Монголын бүх иргэд дансаар орсон мөнгөнөөсөө 1% татвар төлнө-ТАШАА

“Иргэн хувиараа бизнес эрхэлдэг та 2024.01.01 нээс АЛДАГДАЛТАЙ ажилласан ч та татвар төлнө, монголын бүх иргэд дансаар орсон мөнгөнөөсөө 1 хувийн татвар төлнө, чөлөөт цагаараа фитнест явж, хамт олноороо дуулах хоол идэх эргүй боллоо нийслэл хотын татвар 2 хувь болж нэмэгдлээ, одоо төлдөг төлбөрөө 2 дахин нэмж төлнө гэсэн үг үү……😪😪🫨🫨😦” гэсэн агуулгатай пост цахим хуудсаар явж байгаа бөгөөд энэ талаар нягталж өгөх хүсэлт ирсний дагуу нягталлаа.

Factcheck:

2024.01.01-нээс хувиараа хөдөлмөр эрхлээд орлого олдог иргэд ямар нэгэн зардлын баримт шаардахгүйгээр орлогоосоо 1%-ийн татвар төлөх хялбар систем зэрэгцээд хэрэгжих талаар татварын байгууллага мэдээлсэн.

Юуны өмнө одоогийн байгаа татварын хууль тогтоомж яаж хэрэгждэг вэ гэвэл бизнес буюу худалдаа явуулж, үйлдвэрлэл эрхэлж, үйлчилгээ үзүүлдэг иргэд 50 сая төгрөгөөс илүү гарсан орлогоосоо зардлаа хасаад, ашгаасаа 10%-ийн татвар төлдөг заалт үйлчилж байгаа. Өөрөөр хэлбэл, гар утас зардаг иргэн 5 сая төгрөгөөр зарсан гар утсаа өөр хүнээс 4.5 сая төгрөгөөр авснаа и-баримтаар баталгаажуулж чадахгүй бол 5 сая төгрөгөөсөө 10%-ийн татвар төлөх зохицуулалттай.

Тэгвэл 2024 оноос үйлчлэх шинэ зохицуулалтаар ийнхүү зардлаа баталгаажуулахгүйгээр, 50 сая төгрөгөөр хязгаарлагдахгүйгээр, үйл ажиллагааны бүх орлогоосоо 1%-ийн татвар төлөх талаар Татварын ерөнхий газрын Татварын улсын байцаагч Ц.Ундармаа тайлбарлав.

Өмнө нь зардлын баримт бүрдүүлэх нь хүндрэлтэй, бүрдүүлж чадахгүй учраас нийт орлогоосоо 10% төлөөд байгаагаа үйл ажиллагаа эрхэлдэг иргэд татварын байгууллагад хандаж ярьж байжээ. Иймд уг асуудлыг шийдэх үүднээс и-баримтаар орж ирж байгаа нийт орлогоос 1%-ийн татварыг авах зохицуулалтыг ийнхүү нэмж оруулж байгаа аж.

Өөрөөр хэлбэл, зардлын баримтаа бүрдүүлээд цэвэр ашгаасаа 10% төлөх, эсвэл и-баримтаар баталгаажсан нийт орлогоосоо 1%-ийн татвар төлөх үү гэдгээ тухайн иргэд өөрсдөө шийдэж, аль ашигтай хувилбараа сонгох боломжийг бүрдүүлсэн юм байна.

“Нэг нэгэндээ мөнгө шилжүүлж, мөнгө зээлэхэд орлого орсон гэж үзээд 1%-ийн татвар авах нь гэж тайлбарлаад байгаа хүмүүсийн ойлголт бол биш. Энэ хуулийн үндсэн өөрчлөлт нь үйл ажиллагаа эрхэлж байгаа иргэдэд хамаатай. Үйл ажиллагаа явуулж байгааг яаж тогтоох вэ гэхээр и-баримт олгож байгаа олголтоос нь тогтооно” гэдгийг мөн Татварын ерөнхий газрын дарга Б.Заяабал нэмж тодруулав.

Тиймээс Монголын бүх иргэд дансаар орсон мөнгөнөөсөө 1 хувийн татвар төлнө гэдэг нь ТАШАА ойлголт байна.

  • Эх сурвалж:
  • Legalinfo
  • Татварын Ерөнхий Газар
Төстэй мэдээлэл

Зургадугаар сарын 18-нд Монголын үндэсний бөхийн холбоо, Монголын морин спорт, уяачдын холбоо, Монголын үндэсний харваачдын холбоод хамтарсан мэдээлэл хийсэн юм. Энэ үеэр спортын сэтгүүлч, тайлбарлагч Монгол Улсын соёлын гавьяат зүтгэлтэн Л. Цагаандалай коронавирустэй холбоотой байр суурь хэлснийг нягталлаа. Тэрбээр “Тал нутагтаа морио уяад явж байгаа хүн бол вакцин гэж бичээд байгаа, өглөө бүхэн вакцин хийлгэж […]

Коронавирусийн халдварын тархалттай холбоотой иргэдийг төөрөгдүүлсэн шийдвэрүүдийн талаар бид хүргэсээр байгаа билээ. Энэ удаад шинэ коронавирусын шинжилгээтэй холбоотой зөрүүтэй мэдээллийг нягтлан хүргэж байна. PCR шинжилгээг зөвхөн орон нутаг руу зорчих иргэдээс шаардах бөгөөд бусад тохиолдолд 72 цаг хүчинтэй PCR шинжилгээ нэхэхгүй байх талаар мэдээлэл гарсан. Энэхүү мэдээлэл иргэдэд эргэлзээ үүсгэсэн юм. 2021.03.06 ЭМЯ-ны хэвлэл, мэдээллийн […]

“Карантинаас архи олж уугаад Энхтайваны гүүрийг машинаараа өчигдөр шөнө мөргөсөн гэнэ” гэх мэдээлэл цахим орчинд гараад байна. Энэхүү мэдээллийг бид Тээврийн цагдаагийн албанаас тодруулахад “Осол гарсан нь үнэн. Гэхдээ тухайн жолооч согтууруулах ундааны зүйл хэрэглээгүй байсан үзлэгээр тогтоогдсон. Халтиргаанаас үүдэн гулгаад осол гарсан” гэсэн мэдээллийг өглөө. Согтуу жолооч гүүр мөргөсөн гэх энэхүү мэдээлэл худал болох […]

МУБИС-ийн хоёр оюутнаас халдвар илэрч, зургаан оюутан халуурч байгаа талаар олон нийтийн сүлжээ, зарим хэвлэл мэдээллийн байгууллагууд мэдээлээд байна. Тэгвэл энэ нь худал болохыг Засгийн газар, УОК-ын хэвлэлийн төлөөлөгч Ц.Ганзориг мэдэгдлээ. Тэрбээр “Буруу ташаа, албан бус мэдээлэл түгээж байгаа зарим хэвлэлийн мэдээг залруулж байна. Яаран нягтлаагүй мэдээллийг түгээх нь цар тахлаас урьдчилан сэргийлэхэд нэмэр болохгүй” […]

Bayarmaa Alex Александра зеленская буюу хар тамхичин нацист зеленскийн охин украйнаас дүрвэжээ гэсэн пост оруулжээ. Уг постыг 96 хүн шэйрлэж, 300 хүн хариу үйлдэл үзүүлсний 189 нь лайк, 51 нь гайхсан, 14 нь гунигласан, 7 нь уурласан буюу дийлэнх нь итгэсэн байгаа юм. Тус постод “Польш руу гарсан охин нь хар тамхичин эцгийнхээ талаар бодит […]

С.Жавхлангийн хийсэн лайвын үеэр яригдсан ХУДАЛ мэдээллүүд УИХ-ын гишүүн асан, дуучин С.Жавхлан аравдугаар сарын 15-наас “Монголоо аваръя” хөдөлгөөн эхлүүлж, Сүхбаатарын талбайд суулт хийж байгаа ба энэ талаараа тогтмол лайв хийж, талбайд цугласан иргэдийн сэтгэгдлийг үүгээрээ дамжуулж байгаа юм.  Гэвч энэ үеэр зарим иргэн КОВИД-19 халварт өвчний талаар олон нийтэд ташаа ойлголт дамжуулж байгааг бид нягтлан […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх