Монгол Улсын 31 дэх Ерөнхий сайд хариуцлага хүлээн өөрийн хүсэлтээр чөлөөлөгдөхөөр болсноо өнөөдөр зарлаж, улмаар УИХ-ын чуулганаар уг асуудлыг хэлэлцсэн. Ингээд өнөөдөр 20:00 цагийн орчимд У.Хүрэлсүхийн Засгийн газар огцорлоо.

Энэхүү үйл явдалтай холбоотойгоор цахим орчинд Карма.О гэх хаягнаас “Манай Хүкийн мэдэгдэл Японд шуугиан тарьж байна. Японы парламентын гишүүн твитер хуудаснаа “Монголчууд үнэхээр хариуцлагатай мундаг хүмүүс юм. Нэг жирэмсэн эмэгтэйд хүмүүнлэг бус хандсаны төлөө ард иргэд нь жагсаж Ерөнхий сайдаасаа авхуулаад Засгийн газар нь бүхэлдээ сайн дураар огцорлоо. Бид Монголчуудаас суралцах хэрэгтэй, бид ичих хэрэгтэй гэж бичжээ. Өндөр хөгжилтэй орны хүмүүс шаал өөрөөр бодож байна шүү хахаха” хэмээн бичжээ.

Тэрбээр энэ бичвэрийг Зөв хөгжил хэмээх хуудаст оруулснаас нэг цагийн дараа 3200 хүн хариу үйлдэл үзүүлж, 2400 хүн шэйрлэсэн байна.

Хариу үйлдэл үзүүлсэн 3200 хүний 691 нь лайк дарсан бол 27 нь зүр даржээ.

Бид энэхүү мэдээллийг шалгаж үзлээ.

Юун түрүүнд түүний бичвэртээ хавсаргасан Yoshihide Suga гэх хаяг твиттер хуудаст байдаггүй юм байна. Тухайн постод Японы Ерөнхий сайдын нэрийг ашигласан байх боловч У.Хүрэлсүхийн зурагтай жиргээнд нь нэг ч хариу үйлдэл үзүүлээгүй байна.

Япон Улсын Ерөнхий сайд Ёшихидэ Сугагийн албан ёсны хаяг болох хаягийг хайж үзвэл дараах мэдээлэл гарч байгаа юм.

Түүний албан ёсны хаягнаас хамгийн сүүлд өчигдөр Ану-ын Ерөнхийлөгчийн үүрэгт ажлаа хүлээн аваад буй Жо Байден болон дэд Ерөнхийлөгч Камала Харрис нарт баяр хүргэсэн твитийг оруулсан нь дээрх мэдээлэл худал болохыг нотолж байна.