БНХАУ-ын "Синофарм" үйлдвэрийн Вероселл буюу идэвхгүйжүүлсэн коронавирусийн вакцин 3-17 насны хүүхдүүдэд маш сайн үр дүн үзүүлсэн талаар олон нийтийн сүлжээгээрээ өнөөдөр тархсан. Энэ талаар 24tsag.mn сайт мөн мэдээлэл хийжээ.
Уг мэдээллийг нягталлаа.
Factcheck: ХУДАЛ
ДЭМБ-ын Вакцины асуудлаарх Стратегийн зөвлөх багийн хуралдаан дөрөвдүгээр асрын 29-ний өдөр хуралджээ.
Уг хурлаар БНХАУ-ын хөгжүүлж буй гурван вакцины эмнэл зүйн туршилтуудын үр дүнг хэлэлцсэн байна.
Энэхүү мэдээллийг үзэхэд 3-17 насны хүүхдүүдэд туршсан вакцин нь "Синофарм" үйлдвэрийн вакцин биш ажээ.
Энэ нь БНХАУ-ын Синовак үйлдвэрийн идэвхгүйжүүлсэн коронавирусийн вакцин байна.
Харин Монгол Улс тус улсын "Синофарм" үйлдвэрийн вакциныг дархлаажуулалтад ашиглаж байгаа билээ.
Тус үйлдвэрийн вакциныг дэлхийн 45 орны 18-аас дээш насны иргэдэд 65 сая тун хийсэн туршилтын талаар ДЭМБ уг хурлаараа хэлэлцжээ. Тиймээс "Синофарм" үйлдвэрийн Вероселл вакцин 3-17 насны хүүхдүүдэд маш сайн үр дүн үзүүлжээ гэдэг нь ТАШАА мэдээлэл байна.
Эх сурвалжууд:
https://www.who.int/news-room/events/detail/2021/04/29/default-calendar/extraordinary-meeting-of-the-strategic-advisory-group-of-experts-on-immunization-(sage)-29-april-2021
https://cdn.who.int/media/docs/default-source/immunization/sage/2021/april/4_sage29apr2021_sinovac.pdf?sfvrsn=2d82605d_5
НҮБ-ын Хүүхдийн Сангийн дэмжлэгтэйгээр нягтлав.
