Нүүр хуудасНягталсан мэдээлэлСонгуульНийслэлийн 36 агентлаг, үйлдвэр, төслийн дарга нарыг ажлаас нь чөлөөлсөн гэдэг ташаа...

|

Нийслэлийн 36 агентлаг, үйлдвэр, төслийн дарга нарыг ажлаас нь чөлөөлсөн гэдэг ташаа мэдээлэл

Нийслэлийн удирдах ажилтны шуурхай зөвлөгөөн өнөөдөр 08:00 цагт товлогдож, өвөлжилтийн бэлтгэл ажлын талаар хэлэлцэх төлөвлөгөөтэй байв. Гэвч хурлын ирц хангалтгүй, маш олон газар, хөтөлбөрийн дарга ирээгүй тул хотын даргын үүрэг гүйцэтгэгч Ж.Батбаясгалан тэднийг чөлөөлж, хариуцлага тооцох талаар мэдэгдсэн юм.

Тэрбээр:

  • Авто замын газар
  • Аялал жуулалчлалын газар
  • Боловсролын газрын дарга
  • Газрын албаны дарга
  • Орон сууцны, дэд бүтцийн газрын дарга
  • Дотоод аудитын газрын дарга
  • МХГ-ын газар
  • Нийгмийн халамжийн газар
  • Өмчийн ашиглалт, удирдлагын газрын дарга
  • Статистик
  • Соёл урлагийн газар
  • Татвар
  • Нийтийн тээврийн үйлчилгээний газрын дарга
  • Худалдан авах ажиллагааны газар
  • Замын хөдөлгөөн, төлөвлөлт зохицуулалт, инженерчлэлийн газрын дарга
  • Замын цагдаагийн газар
  • Геодез, усны газар
  • Зорчигч тээврийн нэгтгэл
  • Зорчигч тээвэр 3
  • НОСК
  • Хот төлөвлөлт судалгааны институс
  • Орон сууц нийтийн аж ахуйн газар
  • Шуурхай удирдлагын төвийн дарга
  • Хот тохижилт
  • Үндэсний цэцэрлэгт хүрээлэн
  • Хөрөнгө оруулалтын газрын дарга
  • Эмээлт
  • Багануур
  • Хөрөнгө оруулалт менежментийн газар
  • Нийтийн тээврийн хөрөнгө оруулалтын газар
  • Хөгжлийн корпорац
  • Гэр хороллыг хөгжүүлэх хөрөнгө оруулалтын хөтөлбөр
  • Дулааны шугам сүлжээний дарга байхгүй.

Яг одоо энэ хүмүүсийг бүгдийг нь чөлөөлнө. Тэгээд шүүхдээд явдаг юм байгаа биз. Би ард түмэнд бичлэг бүх юмыг нь үзүүлж байгаад энэ бүх хүмүүст хариуцлага тооцно. 

Ийм арчаагүй, сонгуулийн үед бүгдээрээ сонгуульдаад алга болдог, ард түмнийхээ төлөө биш ийм удирдлагуудаар ямар юм аа хийнэ ээ, нөхөд өө. Би энд өнөөдөр өвөлжилтийн бэлтгэл ажлын явцыг ярих гээд сууж байна. Би ч гэсэн дэвшиж байгаа. Би өнөөдөр тойрогтоо ганцхан удаа, амралтын өдрөөр очсон. Гэтэл төрийн жинхэнэ албан хаагчид өнөөдөр зарлагдсан нийслэлийн шуурхайд суухгүй байна.

Тамгын дарга, Ерөнхий менежер албан ёсоор энэ хүмүүсийн тушаал шийдвэрийг 9:30 цаг гэхэд аваад ир. Төрийн албаны тухай хууль, бусад хууль тогтоомжоор бүх хариуцлагыг нь тооцно" гэжээ.

Өөрөөр хэлбэл, хуулийн дагуу зохих хариуцлага тооцохоор болсон талаар ulaanbaatar.mn мөн мэдээлсэн байна.

Үүний дараахан энэ талаар шилэн Цогоо буюу Цоггэрэл "Нийслэлийн 36 агентлаг, үйлдвэр, төсөлийн дарга нарыг хотын дарга чөлөөллөө. Шалтгаан "Нийслэлийн шуурхайгаас хоцорсон, худал мэдээлэл өгсөн". Маш зөв. Нийслэлийг ингэж л удирдаж авч явж байх учиртай. Хариуцлагатай байна" хэмээн мэдээлсэн нь ташаа бөгөөд олныг төөрөгдүүлж байна.

Бид энэ талаар Нийслэлийн Засаг даргын Тамгын газрын Хэвлэл мэдээлэлтэй харилцах хэлтсээс тодруулахад “Ажлаас чөлөөлөх тушаал гараагүй” гэлээ.

Төрийн албан хаагчийг албан тушаалаас нь чөлөөлөх болон сахилга хариуцлага хэрхэн хүлээлгэдэг талаар хуульд ийн заажээ.

47 дугаар зүйл.Төрийн жинхэнэ албан хаагчийг албан тушаалаас нь халах

47.1.Төрийн жинхэнэ албан хаагчийг дараахь үндэслэлээр төрийн албанаас хална:

47.1.1.хуульд өөрөөр заагаагүй бол удаа дараа /3 ба түүнээс дээш/ албан үүргээ хангалтгүй биелүүлсэн;

47.1.2.гэмт хэрэг үйлдсэн нь нотлогдож шүүхийн шийтгэх тогтоол хүчин төгөлдөр болсон;

47.1.3.Монгол Улсын харьяатаас гарсан;

47.1.4.энэ хуульд заасан бусад үндэслэл.

47.2.Энэ хуулийн 47.1-д заасан шийдвэрийг хуульд өөрөөр заагаагүй бол төсвийн шууд захирагч гаргана.

Хэвлэх

48 дугаар зүйл.Төрийн жинхэнэ албан хаагчид сахилгын шийтгэл ногдуулах

48.1.Хуульд өөрөөр заагаагүй бол энэ хуулийн 37, 39 дүгээр зүйлд заасныг зөрчсөн, албан үүргээ биелүүлээгүй болон энэ хуульд заасан бусад тохиолдолд тухайн зөрчлийн шинж байдал, түүнийг анх буюу давтан үйлдсэнийг нь харгалзан төрийн жинхэнэ албан хаагчид дараахь сахилгын шийтгэлийн аль нэгийг ногдуулна:

48.1.1.сануулах;

48.1.2.албан тушаалын цалингийн хэмжээг 6 сар хүртэл хугацаагаар 20 хүртэл хувиар бууруулах;

48.1.З.төрийн албанаас халах;

48.1.4.төрийн албанд гурван жилийн хугацаанд эргэж орох эрхгүйгээр халах;

48.1.5.хуульд заасан бусад.

48.2.Энэ хуулийн 48.1-д заасан сахилгын шийтгэлийг заавал дэс дараалан хэрэглэхийг шаардахгүй.

48.3.Төрийн жинхэнэ албан хаагчид түүнийг томилсон эрх бүхий албан тушаалтан, хамтын удирдлага бүхий байгууллага томилсон бол тухайн байгууллагын даргын шийдвэрээр сахилгын шийтгэл ногдуулна.

 

Төстэй мэдээ

Хандив өгөх

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Та дараах маягтыг бөглөж бидэнтэй холбоо барина уу:

FACTCHECK нягталсан мэдээлэлдээ үнэлгээг хэрхэн хийдэг вэ?

  • Нотолгоо эсвэл баримтууд нь үнэн.
  • Саармаг, бүрэн үнэн биш, бүрэн худал биш.
  • Нотолгоо эсвэл мэдүүлгүүд нь тодорхойгүй хэвээр байгаа эсвэл нотлох боломжгүй.
  • Илрүүлэх үйл ажиллагаа эсвэл мөрдөн байцаалт үргэлжилж байгаа.
  • Ихэнх хэсэг нь үнэн ч хайхрамжгүйгээс гарсан алдаа байгаа боловч үндсэн агуулга нь үнэн.
  • Гарчиг нь тухайн нийтлэлээс уншиж болох зүйлээс огт өөр зүйлийг санал болгосон. Тухайлбал, Clickbait буюу өгөөш.
  • Ямар нэгэн зүйлийг орхигдуулсан, эсвэл уялдаа, холбооноос нь гаргаад хаячихсан.

  • Саармаг, бүрэн үнэн биш, бүрэн худал биш.
  • Нотолгоо эсвэл мэдүүлгүүд нь тодорхойгүй хэвээр байгаа эсвэл нотлох боломжгүй.
  • Илрүүлэх үйл ажиллагаа эсвэл мөрдөн байцаалт үргэлжилж байгаа.
  • Ихэнх хэсэг нь үнэн ч хайхрамжгүйгээс гарсан алдаа байгаа боловч үндсэн агуулга нь үнэн.
  • Гарчиг нь тухайн нийтлэлээс уншиж болох зүйлээс огт өөр зүйлийг санал болгосон. Тухайлбал, Clickbait буюу өгөөш.
  • Ямар нэгэн зүйлийг орхигдуулсан, эсвэл уялдаа, холбооноос нь гаргаад хаячихсан.

Нягтлуулах, хуурамч мэдээлэл илгээх

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.