Otgonbayr Purevdorj гэх фэйсбүүк хэрэглэгч 2022.04.29-нд “Үнэн гэвэл вакцин чинь өөрөө халдварт өвчин шдээ. Яагаад гэвэл тухайн вирусийг хүний биед зориуд шахаж дархлаа тогтоох нэрийн дор үй олноор нь халдваржуулсан юм шүү” гэсэн агуулгатай пост оруулсныг нягталж өгөх хүсэлт ирсэн юм.
Factcheck.mn энэ талаар өмнө нь нягтлан хүргэж байсан ч олон нийтийн дунд вакцин өөрөө вирус гэсэн ойлголт байсаар байгаа нь уг постны комментоос харагдаж байна. Мөн 21 хүн лайк даржээ.
Factcheck:
Монгол улс 2021.02.23-нд албан ёсоор эхлүүлсэн бөгөөд манай улс Астразенека, Вероселл, Камирнэти буюу Файзер, Модерна мөн Спутник гэсэн вакцинаар иргэдээ дархлаажуулснаас дийлэнх нь Вироселл болон Файзер вакцин юм.
Монгол Улсад ашиглаж байгаа, БНХАУ-ын Синофарм үйлдвэрийн идэвхгүйжүүлсэн буюу Вироселл вакцины найрлагыг харвал
- Үндсэн найрлага: идэвхгүйжүүлсэн 19n-CoV-CDC-Tan-HB02
- Туслах найрлага: хөнгөн цагааны гидроксид,
- Нэмэлт бодисууд: натрийн устөрөгчийн фосфат, натрийн хлорид, натрийн дигидрофосфат агуулжээ.
Монгол Улсад орж ирсэн БНХАУ-ын Бээжингийн биологийн бүтээгдэхүүний хүрээлэн ба Синофарм үйлдвэрийн BBIBP-CorV /Vero Cell/ вакциныг уламжлалт аргаар гаргаж авсан.
Бээжингийн биологийн бүтээгдэхүүний хүрээлэнгийн судлаачид орон нутгийн эмнэлэгт хэвтэн эмчлүүлж байсан өвчтөнүүдээс коронавирусийн гурван хэв шинжийг ялган авсан.
Эсийн дотор үржиж олшрох чадвартай нэг хэв шинжийг сонгон авч, коронавирусийн арвин нөөцтэй болсны дараагаар вирусийг бета-пропиолактон гэдэг бодис ашиглан химийн аргаар идэвхгүйжүүлсэн. Идэвхгүй болсон вирус халдвар үүсгэдэггүй ч бүтцийн уургууд нь хэвээр үлддэг. Вирусийг идэвхгүйжүүлсний дараагаар цэвэршүүлж, маш бага хэмжээний хөнгөн цагаанд суурилсан бодистой хольсон.
Хөнгөн цагаан нь вакцины нөлөөгөөр өрнөх дархлааны хариу урвалыг идэвхжүүлж, дархлаа тогтохыг нэмэгдүүлдэг. Вирусийг идэвхгүйжүүлж гарган авсан вакциныг 100 гаруй жилийн турш ашиглаж ирсэн бөгөөд халдварт саа, галзуу, А гепатит зэрэг өвчний эсрэг вакциныг ижил аргаар гарган авсан байна. Тус вакциныг хүний булчинд тарихад антиген илчлэгч эсүүд гэж нэрлэгдэх дархлааны эсүүд идэвхгүйжүүлсэн вирусийг олзлон авдаг. Олзлон авч дотроо оруулсан идэвхгүйжүүлсэн вирусийг задалж тодорхой нэг жижиг хэсгийг гадаргуудаа гарган өгч дархлааны туслагч Т эсэд таниулж өгдөг.
Идэвхэжсэн дархлааны туслагч Т эс бусад дархлааны эсүүдийг идэвхжүүлж өгдөг. Идэвхгүйжүүлсэн вирусийн нөлөөгөөр идэвхэжсэн дархлааны В эс, өөрөөсөө эсрэг бие нэртэй уургийг нийлэгжүүлдэг. Ийнхүү вакцины нөлөөгөөр дархлааны эсүүд бэлтгэгдэж, амьд коронавирусийн халдвар биед орж ирэхэд эсрэг биеийг нийлэгжүүлж, нийлэгжсэн эсрэг бие нь амьд вирусийг эсэд нэвтэрч, халдвар үүсгэхээс сэргийлдэг.
mRNA вакцины хувьд уламжлалт вакцинаас өөр юм.
COVID-19-ийн эсрэг mRNA вакцин нь хүний биеийн байгалийн дархлааны хариу урвалыг давуу тал болгон ашигладаг. COVID-19 вирус эсэд очиж холбогддог S уургийн молекулыг вакцины тун агуулдаг. Эс энэхүү зааврыг хүлээн авмагцаа уг уургийг өөрөө үүсгэж, гадаргуу дээрээ харуулдаг. Харин дархлааны систем үл мэдэх уг уургийг олж, түүний эсрэг тэмцэх эсрэг биеийг үүсгэдэг.
АНУ-ын Халдварт өвчний хяналт, сэргийлэлтийн төв S уургийг аюулгүй болохыг мэдэгдсээр байна. “Дархлааны систем нь уураг энд хамааралгүй болохыг ойлгож, COVID-19-ийн эсрэг байгалийн халдвар авсантай адил дархлааны хариу урвал үзүүлж, эсрэг бие үүсгэж эхэлдэг. Эцэст нь бидний бие ирээдүйд халдвараас өөрийгөө хамгаалж сурдаг” хэмээн үүнийгээ тайлбарласан байдаг.
Вакцин хийлгэсэн хүн халдвар авах боломжтой ч вирусийн хүндрэл, нас баралтаас эдгээр вакцин нь аль аль нь өндөр үр дүнтэй сэргийлж байгаа нь нотлогдсон билээ.
Иймд Вакцин өөрөө халдварт өвчин гэдэг нь олон нийтийг төөрөгдүүлсэн ХУДАЛ мэдээлэл юм.
Эх сурвалжууд:
- Эрүүл Мэндийн Яам
- ХӨСҮТ
https://www.nytimes.com/interactive/2020/health/sinopharm-covid-19-vaccine.html
https://www.cdc.gov/vaccinesafety/concerns/adjuvants.html
https://www.cdc.gov/coronavirus/2019-ncov/vaccines/different-vaccines/mrna.html
https://www.cdc.gov/coronavirus/2019-ncov/vaccines/different-vaccines/how-they-work.html
