгөөд тухайн мэдээнд 1800 хүн хариу үйлдэл үзүүлж, 1700 хүн сэтгэгдэл бичиж, 50 хүн хуваалцжээ. Сэтгэгдэл бичсэн хүмүүсийн дунд БНХАУ-д үйлдвэрлэсэн вакцин авахгүй, хэрэглэхгүй гэсэн сэтгэгдлүүд их байх аж.

Бид энэхүү мэдээллийг нягталлаа.

Factcheck 1:

Нэгдүгээрт тухайн линк дээр дарвал тухайн линк алдаа зааж байв. Өөрөөр хэлбэл ийм мэдээ байхгүй байлаа.

Тиймээс mnroyal.club хаягийг шалгаж үзвэл зөрчилтэйн улмаас хаагдсан гэсэн мэдээлэл гарсан юм. Тэгэхээр линк дээрх хаягтай мэдээллийн сайт байдаггүй юм байна.

Factcheck 2:

“Хятадууд коронагийн вакцин үнэгүй өгье гэсэн ч Монголчууд ҮГҮЙ гэж дургүйцлээ” гэсэн агуулгыг шалгаж үзэв. 2021 оны хоёрдугаар сарын 8-ны өдөр БНХАУ-аас Монгол Улсад суух Элчин сайд Цай Вэньруй сар шинийн мэндчилгээг албан ёсны веб сайтаараа дамжуулан хүргэсэн.

Ингэхдээ “Монголын талын бэлэглэсэн гучин мянган толгой хонь Хятадад “жилийн хамгийн их хайлт хийсэн сэдэв” болсон бөгөөд Хубэй мужийн ард иргэд Монголын ард түмэнд улаан цай хариу бэлэглэж, улмаар “хонины хариуд цай” хэмээх сайхан үйл явдал өрнөлөө. Өдгөө, дэлхийн бүх улс орнууд вакцинжуулах ажлаа эрчимжүүлж байна. Хятадын тал өөрийн ард иргэдийг вакцинжуулах яаралтай нөхцөл байдалд байгаа ч Монголын талд вацкины буцалтгүй тусламж үзүүлэхээр шийдсэн” болохоо мэдэгдсэн юм.

Үүний дараа хоёрдугаар сарын 9-ний өдөр Гадаад харилцааны сайд Б.Батцэцэг, Шадар сайд С.Амарсайхан нартай албан уулзалт хийсэн бөгөөд энэ үеэр манай улс вакцины буцалтгүй тусламжийг авахгүй гэж дургүйцсэн талаар ямар ч мэдээлэл байхгүй бөгөөд нөхөрсөг хамтын ажиллагаагаа үргэлжлүүлэх талаар албан ёсны сайтуудад дурджээ. Манай улсаас уулзсан албаныхан болон вакцинжуулалттай холбоотой ажлыг хариуцан ажиллаж буй Эрүүл мэндийн яам болон ХӨСҮТ, УОК-оос БНХАУ-аас тусламжаар өгөх вакциныг авахгүй байх талаар ямар нэг мэдээлэл огт гараагүй байгаа юм. Эдгээрээс харахад дээрх мэдээлэл худал болох нь батлагдаж байна.

Төстэй мэдээлэл

Долоо дахь удаагийн парламентын хугацаа дуусаж, гишүүд ажлын тайлангаа иргэдэд хүргэж байна. Зарим нэр дэвшигчид ажлын тайлан нэрээ хийгээгүй ажлаа хийсэн мэтээр зөрүүтэй мэдээллүүд оруулж байна гэсэн уншигчдын хүсэлтийн дагуу factcheck.mn мэдээллийг нягтлан хүргэж байгаа билээ. Бид энэ удаад УИХ-ын дарга Г.Занданшатарын 2016-2020 оны ажлын тайлангаас онцолж байна. Монгол төрийн шинэчлэл бүлгийн эхний хуудаснаа тэрбээр татварын шинэчлэл хийж, […]

Үргэлжлэл… Нийслэл Улаанбаатар хотыг удирдахаар сонгогдсон хотын дарга нарын нийтэд зарлаад биелүүлээгүй ажлуудыг цувралаар хүргэж байгаа билээ. Энэ удаа Засгийн газар, хотын дарга хамтраад хэрэгжүүлж чадаагүй ажлаар их, дээд сургуулиудыг Улаанбаатар хотоос нүүлгэх тухай шийдвэрүүдийг эргэн сануулж байна. Эл санаачилга гарсан ч хэрэгжилгүй ийнхүү 14 дэх жилтэйгээ золгож байна. 2010.06.09 Засгийн газрын хуралдаанаар их сургуулиудыг […]

Цахим орчинд “Дорнодын хилийн заставыг 40 км дотогш татсан нь цаашдаа хоёр улсын хилийн заагийг мөн ингэж тогтоох урьдчилсан нөхцөлийг хангаж өгчээ” гэсэн мэдээлэл гарсан. Энэ мэдээлэл үнэн эсэхийг нягтлах хүсэлт factcheck.mn сайтад ирсний дагуу нягталж шалгав. Монгол Улсын хил хамгаалах газраас энэ талаар тодруулахад “Хилийн заставт өөрчлөлт оруулсан зүйл байхгүй. Энэ мэдээлэл дөрвөн жилийн […]

Цар тахлын энэ хүнд үед Монголд төдийгүй дэлхий

Товч агуулга: Мягмартогтох Далай гэх фэйсбүүк хэрэглэгч “Ocoл гаргасан Патролын жолооч, болон Газын авто машины жолооч нарыг цагдан хорьжээ‼️‼️” гэсэн мэдээллийг нийтэлжээ. Баянзүрх дүүргийн 26 дугаар хорооны нутаг, Дүнжингаравын уулзварт өнөөдөр(2024.01.24) газ тээвэрлэж явсан автомашин осол гаргаж, дэлбэрсэн харамсалтай хэрэг гарсан. Энэхүү хэрэгтэй холбоотой дээрх постыг нягталж өгөх хүсэлт ирсний дагуу нягталлаа. Factcheck: Цагдаагийн Ерөнхий […]

АНУ-ын сагсан бөмбөгийн NBA тоглогчид тоглолтынхоо өмнө нэхмэл захаар жигдэрсэн талаар мэдээлэл өнгөрсөн баасан гарагт гарсан. Энэхүү мэдээлэлд Леброн Жеймс болон Лос-Анжелес Лэкерс багийнхан өнгөрсөн долоо хоногт таалал төгссөн АНУ-ын дээд шүүхийн шүүгч рут Гинзбургийн дурсгалыг хүндэтгэн хувцасласан болохыг дурджээ. Ингэхдээ түүнийг илэрхийлдэг имиж болох хар хүрэм дээр цагаан захаар гангардаг байдлыг дуурайн нэг минутын […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх