Трамп монголчуудад эх оронч үзлээ хадгалахыг уриалсан гэдэг ХУДАЛ

Өнгөрсөн амралтын өдөр буюу есдүгээр сарын 6-ны өдөр xemnel.com гэх сайтын фэйсбүүк хуудаст “Трамп Монголчуудад эх оронч үзлээ хадгалах, эх орноосоо урвагчдыг жигших, шийтгэх, үндэсний үйлдвэрлэлээ хамгаал гэв” гэсэн агуулга бүхий мэдээлэл орсон.

Уг мэдээлэлд 3400 гаруй хүн лайк дарж, 300 орчим хүн шэйрлэсэн байна.

Тэгвэл уг мэдээлэл үнэн эсэхийг нягталлаа.

Тус мэдээнд “Трамп монголчуудад том боломж өгч байна. Даяарчлал баяртай! АНУ-ын Ерөнхийлөгч Д.Трамп Нью-Йорк хонтоо болж буй НҮБ-ын Ерөнхий чуулганы индрээс дэлхийг доргиосон мэдэгдэл хийлээ. Трамп уг чуулган дээр АНУ даяарчлалаас татгалзаж, эх оронч үндэсний үзлийг тэргүүлэх үзэл болгож буйгаа зарлав. Тэрээр НҮБ-ын индэр дээрээс “АНУ-ыг америкчууд удирдана. Бид даяарлчлалын үзэл суртлыг үл зөвшөөрнө. Би эх оронч үзлийг дэмжинэ” гэж хэллээ. Энэ бол монголчуудад ирж буй түүхэн боломж юм. Трампын хийж буй энэ өөрчлөлт үндэстэн бүр эх оронч үзлээ хадгалах, эх орноосоо урвагчдыг жигших, шийтгэх, үндэсний үйлдвэрлэлээ хамгаалж, харийн цагаачдад хаалгаа хаах ёс суртахууны болоод эрх зүйн боломжийг өгч байна. Үүгээрээ Трамп “жинхэнэ хувьсгалыг” эхлүүлж байна” гэжээ.

Энэхүү текстэд хэзээ болсон үйл явдал нь байхгүй бөгөөд эх сурвалж дурдаагүй байна. Мөн энэ гарчгаар google.com-оор хайлт хийж үзвэл 2018, 2019 онуудад мөн энэхүү мэдээлэл tusgaar.mn сайтад гарч байжээ.

НҮБ-ын Ерөнхий Ассамблейн жил бүрийн чуулган есдүгээр сард болдог бөгөөд 2020 оны 75 дахь удаагийн чуулган Нью-Йорк хотноо есдүгээр сарын 15-нд эхлэх товтой байна.

Дональд Трамп өмнө нь 74 дэх удаагийн чуулганд хэлсэн үгэндээ “Глобализм нь өнгөрсөн удирдагчдад шашны нөлөө үзүүлж, үндэсний эрх ашгаа үл тоомсорлоход хүргэсэн” хэмээн хэлж байсан бөгөөд Хятад улсын эдийн засгийн загварын шүүмжилж байснаас биш дээрх мэдээнд бичсэнчлэн АНУ даяарчлалаас татгалзаж, эх оронч үндэсний үзлийг тэргүүлэх үзэл болгоно гэж хэлээгүй байна.

Ялангуяа, монголчуудад хандсан нэг ч үг хэлээгүйг түүний илтгэлээс харж болно. Өөрөөр хэлбэл, xemnel.com болон tusgaar.mn сайтуудад нийтэлсэн уг мэдээлэл худал. 

Нягталсан: Fact Check Mongolia

Төстэй мэдээлэл

Цахим орчинд цахилгааны мөнгийг тэглээгүй, өмнөх онтой харьцуулан, илүү төлбөрийг нь тэглэж байгаа талаар мэдээлэл гарчээ. Тодруулбал, твиттер хуудсанд Амараа.Б хаягтай хэрэглэгч “УБЦТСХК-ийн тамхины цэг дээрээс: Тог тэглээгүй. Өмнөх оныхтой нь харьцуулалт хийгээд илүү гарсан тогны мөнгийг нь тэглэж байгаа юм байна. Та 2019 оны 12 сард 55000 төлжээ, 2020 оны 12 сард 65000 гарчээ […]

Энэ сарын 14-ний өдөр “Ювентус” клубын тоглогч, дэлхийн алдарт хөл бөмбөгч Криштиану Роналду коронавирусын тархалттай тэмцэх зорилгоор Португал дахь өөрийн эзэмшлийн зочид буудлыг эмнэлгийн зориулалтаар ашиглуулах боллоо гэх мэдээлэл Испанийн Marca сонин мэдээлсэн ч энэ нь ХУУРАМЧ МЭДЭЭЛЭЛ байх магадлалтай боллоо. Учир нь тухайн нэр дурдагдсан зочид буудлын зүгээс уг мэдээллийг үгүйсгэсэн байна. Хамгийн анх […]

Ерөнхий сайд асан С.Баяр 2022 оны 2-р сарын 24-ний өдөр твиттер хуудаснаа “Япон улсаас Украинд суугаа элчин сайд “Би Киевээс гарч явахгүй, суугаа орноо хамгаалах нь самурайн үүрэг” гэж мэдэгдээд түүнд өвлөгдөн үлдсэн эртний саймурайн өмсгөл, сэлэмтэй зургаараа пост хийж” хэмээн жиргэжээ. Энэхүү жиргээг 536 хүн таалж, 147 хэрэглэгч түгээсэн байна. Уг пост дээрх зураг […]

Фэйсбүүк орчинд Мягмартогтох Далай нэртэй хэрэглэгч “Халдвартай хүнтэй хавьтал болсон хүн бүр өвдөж байна” гэсэн мэдээллийг нийтэлжээ. Цар тахлын үед коронавирустэй холбоотой аливаа мэдээллийг заавал нягталж, шалгаж байхыг бид өмнө нь сануулж байсан. Шинэ коронавирусийн халдвар өдөртөө 20-30 шинэ тохиолдлоор нэмэгдэж, нөхцөл байдал хүндэрч болзошгүй энэ үед иргэдийг айдаст автуулах эсвэл хэт худал мэдээлэл түгээх […]

Otgonbayr Purevdorj гэх фэйсбүүк хэрэглэгч 2022.04.29-нд “Үнэн гэвэл вакцин чинь өөрөө халдварт өвчин шдээ. Яагаад гэвэл тухайн вирусийг хүний биед зориуд шахаж дархлаа тогтоох нэрийн дор үй олноор нь халдваржуулсан юм шүү” гэсэн агуулгатай пост оруулсныг нягталж өгөх хүсэлт ирсэн юм. Factcheck.mn энэ талаар өмнө нь нягтлан хүргэж байсан ч олон нийтийн дунд вакцин өөрөө […]

“Шинэ вирус Лямбда нь Дельтагаас 2 дахин аюултай Сэрэмжлүүлж байсан “супер мутант” мөн, 3 аюултай мутант нийлэгжжээ. ЭМЯ ард түмэн тэмцэлд бэлэн байх ёстой Зайнаас ч халдварлана Яаралтай Спутник, ганц аврал!” гэсэн мэдээллийг Tserenkhuu Ishtseden хэмээн фэйсбүүк хэрэглэгч постолжээ. Түүний постыг 157 хүн шэйрлэж, 1К хүн лайк дарсан байна. Уг мэдээллийг нягталлаа. Factcheck: COVID-19 цар […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх