Өдөрт олон амьсгалах нь зүрхний шигдээс болох эрсдлийг нэмэгдүүлдэг тухай өгүүлсэн BBC news гэх мэдээллийг худал болохыг баримтыг нягтлан хүргэдэг fullfact.org сайтад мэдээлжээ.
BBC news гэсэн хуурамч нийтлэлийн зураг сүүлийн үед цахим орчинд ихээр тарж байгаа бөгөөд тус агентлагийн нийтлэл мэт сэтгэгдлийг төрүүлж байгаа аж. “Өдөрт олон удаа амьсгалах нь зүрхний шигдээс болох эрсдэлийг нэмэгдүүлдэг” гэх гарчиг бүхий мэдээлэлд ийнхүү олон удаа амьсгалах нь цусны даралт ихсэх, зүрхний үрэвслийн нэг төрөл болох миокардит үүсэх эрсдэлийг нэмэгдүүлдэг болохыг туршилтаар тогтоосон гэжээ.
Уг мэдээллийг нягтлахад ХУДАЛ байжээ.
BBC агентлагт ийм гарчигтай нийтлэл байхгүй бөгөөд гарчигт ашигласан фонт нь BBC-ийн фонтоос өөр байгаа аж.
Гэсэн ч 2020 оны гуравдугаар сард BBC олон удаа дутуу амьсгалах нь цусны даралт ихсэх эрдсэлийг нэмэгдүүлж болох тухай нийтлэлийг гаргаж байжээ.
Сүүлийн үед нийгмийн сүлжээнд түгээгдэж буй үнэн, худал мэдээллийн аль аль нь коронавирусийн эсрэг вакцины сөрөг нөлөө, зүрхний шигдээсийн шалтгаан болж буй эсэх талаар илүүтэй зонхилж байгаа юм.
Эндээс дүгнэхэд хэвлэлүүд КОВИД-19-ийн эсрэг вакцин бус, зүрхний шигдээс үүсгэж болох эсэх, үнэхээр үүсгэж буй эсэх талаар мэдээллийг ихээр нийтэлж байна гэжээ.
Вакцин, зүрхний шигдээс өвчинтэй холбоотой төөрөгдүүлсэн мэдээллүүд ч ихээр гарч байгаа бөгөөд Британийн Зүрхний сангаас вакцин хийлгэсний дараа зүрхний шигдээсээр нас барах эрсдэл нэмэгддэг гэсэн нотолгоо байхгүй гэж мэдэгджээ.
Эм, эрүүл мэндийн зохицуулах агентлаг Moderna болон Pfizer вакциныг хэрэглэснээр миокардит, перикардит (зүрхний үрэвслийн өөр хэлбэр) үүсэх эрсдэлтэй гэж мэдэгдээд “Гэхдээ энэ тохиолдол маш ховор байдаг. Хэрэв ийм тохиолдол бүртгэгдсэн ч түр зуурынх байх бөгөөд энгийн эмчилгээ болон амралтаар илаарших боломжтой” гэжээ. Түүнчлэн зүрхний цохилт түргэсэх нь вакцины гаж нөлөө байж болох ч вакцинууд болон зүрхний бусад өвчний хооронд дурдсанаас илүү холбоотой биш байна.
Эх сурвалж:
https://fullfact.org/
https://www.gov.uk/government/publications/coronavirus-covid-19-vaccine-adverse-reactions/coronavirus-vaccine-summary-of-yellow-card-reporting#yellow-card-reports
https://www.bhf.org.uk/informationsupport/heart-matters-magazine/news/coronavirus-and-your-health/coronavirus-vaccine-your-questions-answered/covid-19-vaccines-and-myocarditis-should-you-be-worried
