Япон улсад хүүхдийг төрөнгүүт шууд вакцин хийдэггүй гэсэн мэдээлэл цахим орчинд хүмүүсийн анхаарлыг татаад буй. Мөн Handaa Byamba гэх фэйсбүүк хэрэглэгч 2024.11.27-нд Хүний папилломавирус(ХПВ)-ийн халдварын эсрэг вакцины талаар лайв видео хийхдээ Япон улсад 11 жил амьдарсан гэх Oyo Byamaba гэх фэйсбүүк хаягтай, иргэн Оюунбилэгийг урьж яриулах энэ талаар мөн хөндөгсөн.
Уг мэдээллийг нягталсныг хүргэж байна.
Factcheck:
Японд вакцинжуулалт нь ихэвчлэн хоёр сартайгаас эхэлдэг бөгөөд үүнд сахуу, хөхүүл ханиад, татран (DPT), саагийн вакцинууд багтдаг.
Харин сүрьеэгийн эсрэг вакциныг 5-7 сартайд хийдэг байна. Харин уг вакциныг олон улс орнууд, ялангуяа сүрьеэгийн тархалт ихтэй бүс нутгуудад төрсний дараа шууд хийдэг.
Ийнхүү Японд ихэнх вакциныг хоёр сартайгаас хойш хийдэг ч гепатит В вирусийн халдвартай эхээс төрсөн хүүхдэд төрсний дараа Гепатит В вакцин хийдэг байна.
Төрсний дараа вакцин хийх нь тухайн улсын өвчлөлийн байдал, НЭМ-ийн тэргүүлэх чиглэлүүд нөлөөлдөг. Тандалтын тогтолцоо сайн, өндөр орлоготой орнууд өвчлөлийн байдалд тулгуурлан дархлаажуулалтын хөтөлбөрөө өөрчилдөг.
Тиймээс Японд хүүхдийг төрөнгүүт нь шууд вакцин хийдэггүй гэдэг нь ТАШАА мэдээлэл байна.
Эрүүл мэндтэй холбоотой аливаа мэдээллийг албан ёсны, баталгаатай эх сурвалжаас авч, үргэлж нягталж байхыг Factcheck.mn сануулсаар байгаа билээ.
Эх сурвалж:
- ДЭМБ
- АНУ-ын Хүнс болон эмийн агентлаг
- Халдварт өвчин судлал, хяналтын төв
- ХСҮТ
- ХӨСҮТ
- ЭМЯ
- Хавдрын Үндэсний зөвлөл
- The Lancet сэтгүүл
- independent.co.uk
