Элэгний В, С вирустэй болон чихрийн шижинтэй хүнд Синофарм компанийн вакцин хийхгүй -ТАШАА

Цахим орчинд “Элэгний В, С вирустэй болон чихрийн шижинтэй хүнд Синофарм компанийн вакцин хийхгүй” гэсэн мэдээлэл түгэж, иргэд уг мэдээллийг үнэн эсэхэд эргэлзэж байгаа юм.

Тэгвэл уг мэдээллийг нягталлаа.

Эрүүл мэндийн яамны Хэвлэл мэдээлэл, олон нийттэй харилцах зөвлөх Б.Ууганбаяр энэ талаар “Элэгний В, С вирустэй, чихрийн шижинтэй хүмүүс маш их эргэлзэж байна. Энгийнээр ойлговол В, С вирустэй ч та вакцин хийлгэж болно. Хэрвээ вакцин хийлгэсэн бол танд аюулгүй, ямар нэг сөрөг зүйл байхгүй гэж эмч нар зөвлөж байгаа. Харин архаг өвчтэй, ХӨСҮТ-д хяналтад байгаа хүмүүст эмч нь зөвлөж байна. Тиймээс та бүхэн айх айдаст автахгүй байж болно гэдгийг ЭМЯ-наас албан ёсоор мэдэгдэж байна” гэсэн юм.

Харин ХӨСҮТ-ийн дарга Б.Баттөр “Цочмог хэлбэрийн вирусийн халдварын үед ямар ч вакцин тариулахыг хойшлуулдаг. Мөн үнд архаг өвчтэй тохиолдолд эмч биеийн байдлыг үнэлж дүгнээд шийдвэр гаргана. Вакцинжуулалт ийм зарчмаар явдаг” хэмээн тайлбарлажээ.

Мөн эсрэг болон анхааруулах заалтын талаар ЭМЯ-ны хэлтсийн дарга Г.Болдмаа тайлбарлахдаа “Бүх вакцин найрлага, савлалт, тун, тарих арга, хадгалах, тээвэрлэх нөхцөл, эсрэг заалт, дархлаажуулалтын дараа үүсэж болох урвал хүндрэлийн талаарх мэдээллүүд орсон байдаг.

Вакцинд эсрэг заалт болон анхааруулга гэсэн хоёр заалт бий. 

Эсрэг заалтад:

  • харшлын өгүүлэмжтэй,
  • өмнө нь вакцины урвал үзүүлж байсан,
  • цочмог халдварт өвчтэй,
  • сүүлийн нэг жилийн хугацаанд таталт өгч байсан,
  • мэдрэлийн үрэвслийн хамшинжийн өвчтэй,
  • жирэмсэн,
  • өмнө нь ямар нэгэн вакцин хийлгэхэд хүнд хэлбэрийн урвал өгч байсан хүнд тухайн вакциныг огт хийж болохгүй гэсэн эсрэг заалттай.

Цочмог халдварт өвчин гэдэг нь яг одоо цочмогоор илэрч байгааг хэлнэ. Жишээ нь В, С, Дельта вирус монголчуудад элбэг байдаг. Ихэнх нь архаг хэлбэртэй, тухайн өвчин нь архагшсан, цочмог хэлбэрийн хүмүүс ХӨСҮТ-д хэвтэж эмчлүүлдэг. Цочмог хэлбэрийн халдварт өвчтэй хүмүүс хийлгэж болохгүй гэсэн заалттай. 

Харин анхааруулга заалт гэдэг нь тухайн эмчээс асуугаад, үзлэгийн явцад вакцин хийлгэж болох болохгүй эсэхийг хэлж өгдөг.

Анхааруулга заалтад

  • дархлааны дутмагшилтай,
  • гормон эмчилгээтэй,
  • дархлааны дарангуйлах болон дархлаа сэргээх эмчилгээ хийлгэж байгаа,
  • цус бүлэгнэлтийн эсрэг эмчилгээ хийлгэж байгаа,
  • архаг өвчний сэдрэлтийн үед байгаа,
  • коронавируст өвчнөөр өвдсөн хүмүүс,
  • бусад вакцинтай нэг өдөр хийлгэж болохгүй” хэмээн тайлбарласан юм.

Өөрөөр хэлбэл элэгний В, С вирустэй болон чихрийн шижинтэй хүнд Синофарм компанийн вакцин хийхгүй гэсэн үг биш тухайн хүний биеийн байдлаас хамаардаг юм байна.

Төстэй мэдээлэл

Товч агуулга: ОХУ-ын эхлүүлсэн дайнтай зэрэгцээд тус улсын суртал ухуулга цахим орчныг дамжин дэлхийн нийтийг хэрж байгаа билээ. Монгол Улсын хувьд Оросын хуурамч мэдээлэл, пропаганда цахим орчинд мөн идэвхтэй явсныг Эрэн Сурвалжлах Сурвалжлагчдын Төлөө Төв(MCIR)-ийн хийсэн мониторингийн судалгаа харуулав. Анх 2022 оны гуравдугаар сард ОХУ Украин руу дайн хийсний дараа MCIR цахим орчин болон мэдээллийн […]

Цар тахлын хүнд үед хүн бүрийн данс руу 20,000 төгрөг хийх тухай “МАХН албан ёсны хуудас” нэртэй пэйжид оруулсан постыг 3.1 мянган хүн шэйрлэжээ. Тодруулбал, “Сайн байцгаана уу Энэ хүнд цар тахлын үеэр боломжийг атгах хүн бүрт туслаахаар боллоо. Хүн Бүрийн данс руу 20000 Төгрөг хийхээр боллоо Та Манай Махн албан ёсны хуудсыг дарж нэгдээд […]

Товч агуулга Хөнгөн цагааныг вакцины найрлагад нэмэлтээр ашигласнаар хүний дархлааны хариу урвалыг илүү сайжруулах нөлөөтэй. Вакцины найрлагад хөнгөн цагаан нэмэлтээр оруулснаар ямар нэгэн сөрөг нөлөө үзүүлдэггүй болохыг өнгөрсөн 60 жилийн судалгаа нотолно. Хүүхдийн товлолт вакцинуудын найрлагад кадми ордог талаар ямар нэгэн мэдээлэл алга. Вакцин аутизмтай холбоотой болох нь шинжлэх ухаанаар өнөөдрийг хүртэл нотлогдоогүй. Хэд хэдэн […]

Товч агуулга Ч. Пүрэвсүрэн гэх фэйсбүүк хэрэглэгч 2023.04.06-нд дайнтай холбоотой пост оруулсныг 71 хүн шэйрлэж, 170 хүн лайк даржээ. Уг постод “Нөгөө 3 сарын 9-нд оросын супер «Кинжал» пуужингаар устгагдсан НАТО-гийн украйны дайны ажиллагааг удирдан, төлөвлөн хэрэгжүүлдэг командын нууц байранд байсан 300 гадаад том офицерүүдийн дотор америкийн олон генералууд үрэгдсэн байна. Тэдний шарилыг тусгай онгоцоор […]

Sonin.mn өнөөдөр “Зууны мэдээ” сонин гэсэн эх сурвалжтай “Рио Тинто компани “Оюу толгойн” хөрөнгө оруулалтын гэрээг цуцлахаа мэдэгдлээ” гэсэн гарчигтай мэдээлэл гаргажээ. Энэхүү мэдээллийг бид нягталлаа. Уг мэдээнд “Рио Тинто компани Монголын газар доорх асар том зэсийн ордыг ашиглахаа зогсоохоор заналхийлснээр тус улсын Засгийн газар томоохон асуудалтай нүүр туллаа” гэжээ. Factcheck: “Рио Тинто” компани зэсийн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх