“Баттөр: Н.ас барсан хүмүүсийн 86.5 хувь хужаа вакцин байсан” – ХУДАЛ

medleg.me гэх вэбсайт “Баттөр: Н.ас барсан хүмүүийн 86.5 хувь хужаа вакцин байсан!” гэх гарчигтай мэдээллийг 2022.01.24-нд нийтэлжээ.

Уг мэдээлэлд

БНХАУ-ын Шинжлэх ухааны академийн Микробиологийн хүрээлэнгийн эрдэм шинжилгээний баг түнш компаниудтайгаа хамтран бүтээсэн “COVID-19”-ийн реконбинант вакцинд /СНО эс/ энэ сарын 10-ны өдөр дотоодод яаралтай хэрэглээнд ашиглах зөвшөөрөл олголоо. Ингэснээр тус вакцин нь яаралтай хэрэглээнд нэвтрүүлэх зөвшөөрлөө авсан Хятадын 4 дэх вакцин болж байгаа юм…” гээд тус улсад гарсан вакцины талаар бичжээ.

Мөн 2021.07.31-ний байдлаар Монгол Улс дахь вакцинжуулалтын талаар дурдсан байна.

Factcheck 1:

Тус сайтын хаяг болон бүтцээс харахад албан ёсны сайт биш буюу мэргэжлийн редакц ажилладаггүй, хандалт авах гэсэн зорилго бүхий хуудас болох нь харагдаж байна.

Мөн сайтын тухай ямар нэгэн мэдээлэл, холбоо барих хаяг, утасны дугааргүй, нүүр хуудаст нь сошиал постоос өөр мэдээлэл ороогүй байна.

Factcheck 2:

“Баттөр: Н.ас барсан хүмүүсийн 86.5 хувь хужаа вакцин байсан” гэсэн гарчиг өөрөө тухайн мэдэээлэл нь ташаа, олон нийтийг төөрөгдүүлснийг илчилж байна. Учир нь мэргэжлийн сэтгүүлч ярилцагчийн нэрийн өмнө овгийн үсгийг заавал оруулдаг ба үгийг цэгээр тасалж бичдэггүй.

Factcheck 3:

Мэдээг бүтэн уншаад үзэхэд гарчиг дээрх агуулга огт байхгүй буюу ХӨСҮТ-ийн захирал асан Л.Баттөрийн хэлсэн нэг ч үг, өгүүлбэр, вакцинтай холбоотой нас баралтын мэдээлэл байсангүй. Энэ нь уншигчдыг санаатайгаар төөрөгдүүлж байгаа хэрэг юм.

Factcheck 4:

Яг ийм агуулгатай буюу “ХӨСҮТ-н Захирал Л Баттөр: Нас барсан хүмүүсийн 86,5% Хужаа ВАКЦИН байсан!” гэсэн пост 2021.08.03-нд цахим орчинд тарж байсныг FactCheck.mn тухайн өдөр нь нягталж “ХУДАЛ” гэдгийг баталгаажуулан хүргэсэн. ХӨСҮТ-ийн захирал Л.Баттөр долдугаар сарын 30-ны өдөр Эрүүл мэндийн яамны ээлжит хэвлэлийн хуралд оролцож, нас баралтын талаар нэмэлт тайлбар хийхдээ “Нас барсан иргэдийн 86.5 хувь нь вакцинд хамрагдаагүй байна” хэмээн хэлсэн байсан юм. Уг мэдээллийг ЭНД дарж уншина уу.

Өнгөрсөн онд гарсан мэдээллийг таван сарын дараа нийтлэхдээ ямар ч агуулгагүйгээр ингэж гаргасан нь уншигчдыг санаатайгаар ТӨӨРӨГДҮҮЛСЭН байна.

Цар тахлын үед вакцинтай холбоотой аливаа мэдээллийг баталгаатай эх сурвалжаас авч, мэдээллээ нягталж байхыг FactCheck.mn сануулсаар байгаа билээ.

НҮБ-ын Хүүхдийн Сангийн дэмжлэгтэйгээр бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Өнгөрсөн долоо хоногт УИХ-ын Боловсрол, соёл, шинжлэх ухааны байнгын хорооны хурлаар Кино урлагийг дэмжих тухай хуулийн талаар хэлэлцэх үеэр УИХ-ын гишүүн Г.Дамдиннямын кино бодлогын талаар хэлсэн байр суурь олон нийтийн сүлжээнд шүүмжлэлд өртөөд байна. Түүний үгийг бүрнээр нь хүргэвэл “Бид бүгдээрээ Холливүүд, Болливүүдийг мэднэ. Каннын кино наадам, Торонтогийн кино наадамд арилжааны кинонууд ордоггүй. Цэвэр нийгмийг […]

Үргэлжлэл… Нийслэл Улаанбаатар хотыг удирдахаар сонгогдсон хотын дарга нарын нийтэд зарлаад биелүүлээгүй ажлуудыг цувралаар хүргэж байгаа билээ. Энэ удаа Засгийн газар, хотын дарга хамтраад хэрэгжүүлж чадаагүй ажлаар их, дээд сургуулиудыг Улаанбаатар хотоос нүүлгэх тухай шийдвэрүүдийг эргэн сануулж байна. Эл санаачилга гарсан ч хэрэгжилгүй ийнхүү 14 дэх жилтэйгээ золгож байна. 2010.06.09 Засгийн газрын хуралдаанаар их сургуулиудыг […]

COVID-19-ийн халдвар голомтлон гарсантай холбоотойгоор Баянзүрх дүүргийн өрх бүрээс нэг хүнийг шинжилгээнд хамруулж буй. Энэ хүрээнд тус дүүргийн зарим хороо энэ тухай иргэдэд мэдээлэхдээ “Хэрэв шинжилгээнд хамрагдаагүй бол Зөрчлийн тухай хуулийн 5.13 дугаар зүйлийн 4 дэх хэсэгт зааснаар торгуулийн арга хэмжээ авах болохыг анхааруулж байна” гэсэн зарыг фэйсбүүк хуудсаар түгээж байгаа юм. Энэ тохиолдолд Зөрчлийн […]

Цахим орчинд Tsendee Purev нэртэй хэрэглэгч “Вакцины нэр

Фэйсбүүкт Anna Sue гэх хаягнаас “С.Одонтуяа: Хоёр эхнэртэй болох асуудалаар дахин санал оруулах хэрэгтэй. Учир нь??” гэх гарчигтай мэдээг шэйрлэжээ. Уг мэдээлэлд 96 хүн хариу үйлдэл үзүүлж, 11 хүн хуваалцаж, 45 хүн сэтгэгдэл бичжээ. Уг мэдээнд “Гэр бүлийн тухай хуулийн 4.2.2.Монгол Улсад эрэгтэй хүн хууль ёсны нэг эхнэр эмэгтэй хүн хууль ёсны нэг нөхөртэй байна […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх