Хүүхдэд вакцин хийлгэх тухай эргэлзээ ба судалгаа

Монгол Улс 5-11 насны хүүхдүүдээ коронавирусийн эсрэг вакцинд хамруулахаар судалж байгаа талаар мэдээлсэн.

Үүнтэй холбоотойгоор олон нийтийн дунд хүүхдүүдэд вакцин хийхтэй холбоотой эргэлзээтэй, төөрөгдүүлсэн, буруу ташаа мэдээлэл түгж байгаа тул FactCheck.mn хүүхдүүдийн вакцинтай холбоотой нягталсан мэдээллүүдээ багцлан хүргэж байна.



Хөхний сүүгээр дамжин вакцин хүүхдэд нөлөөлөх үү?

Factcheck:

КОВИД-19-ийн эсрэг вакциныг зургаан сартайгаас доош насны хүүхдүүдэд зөвлөхгүй байгаа. Гэхдээ АНУ-ын Халдварт өвчний хяналт, сэргийлэлтийн төв, Америкийн эх барих эмэгтэйчүүдийн эмч нарын зөвлөл, Эх ургийн анагаах ухааны нийгэмлэгээс жирэмсэн болон хөхүүл ээжүүдийг вакцинд хамрагдахыг зөвлөж байгаа юм.

Нью-Йоркийн их сургуулийн дэргэдэх, Лонг Айландын Langone эмнэлгийн нярайн эмч, доктор Назийх Ханна Politifact-д “Хэдийгээр ихэнх мэдээлэл дутуу байгаа ч аль нэг вакцин нь хөхөөр хооллож буй нярай хүүхдэд хор хөнөөл учруулдаг гэсэн нотолгоо байхгүй байна” хэмээн тайлбар өгчээ.

Вакцин тариулсан ээжүүд хүүхдээ хөхөөр хооллохтой холбоотой өвчлөл үүсэх шинжлэх ухааны үндэслэл байхгүй.

Вакцинаас болж хүүхдийн гепатит үүсэж байна уу?

Factcheck:

Дөрөвдүгээр сарын эхээр ДЭМБ болон Их Британийн Эрүүл мэндийн аюулгүй байдлын агентлаг хүүхдүүдийн дунд элэгний үрэвсэлт өвчний тохиолдол нэмэгдэж байгаа ч өвчнийг үүсгэдэг гепатитийн вирус илрээгүй тухай мэдээлж байв.

ДЭМБ-ын зүгээс хүүхдийн гепатитийг КОВИД-19-ийн вакцинтай холбосон ямар нэгэн мэдээлэл гаргаагүй бол Их Британи “Хүүхдийн гепатит нь коронавирусийн вакцинтай хамаатай гэсэн ямар ч нотолгоо байхгүй байна” гэжээ.

Вакцин хийлгэсэн хүүхдүүдийн зүрх үрэвсдэг үү?

Factcheck:

Миокардит буюу зүрхний булчингийн үрэвсэл хүүхдэд маш ховор тохиолддог байна. Мэргэжлийн эмнэлгийн олон холбоо, нийгэмлэгийн эрүүл мэндийн агентлагуудаар баталгаажсан, 2021 оны зургаадугаар сард гаргасан мэдэгдэлд миокардит нь вакцин хийлгэсний дараа маш ховор тохиолддог гаж нөлөө бөгөөд миокардитаар өвчилсөн тохиолдолд хурдан эдгэрдэг болохыг бичжээ.

Судалгаанаас үзэхэд вакцин биш, харин КОВИД-19-ийн халдвар нь миокардитын эрсдэлт хүчин зүйл болох нь тодорхой байна. АНУ-ын Халдварт өвчний хяналт, сэргийлэлтийн төвийн 2021 оны есдүгээр сарын тайлангаас харахад КОВИД-19-ийн халдвар авсан бүх насны өвчтөнд миокардитаар өвчлөх эрсдэл коронавирусийн халдваргүй өвчтөнүүдээс 16 дахин өндөр байна.

Мөн КОВИД-19-ийн шинж тэмдэг хүүхдүүдэд ихэвчлэн хөнгөн хэлбэрээр илэрдэг бол зарим хүүхдэд олон эрхтэн системийн үрэвсэлт хам шинж(MIS-C)-ээр илэрдэг ба энэ өвчний үед биеийн олон эрхтэнд үрэвсэл явагддагийн дотор зүрх мөн үрэвсдэг.

“Хэдийгээр хүүхдүүд КОВИД-19-өөр хүндээр өвчлөх магадлал багатай ч тэд КОВИД-19-ийн халдвар авч, дамжуулж, халдварын улмаас нас барж болно« гэдгийг Филадельфийн Хүүхдийн эмнэлгийн зүрх судасны эмч, доктор Мэттью Элиас хэлжээ. Хүүхдүүдэд КОВИД-19-ийн халдварын шинж тэмдэг илрээгүй боловч халдварын улмаас олон эрхтэний үрэвсэл үүсэж байж« гэдгийг мөн тайлбарласан байна. Өөрөөр хэлбэл, хүүхдүүдэд вакцинаас болж биш, COVID-19 халдварын дараа зүрхний өвчин үүсэх магадлал өндөр байгааг мэргэжилтнүүд хэлжээ.

Хүүхдүүд вакцин тариулалгүй эрүүл саруул өсөж байна…

Factcheck:

Хэрэв хүн амын дархлалыг зохих түвшинд хүргэж чадахгүй бол вакцинаар сэргийлэх боломжтой халдварт өвчнүүд дахин сэргэх аюултай. Вакцин тариулснаас үүдэх эрсдэл нь тухайн өвчнөөр өвдсөнөөс хамаагүй бага байдаг. Тухайлбал, халдварт саагийн вирус нь саажилт үүсгэнэ, улаанбурхан өвчнөөр сохрох ч аюултай.

Цар тахлын улмаас дархлаажуулалтын үйлчилгээ үзүүлэхэд хүндрэлтэй 68 улс байгааг ДЭМБ, НҮБ-ын Хүүхдийн сан мэдээлсэн бөгөөд үүнээс болж нэг хүртэлх насны 80 орчим сая хүүхэд өвчлөх эрсдэлтэй байгааг мэдээлжээ.

Монгол Улс л гэхэд 2014 онд Улаанбурхан өвчин бүрэн устсан орон хэмээн зарлаж байв. Гэвч 2016 онд Улаанбурхан өвчний дэгдэлд гарч, 0-5 насны 59 хүүхэд энэ өвчнөөр эндсэн юм. Улмаар Засгийн газар дархлаажуулалтыг нэн яаралтай авч хэрэгжүүлсний үр дүнд өвчлөлийг цааш улам дэгдэхээс урьдчилан сэргийлж чадсан.

Эх сурвалжууд:

https://publichealthcollaborative.org/misinformation-alert/study-finds-trace-amounts-of-vaccine-mrna-in-breast-milk-fueling-misinformation/

https://fullfact.org/health/hepatitis-liver-damage-children-breastfeeding-vaccine/

https://www.who.int/emergencies/disease-outbreak-news/item/2022-DON368

https://www.gov.uk/government/news/hepatitis-liver-inflammation-cases-in-children-latest-updates

https://www.nottingham.ac.uk/news/expertiseguide/life-sciences/professor-will-irving.aspx

https://www.reuters.com/article/factcheck-health-hepatitis-idUSL2N2X224D

https://www.gov.uk/government/news/hepatitis-liver-inflammation-cases-in-children-latest-updates

https://phmpt.org/wp-content/uploads/2022/03/125742_S1_M4_4223_185350.pdf

https://www.politifact.com/factchecks/2021/dec/23/peter-mccollough/benefits-covid-19-vaccines-far-outweigh-risks-teen/

https://www.hhs.gov/about/news/2021/06/23/statement-following-cdc-acip-meeting-nations-leading-doctors-nurses-public-health-leaders-benefits-vaccination.html

https://www.fda.gov/news-events/press-announcements/fda-authorizes-pfizer-biontech-covid-19-vaccine-emergency-use-children-5-through-11-years-age

https://www.heart.org/en/coronavirus/coronavirus-questions/questions-about-covid-19-vaccination

https://www.aap.org/en/pages/2019-novel-coronavirus-covid-19-infections/children-and-covid-19-vaccination-trends/

https://www.who.int/news/item/22-05-2020-at-least-80-million-children-under-one-at-risk-of-diseases-such-as-diphtheria-measles-and-polio-as-covid-19-disrupts-routine-vaccination-efforts-warn-gavi-who-and-unicef

Төстэй мэдээлэл

Tserenkhuu Ishtseden гэх фэйсбүүк хаягаас “Дархлаа тогтсон эсэх нь 7-8

Товч агуулга: С.Зориг агсны гэргий Б.Булгантай хийсэн ярилцлага бүхий нэвтрүүлэг 2024.04.20-ны өдөр өөр өөр цагуудад өргөн нэвтрүүлгийн 14 сувгаар цацагдсан юм. Үүнд зураг дээрх нэр нь бичигдсэн телевизүүд багтав. Энэхүү нэвтрүүлгийг хаанаас хийсэн талаарх мэдээллийг нягталж өгөх хүсэлт ирсний дагуу нягталлаа. Factcheck: 1:08:41 цаг үргэлжилсэн уг нэвтрүүлгийг ямар студи, баг, тэр дотроо хэн гэж найруулагч, […]

Сэтгүүлч Баасанжавын Отгон 2023.11.16-нд “ХСҮТ-ийн Эрдэнэхүү эмч: 5 орны лабораторт элэгний хорт хавдраар өвчилсөн хүмүүсийн вирусыг шинжлүүлэхэд шахмал түлшнээс үүдэлтэй шинэ төрлийн вирус гарсан🥲Шинэ төрлийн вирусаар зөвхөн Монголчууд өвчилж байгаа” гэсэн пост оруулжээ. Уг постын шэйр нэг хоног хүрэхгүй хугацаанд 1.8К хүрч, 2.8К хүн хуваалцсан бөгөөд 500 гаруй сэтгэгдэл бичсэн байна. Нийт хариу үйлдлийн 117 […]

УИХ-ын гишүүн, Засгийн газрын Хэрэг эрхлэх газрын дарга Л.Оюун-Эрдэнэ Монголын үндэсний олон нийтийн радио телевизийн ярилцлагад оролцох үеэрээ одоогоос арван жилийн өмнө хотод ирсэн хийгээд жижүүрийн ажил хийдэг байсан талаараа ярьжээ. Тодруулбал, тухайн ярилцлагынхаа үеэр “Би 30-тай байхдаа хотод орж ирсэн шдээ. Ерөөсөө арван жилийн өмнө. Сумын тамгын газарт жижүүр хийж байсан. Нэг их үгүйсгэх […]

Товч агуулга: Пүрэвдорж Б.М гэх фэйсбүүк хэрэглэгч Цэрэг армийн мэдээ мэдээлэл гэх группт 2023.02.22-нд “орос улс сая Сары шаганы туршилтын талбайд шинэ төрлийн пуужинг амжилттай туршжээ. тус пуужин 3км/сек хурдтайгаар нисч байг өндөр нарийвчлалтай оносон байна. саяханыг хүртэл дэлхийн агаар мандалд ямарч биет ийм хурдаар нисэх боломжгүй гэж үздэг байв” гэсэн пост оруулжээ. Уг постыг […]

Товч агуулга АНУ-ын цэргийнхэн хүүхдийн вакцинаас скополамин илрүүлсэн

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх