Хүүхдүүдийн дунд тархсан гепатит КОВИД-19-ийн вакцинтай хамааралтай нь НОТЛОГДООГҮЙ

Товч агуулга

Их Британи: Хүүхдийн гепатит нь коронавирусийн вакцинтай хамаатай гэсэн ямар ч нотолгоо байхгүй

АНУ-д 109 хүүхдэд элэгний гепатит оношлогдсон ч вакцинд хамрагдах насны хүүхдүүд биш

Factcheck:

Хүүхдүүдийн дунд гепатитийн хүнд хэлбэрийн өвчлөл дэлхий даяар нэмэгдэж байгаа нь Pfizer-BioNTech компанийн Pfizer вакцинтай холбоотой хэмээн эрдэмтэн судлаачид дүгнэсэн гэх мэдээлэл олон нийтийн сүлжээнд тархжээ. Гэвч уг судалгаа нь хүүхдийн гепатит ба мРНХ вакцин хоёрын хоорондын холбоог харуулаагүй байна.

Дөрөвдүгээр сарын эхээр ДЭМБ болон Их Британийн Эрүүл мэндийн аюулгүй байдлын агентлаг хүүхдүүдийн дунд элэгний үрэвсэлт өвчний тохиолдол нэмэгдэж байгаа ч өвчнийг үүсгэдэг гепатитийн вирус илрээгүй тухай мэдээлж байв.

ДЭМБ-ын зүгээс хүүхдийн гепатитийг КОВИД-19-ийн вакцинтай холбосон ямар нэгэн мэдээлэл гаргаагүй бол Их Британи “Хүүхдийн гепатит нь коронавирусийн вакцинтай хамаатай гэсэн ямар ч нотолгоо байхгүй байна” гэжээ. Учир нь нийт тохиолдлын дийлэнх нь 5-аас доош насны хүүхдүүд байгаа буюу вакцинд хамрагдаагүй насны хүүхдүүд байгааг дурдсан байна.

АНУ мөн төстэй нөхцөл байдалтай байна. 109 хүүхдэд элэгний гепатит оношлогдсон нь вакцинд хамрагдах насны хүүхдүүд биш байжээ.

Дэлхий даяар шалтгаан нь тодорхойгүй гепатитийн хүнд хэлбэрээр өвчилсөн хэдэн зуун хүүхэд бүртгэгдээд байна.

2022.04.22-нд сайт Pfizer компанийн хийсэн судалгаагаар mRNA вакцин элгэнд хуримтлагдаж, гепатит үүсгэж байна гэсэн ташаа мэдээллийг түгээсэн нь цахим орчинд маш өргөн хүрээнд тархжээ.

Канадад төвтэй Acuitas Therapeutics хэмээх биотехнологийн компанийн санхүүжилтээр хархан дээр хийсэн судалгаагаар вакцинаас үүдэлтэй гепатитийн тохиолдол илрээгүй байна. Уг судалгаа нь mRNA-г агуулсан липидийн нано бичил хэсгүүд янз бүрийн эдэд тархах байдлыг судлах зорилготой байжээ.

Уг судалгааны дүгнэлтэнд “mRNA тарьсан газраас гадна элэг болон бусад эрхтэнд ажиглагдсан” гэсэн өгүүлбэр дурдагдсан байна. Энэ талаар Канадын Acuitas Therapeutics компанийн ахлах эрдэмтэн Йинг Там “Ройтерс” агентлагт цахим шуудангаар албан ёсны хариу тайлбар өгчээ. Тэрбээр “Уг судалгаа нь хүнд тарьдаг тунгаас 200-400 дахин их тун бүхий липидийн нано хэсгүүд хархны биед орсны дараа хаашаа тархаж байгааг харуулах зорилготой байсан. Ингэж судлахад липидийн нано хэсгийн харьцангуй бага хэсэг нь тарилга хийсэн газраас цусанд орж, цааш элгэнд хүрч байсан” гэж тайлбарлажээ. Эцэст нь судалгааны үр дүн ба дүгнэлтээр гепатиттай холбоогүй болохыг харуулсныг Тан нэмж онцолсон байна.

LPN-ийг дамжуулах системийг хөгжүүлэхэд Acuitas Therapeutics-тай хамтран ажилласан Pfizer компанийн төлөөлөгч “Энэ бол мэдээж худлаа” хэмээн вакцин болон гепатитийн талаарх дээрх тархсан мэдээллийг няцаажээ.

Эх сурвалжууд:

АШУҮИС-ийн Дархлаа судлалын тэнхимийн ахлах багш, эмнэл зүйн дархлаа судлаач эмч, Анагаах ухааны доктор Т.Хонгорзултай хамтран бэлтгэв.

Төстэй мэдээлэл

Худал

ДЭМБ Vero Cell вакциныг бүртгэсэн гэдэг мэдээ цуурхал – ХУДАЛ

Tserenkhuu Ishtseden хэмээн фэйсбүүк хэрэглэгч “ДЭМБ Vero Cell вакциныг “зөвшөөрлөө бүртгэж авлаа гэнээ” гэсэн мэдээ цуурхал шүү! Гагцхүү онцгой нөхцөлд хэрэглэж болно, гэхдээ үр дүнгийн мэдээлэлд экспертизын групп итгэхгүй байгаа гэж Гебрейесус хэлсэн” гэсэн постыг тавдугаар сарын 8-ны өдөр нийтэлжээ. Уг постыг 213 хүн цааш түгээж, 139 хүн сэтгэгдэл бичиж, 532 хүн лайк дарсан байна. […]

Ерөнхийлөгч Трампын “Коронавирусийг минийх шиг устгаж буй биеийг эмч нар хараагүй гэж хэлсэн” жиргээ үнэн үү?

АНУ-ын Ерөнхийлөгч Доналд Трамп “Коронавирусийг над шиг устгаж байгаа биеийг эмч нар хараагүй гэж хэлсэн. Тэд миний ДНК-д шинжилгээ хийсэн. Тэгээд “Энэ бол ДНК биш, Энэ бол АНУ. Хэрэв Жо Байден коронавирусийн халдвар авсан бол үхчихсэн байх байсан” гэж эмч нар хэлсэн” гэсэн агуулгатай жиргээний скрийн шот олон нийтийн сүлжээгээр тараад буй. Тэгвэл Доналд Трамп ингэж […]

Худал

Халдвартай хүнтэй хавьтал болсон хүн бүр өвдөж байна – ХУДАЛ

Фэйсбүүк орчинд Мягмартогтох Далай нэртэй хэрэглэгч “Халдвартай хүнтэй хавьтал болсон хүн бүр өвдөж байна” гэсэн мэдээллийг нийтэлжээ. Цар тахлын үед коронавирустэй холбоотой аливаа мэдээллийг заавал нягталж, шалгаж байхыг бид өмнө нь сануулж байсан. Шинэ коронавирусийн халдвар өдөртөө 20-30 шинэ тохиолдлоор нэмэгдэж, нөхцөл байдал хүндэрч болзошгүй энэ үед иргэдийг айдаст автуулах эсвэл хэт худал мэдээлэл түгээх […]

Д.Сарангэрэлийн хэлсэн 159 сая жуулчин манай улсыг сонирхсон гэдэг үнэн үү

Монголын аялал жуулчалын салбарт сүүлийн үед зуун сая давсан тоог ойр ойрхон иш татах болов. Засгийн газрын хэрэг эрхлэх газрын дарга Л.Оюун-Эрдэнийн 400 сая жуулчин хүлээн авах талаарх яриа намжиж амжаагүй байтал БОАЖ-ын шинэ сайд бас л зуун сая давсан жуулчны тухай ярьсан нь “Өдрийн сонин”-ы 2020 оны есдүгээр сарын 8-ны 179 дугаарт нийтлэгджээ. Тодруулбал, […]

Үнэн

Жолооч 15 хоногт торгуулиа төлөхгүй бол торгуулийн хэмжээ 50% нэмэгдэнэ – ҮНЭН гэхдээ…

“Жолооч та торгуулиа 15 хоногийн дотор төлөөгүй бол торгуулийн хэмжээ нь 50 хүртэл хувиар нэмэгдэнэ. 2024.01.01-ээс” гэсэн пост нийгмийн сүлжээнд гараад буй. Энэхүү агуулгыг үнэн эсэхийг нягталж өгөх хүсэлт ирсний дагуу нягталлаа. Factcheck: Жолоочийн хариуцлагыг нэмэгдүүлэх зорилгоор Эрүүгийн хууль болон Зөрчлийн тухай хуульд нэмэлт, өөрчлөлт оруулах Засгийн газрын төслийг УИХ 2023.12.07-нд баталсан. Уг өөрчлөлт 2024.01.01-нээс […]

Хөхний сүүгээр дамжин нялх хүүхдүүд вакцинд хордож байгаа юу?

Товч агуулга Зургаан сартайгаас доош насны хүүхдийг ээж нь вакцин хийлгэсний дараах эхний 48 цагт хөхүүлэхдээ болгоомжтой байхыг судлаачид сануулаад судалгааны үр дүнд вакцинжуулалт нь аюулгүй байсан гэдгийг хэлжээ. Аль нэг вакцин нь хөхөөр хооллож буй нярай хүүхдэд хор хөнөөл учруулдаг гэсэн нотолгоо байхгүй. Вакцин нь эхчүүдийн хөхний сүүнд коронавирус буюу SARS-CoV-2-ыг таньдаг эсрэгбие, тэр […]

Өөр мэдээ олдсонгүй.