“КОВИД-19-ийн вакцин хорт хавдрыг үүсгэдэг” – ХУДАЛ

Товч агуулга

КОВИД-19 вакцин нь хорт хавдар үүсгэдэг гэдэг нь үлгэр домог.

Аль ч вакцин таны ДНХ-тэй ямар нэгэн байдлаар харилцан үйлчлэлцдэггүй бөгөөд өөрчилдөггүй.

Вакцин хийлгэснээс 1-2 сарын дотор хорт хавдар үүсдэг гэсэн мэдэгдэл нь “биологийн хувьд боломжгүй”.

Хорт хавдартай хүмүүсийг КОВИД-19 вакцины бүх тунг аль болох хурдан авахыг зөвлөсөөр байна.



Коронавирусийн цар тахал харьцангуй намжиж байгаа ч вакцинтай холбоотой олон нийтийг төөрөгдүүлсэн мэдээлэл гадаад, дотоор орчинд олон нийтийн сүлжээгээр дамжин тархсаар байна.

КОВИД-19-ийн эсрэг вакцины ашиг тус нь мэдэгдэж байгаа эрсдэлээс хавьгүй их хэмээн дэлхийн эрүүл мэндийн гол байгууллагууд болон ажилтнууд үзэж байгаа. Гэвч АНУ-ын Айдахо мужийн эмгэг судлаач олон нийтийн мэдээллийн хэрэгслээр хуваалцсан цуврал ярилцлагадаа тус вакцин нь хорт хавдрын өсөлттэй холбоотой гэж мэдэгджээ. Ингэхдээ коронавирусийн вакцин хорт хавтдыг 300% өсгөсөн гэсэн байна. Эмнэлгийн мэргэжилтнүүд болон хорт хавдрын эмчилгээний тэргүүлэх эмнэлгийн үзэж байгаагаар энэ нь ХУДАЛ болохыг France Press агентлаг(AFP)-ийн баримт нягтлагчид баталгаажуулсныг хүргэж байна.

Factcheck:

Райн Коул гэх эмгэг судлаач “Залуус аа, хорт хавдар нэмэгдэж байна гэдэгийг хэлсэн дэлхийн анхны эмгэг судлаач би байна. Энэхүү хортой S уураг нь хорт хавдарыг өдөөх боломжтой олон механизмтай” хэмээн ярьжээ. Энэ нь вакцины талаар маш их хуурамч мэдээлэл түгээсэн “Suddenly died” гэх киноны хэсгээс эхтэй аж.

Райн Коул нь зөвлөлийн гэрчилгээтэй эмгэг судлаач бөгөөд Вашингтоны эрүүл мэндийн комисст түүнтэй холбоотой олон тооны гомдол ирүүлсний дотор хоёр өвчтөний хорт хавдрыг буруу оношилсон гэх асуудал багтжээ. Айдахо мужийн Эрүүл мэндийн зөвлөлд мөн түүний талаар гомдол гаргаж байсан аж.

Тэрбээр 2021 оноос хойш КОВИД-19-ийн вакцин нь хорт хавдартай болгон гэсэн ташаа мэдээллийг тарааж иржээ. Тухайлбал, Epoch Times болон вакцин эсэргүүцэгч хэд хэдэн хүнийг оролцуулсан “Доктор Дрюгаас асуу” хөтөлбөрт өмнө нь оролцож ярихдаа ийнхүү вакцин  хорт хавдартай холбоотой тухай хэлсэн байна.

Тэгвэл үүнийг мэргэжлийн шинжээчид үгүйсгэсэн бөгөөд хорт хавдрын тохиолдлын тоо нэмэгдсэн нь цар тахлын үед үзлэг, оношилгоонууд хойшилсонтой холбоотой хэмээн тайлбарлажээ.

Техасын их сургуулийн Баруун өмнөд Анагаах ухааны төвийн Харолд С.Симмонсын нэрэмжит Хавдар судлалын цогц төвийн Эмнэлзүйн асуудал эрхэлсэн дэд захирал Жон Свитенхэм хэлэхдээ 2021 оны тайлан шинээр хорт хавдраар оношлогдсон хүний тоо нэмэгдсэнийг харуулж байгаа ч өсөлт нь 5-15 хувьд хэлбэлзэж байна гээд “Хорт хавдар 300% өссөн гэсэн ямар ч тоо баримт би олж хараагүй бөгөөд КОВИД-19-ийн вакцин хорт хавдрын өсөлттэй холбоотой гэсэн нотолгоо байхгүй” хэмээх тайлбараа AFP-д 2022.12.06-нд и-мэйлээр илгээжээ.

Уг тайлбарт “Цар тахлын оргил үед хүмүүс эрүүл мэндийн байгууллагуудаар үйлчлүүлэхээс болгоомжилж, хорт хавдрын үзлэг, шинж тэмдгийг илрүүлэх хугацааг хойшлуулсантай энэ өсөлт нь холбоотой юм” гэдгийг мөн хэлсэн байна.

Инстаграм дахь бичлэгт эмгэг судлаач Катрин Уоллес мөн тахал өвчний үед биечлэн хийсэн үзлэг, хорт хавдрын үзлэг оношилгоо тасалдсан болохыг “Died Suddenly” киноны бичлэг дээр онцолжээ. Өөрөөр хэлбэл, вакциныг эсэргүүцсэн уг кинон дээр үзлэг, хорт хавдрын оношилгоонууд хойшилсныг баталгаажуулсан байна.

Иймд AFP Райн Коулаас түүний нийтэд цацсан мэдээллийг батлах баримт мэдээлэл хүссэн боловч хариу ирүүлээгүй байна.

ДНХ-г өөрчилдөггүй

Нью-Йорк хот дахь хорт хавдрын эмчилгээний алдартай төв болох Мемориал Слоан Кеттерингийн хорт хавдрын төв КОВИД-19 вакцин нь хорт хавдар үүсгэдэг гэдэг нь үлгэр домог болохыг мэдээлсэн.

“Аль ч вакцин таны ДНХ-тэй ямар нэгэн байдлаар харилцан үйлчлэлцдэггүй бөгөөд өөрчилдөггүй. Тиймээс хорт хавдар үүсгэдэггүй” гэж тус байгууллага цахим хуудастаа бичсэн байна.

Pfizer болон Moderna вакцинууд нь messenger RNA технологиор бүтсэн ч энэ нь хүний ДНХ-д ямар нэгэн нөлөө үзүүлдэггүй, өөрчилдөггүй талаар өмнө нь нягтлан хүргэж байсан.

S уураг

Фэйсбүүкээр хэд хэдэн түгээгдсэн бичлэг дээр Райн Коул “S уураг нь хорт хавдрыг өдөөж, үүсгэдэг” хэмээн ярьжээ.

Тэгвэл Хорт хавдрын үндэсний сүлжээний (NCCN) Удирдах зөвлөлийн даргаар мөн ажилладаг Жон Свитенхэм “S уураг хорт хавдар үүсгэдэг гэсэн ямар ч баримт мэдээллийг би мэдэхгүй” гэжээ.

Канадын Манитоба мужийн дотрын эмч Жонатан Лакстон ТикТок видео бичлэг дээр ярихдаа Коул вакцинжуулалтын үр дүнд үүссэн уураг биш, харин коронавирусын өөрийнх нь S уургийг судалж буй судалгааг эндүүрч иш татсан хэмээн хэлжээ.

Вакцин хийлгэснээс хойш нэг юм уу хоёр сарын дотор хорт хавдар үүсдэг гэсэн мэдэгдэл нь “биологийн хувьд боломжгүй” гэж Лакстон мөн хэлэв. Хорт хавдар судлаач Дэвид Горкси блогтоо бичсэнээр хорт хавдар үүсгэгч бодисуудад өртөхөд, Коулын хэлдэг хавдар үүсэхэд олон жил, бүр хэдэн арван жил шаардагддаг байна.

Лакстон мөн вакцин хийлгэсний дараа нэг юм уу хоёр сарын дотор хорт хавдар илрэх нь “биологийн хувьд боломжгүй” гэж мэдэгджээ. Хорт хавдар судлаач Дэвид Горкси блогтоо бичсэнээр хорт хавдар үүсгэгч бодист өртөхөд олон жил эсвэл хэдэн арван жил шаардлагатай байдаг бөгөөд Коулын иш татсан хавдар үүсгэдэг.

“Иймд хорт хавдар нь КОВИД-19-ийн вакцинуудтай ямар ч хамааралгүй бөгөөд Райн Коул худал ярьж байна” хэмээн Лактон дүгнэжээ.

Хавдартай өвчтөнүүдийг вакцинаа хийлгэхийг зөвлөж байна

Хорт хавдраар өвчилсөн хүмүүс коронавирусийн халдвар авбал хүндрэх эрсдэл өндөр болохыг томоохон судалгаанууд харуулсан.

Хорт хавдартай хүмүүст КОВИД-19 вакцины бүх тунг аль болох хурдан авахыг Онтариогийн Хорт хавдрын тусламж үйлчилгээний төв зөвлөж байна. АНУ-ын Хавдрын эсрэг үндэсний сүлжээнээс мөн хавдартай хүмүүсийг КОВИД-19-ийн эхний гурван тун болон боломжтой нэмэлт тунгуудад нэн даруй хамрагдахыг зөвлөж байгаа юм.

Энэхүү зөвлөмжийг Америкийн Хорт Хавдрын нийгэмлэг дэмжиж байгаа бөгөөд “КОВИД-19-ийн вакцинууд хорт хавдарт нөлөөлдөг ямар нэгэн мэдээлэл байхгүй. Мөн вакцин хорт хавдрыг өдөөж, өсгөдөг гэдэг мэдээлэл ч байхгүй” болохыг албан ёсны сайтдаа мэдэгджээ.

Канадын Хөхний хорт хавдрын сүлжээнээс мэдээлснээр хорт хавдартай өвчтөнүүдийн гол санаа зовоосон асуудал бол дархлаа суларсан тохиолдолд вакцин нь эрүүл хүмүүстэй ижил түвшинд үр дүн үзүүлэхгүй байх магадлалтай юм гэжээ.

Канадын хүн амын 83% вакцины эхний тундаа хамрагдсан. Канадын эрүүл мэндийн төв вакцин хийлгэсний дараах сөрөг үр дагаврыг хянаж байдаг бөгөөд хорт хавдартай холбоотой аюулгүй байдлын ямар нэгэн тохиолдол илрээгүй байна.

Иймд КОВИД-19-ийн вакцин нь хорт хавдартай холбоотой гэсэн ямар ч нотолгоо, баримт байхгүй бөгөөд үндэслэлгүй байна.

Аливаа мэдээллийг албан ёсны, баталгаатай эх сурвалжаас авч, үргэлж нягталж байхыг Factcheck.mn сануулсаар байгаа билээ.

Эх сурвалжууд:

https://factcheck.afp.com/doc.afp.com.32WY6M8

https://www.factcheck.org/2021/04/scicheck-idaho-doctor-makes-baseless-claims-about-safety-of-covid-19-vaccines/

https://www.mskcc.org/

https://www.mskcc.org/coronavirus/myths-about-covid-19-vaccines

https://www.facebook.com/watch/search/?q=The%20Spike%20Protein%20is%20a%20Cancer%20Trigger

https://www.nccn.org/home/About/Leadership#anchor_531

https://www.ncbi.nlm.nih.gov/pmc/articles/PMC7324311/

https://www.mdpi.com/1999-4915/13/10/2056

https://www.nccn.org/docs/default-source/covid-19/covid-vaccine-and-cancer-05.pdf?sfvrsn=45cc3047_16

https://www.cancer.org/treatment/coronavirus-covid-19-and-cancer/covid-19-vaccines-in-people-with-cancer.html#:~:text=with%20your%20doctor.-,Can%20COVID-19%20vaccines%20cause%20cancer%20or%20make%20cancer%20grow,COVID-19%20vaccines%20cause%20cancer.

https://cbcn.ca/en/blog/our-stories/oncologists-covid-vaccine

НҮБ-ын Хүүхдийн сантай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

УИХ-ын чуулганы Пүрэв гарагийн хуралдааны үеэр УИХ-ын гишүүн Х.Болорчулуун асуулт асуухдаа вакцины талаар байр сууриа илэрхийлсэн юм. Тэрбээр “Эрдэмтэд зургаадугаар сарын дундуур КОВИД-19 буурна гэсэн ч буураагүй. Тодорхой хугацааны дараа буурах байх. Орон нутагт өвчлөл бага байхад вакцин тариад зуу зуугаараа гараад эхэлсэн. Газар газрын батлагдаагүй вакцинуудыг хийж, туршилтын туулай болж гүйцлээ” гэсэн юм. Түүний […]

КОВИД-19-ийн эсрэг вакцины нэмэлт тунтай холбоотой эргэлзээтэй асуултуудад Жон Хопкинсын их сургуулийн Халдвараас урьдчилан сэргийлэх асуудал эрхэлсэн ахлах захирал, доктор, профессор Лиза Марагакис, Жонс Хопкинсын Хариу арга хэмжээ авах албаны дарга, доктор Габор Келен нар хариулсан байна. КОВИД-19-ийн вакцин үр дүнтэй байгаа бол яагаад би нэмэлт тун хийлгэх шаардлагатай вэ? АНУ-ын Хүнс, эмийн зөвлөлөөс хүлээн […]

Фэйсбүүкт түгсэн хуурамч мэдээлэл “Корона вирус уушгинд хүрэхээс өмнө хоолойд дөрөв хоног үлддэг бөгөөд энэ үед хүн ханиалгаж, хоолой өвддөг. Хэрэв тэр их хэмжээний ус ууж, бүлээн ус, давс эсвэл цагаан цуугаар угааж байвал вирусыг устгана. Энэ мэдээллийг хэн нэгэнд хадгалах боломжтой тул энэ мэдээллийг тараагаарай” НЯЦААЛТ Ковид-19 вирус нь хоолойд 4 хоног байдаг гэдэг […]

Товч агуулга Монгол Улс КОВИД-19-ийн эсрэг вакциныг сайн дурын үндсэн дээр хийж байгаа бол сахуу татран, томуугийн эсрэг вакциныг эцэг, эхийн зөвшөөрлийн үндсэн дээр хийж байна. Хүүхэд байхдаа хийлгэсэн вакцины үр дүнд 4 сая хүнд жил бүр үхлийн аюулаас мултарч байна. Дэлхийн таван хүүхэд тутмын нэг нь анхна шатны дархлаажуулалтад хамрагдаж чадахгүй байгаа ба жилд […]

Наймдугаар сарын 1-нээс 5-11 насны хүүхдийг сарын зайтай хоёр удаагийн тунгаар дархлаажуулна. вакцинд хамруулахдаа эцэг эхийн зөвшөөрөлд үндэслэн гарын үсэг зуруулж хийнэ

Шадар сайд С.Амарсайханы хүү Боловсролын сангийн зээлээр суралцахаар болсон тухай мэдээлэл нийтэд ил болсон. Тодруулбал, С.Амарсайханы хүү А.Эрдэнэхүслэн Их Британийн Бристолын их сургуульд суралцах 27,166 ам.долларыг БШУЯ-ны харьяа Боловсролын зээлийн сангаас олгох шийдвэрийг 2021.02.16-нд гаргасан талаар хэвлэлүүд мэдээлсэн юм. Уг мэдээллийн дараа, өнөөдөр тэрбээр өөрийн албан ёсны фэйсбүүк хаягаараа дамжуулан хүлцэж өчиж, байр сууриа илэрхийлэв. […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх