Электрон тамхинд янжуур тамхитай ижил никотин агуулагдахаас гадна бусад төрлийн химийн хортой бодисууд агуулагддаг байна. АНУ-ын Уушгины ассоциацын 2025 оны дөрөвдүгээр сард танилцуулсан судалгаагаар электрон тамхинд дараах химийн бодисууд агуулагддагаас гадна “Никотингүй” гэж зарладаг цахим тамхи хүртэл никотин бага хэмжээгээр агуулдаг болохыг тогтоосон байна. Улмаар электрон тамхины шингэн халах үед илүү их хортой химийн бодисууд үүсдэг болохыг дурджээ.
- Никотин бол өсвөр насны хүүхдийн тархины хөгжилд сөргөөр нөлөөлдөг, маш их донтуулдаг
- Пропилен гликол – хоолонд түгээмэл хэрэглэгддэг нэмэлт бодис
- Ацетальдегид, формальдегид зэрэг хорт хавдар үүсгэдэг химийн бодисууд
- Акролен – голчлон хогийн ургамлыг устгахад ашигладаг гербицид нь уушгинд эргэлт буцалтгүй гэмтэл учруулдаг.
- Диацетил – Уушгины бронхиолитын эмгэг үүсгэдэг
- Диэтилен гликол нь уушгины өвчинтэй холбоотой антифризд хэрэглэгддэг хортой химийн бодис
- Никель, цагаан тугалга, хар тугалга зэрэг хүнд металлууд
- Кадми – уламжлалт тамхинд агуулагддаг хорт металл нь амьсгалын замын өвчлөл үүсгэдэг
- Бензол – машины утаанд агуулагддаг дэгдэмхий органик нэгдэл (VOC).
- Уушгины гүнд амьсгалах боломжтой хэт нарийн ширхэгтэй тоосонцор
Электрон тамхи нь янжуур тамхитай ижилхэн хортой, эрүүл мэндэд сөрөг нөлөөтэй хэмээн ДЭМБ хэдийн үзсэн байна.
Эх сурвалж:
- ДЭМБ
- АНУ-ын Уушгины ассоциац
