Нүүр хуудас Нягталсан мэдээлэл Ковид-19 УИХ-ын гишүүн Э.Бат-Амгалан: БЗД-ийн 26 дугаар хороонд гэнэт хөл хорио тогтоогоогүй, урьдчилж...

|

УИХ-ын гишүүн Э.Бат-Амгалан: БЗД-ийн 26 дугаар хороонд гэнэт хөл хорио тогтоогоогүй, урьдчилж мэдэгдсэн – ХУДАЛ

УИХ-ын гишүүн Э.Бат-Амгалан 2021 оны 3 дугаар сарын 18-ны өдрийн УИХ-ын чуулганы нэгдсэн хуралдаанд Баянзүрх дүүрэгт тогтоосон хөл хорио гэнэтийн шийдвэр байгаагүй талаар мэдээлжээ.

Тодруулбал тэрбээр чуулганы нэгдсэн хуралдааны үеэр “Миний сонгогдсон Баянзүрх дүүргийн 26 дугаар хороонд гарсан асуудалтай холбоотойгоор тайлбар хэлье. Баянзүрх дүүргийн 26-р хороонд гэнэтийн хязгаарлалт  хийлээ гэж яриад байна. Энэ бол гэнэтийн хязгаарлалт биш. Өмнөх өдрийн 18:00 цаг гэхэд тухайн хорооны бүх байрны үүдэнд зөвлөмж бичиг наасан. Баримт нь бий.

Хоёрдугаарт хорооны байрны фэйсбүүк группүүдэд маргаашаас эхлэн  хорио тогтооно гэдгийг зарласан. Гаргасан журам, тогтоолын дагуу, нөхцөл байдалтай холбоотойгоор шийдвэр гаргасан. Иргэдийн үл ойлголцсон, улс төржсөн асуудлаас ийм асуудал үүсээд байгаа юм билээ. Дүүргийн ЗДТГ бол шуурхай арга хэмжээ авч байна. Шуурхай ажиллаж нийт 16,500 иргэний 8500 гаруйгаас нь шинжилгээ авсан. Өнөөдөр дуусах байх. Шинжилгээний хариу аваад дуусвал маргаашаас хориог цуцлахаар ажиллаж байгааг олон нийтэд мэдээлэх нь зүйтэй” гэсэн юм.

Бид энэхүү мэдээллийг нягталлаа.

“Энэ бол гэнэтийн хязгаарлалт биш. Өмнөх өдрийн 18:00 цаг гэхэд тухайн хорооны бүх байрны үүдэнд зөвлөмж бичиг наасан. Баримт нь бий. Хорооны байрны фэйсбүүк группүүдэд маргаашаас эхлэн  хорио тогтооно гэдгийг зарласан”.

Factcheck:

Баянзүрх дүүргийн Онцгой комисс 2021 оны 3 дугаар сарын 17-ны өдрийн 06:00 цагаас эхлэн хөл хорио тогтоох талаар шийдвэрийг хамгийн анх тухайн өдрийн 00:39 цагт дүүргийн онцгой комиссын албан ёсны фэйсбүүк хуудсаар шууд дамжуулан хүргэжээ.

Тухайн шууд дамжуулалтын доор иргэд “хар шөнө гэнэтийн шийдвэр гаргаж байна” гэх сэтгэгдэл бичсэн нь хадгалагдан үлджээ.

Харин үүний дараа 26-р хорооны Засаг дарга О.Түвшин өөрийн фэйсбүүк хуудаснаа энэ талаарх мэдээллийг 2021 оны 3-р сарын 17-ны шөнийн 03:01 цагт мэдээлэл болгон хүргэсэн байна.

Иргэдэд байр болон тухайн оршин суугаа хорооллын группүүдээр дамжуулан хөл хорио тогтоох талаар мэдээлэл хүрснийг оршин суугчид үгүйсгэснийг доорх зургаас харж болно.

3 дугаар сарын 16-ны 22:00 цагийн үед сэтгүүлчдийн дунд хөл хорио тогтоох талаар мэдээлэл гарсан бөгөөд дүүргийн хэвлэлийн ажилтан 23:30 цагт мэдээлэл хийнэ гэсэн зарыг түгээсэн боловч эцэслэн шийдэгдэхгүй байсаар 17-ны өдөр болсон юм.

Мөн хөл хорио тогтоосны дараа яагаад урьдчилан мэдэгдээгүй шалтгааныг тус дүүргийн Засаг дарга Н.Баярмөнх “Өнгөрсөн хугацаанд иргэдээс хэд хэдэн удаа шинжилгээ авч байсан. Иргэдэд эрт зарлахад зуслан руугаа эсвэл хорооноосоо гараад өөр тийшээ явах тохиолдол гарсан. Ингэснээр шинжилгээг үр дүнгүй болгодог тул энэ удаад иргэдэд орой мэдээлсэн” хэмээн хэвлэлд өгсөн ярилцлагадаа дурджээ.

Энэ бүгдээс харвал УИХ-ын гишүүн Э.Бат-Амгалан Баянзүрх дүүргийн 26-р хороонд хөл хорио тогтоохдоо өмнөх өдрийн 18 цаг гэхэд иргэдэд хөл хорио тогтоох талаар мэдээлэл өгсөн хэмээн чуулганы танхимд худал мэдээлэл түгээсэн болох нь нотлогдож байна.

 

Төстэй мэдээ

К.Роналду зочид буудлаа эмнэлгийн зориулалтаар ашиглуулна – ХУДАЛ!

Энэ сарын 14-ний өдөр “Ювентус” клубын тоглогч, дэлхийн алдарт хөл бөмбөгч Криштиану Роналду коронавирусын тархалттай тэмцэх зорилгоор Португал дахь өөрийн эзэмшлийн зочид буудлыг эмнэлгийн...

Японы Ерөнхий сайдын тухай хуурамч мэдээлэл Монголд түгээжээ

Тэгвэл уг мэдээллийг нягталж шалгахад зураг эвлүүлсэн байжээ. Мөн япон хэл дээрх текстэд Ерөнхий сайд гамшиг болсон газартай танилцсан тухай л өгүүлжээ. Харин түүний...

Дархлаа тогтсон эсэх нь 7-8 жилийн дараа мэдэгдэнэ – ХУДАЛ

Tserenkhuu Ishtseden гэх фэйсбүүк хаягаас "Дархлаа тогтсон эсэх нь 7-8 жилийн дараа мэдэгдэнэ. Тогтох эсэхийг нь хэн ч үл мэднэ" гэсэн пост оруулжээ. Уг постыг 263 хүн хуваалцаж,...

Fact check: Хүүхдийн автобустай холбоотой мэдэгдлийг нягталж шалгав

“Сургуулийн автобустай холбоотой хэвлэл мэдээлэл, олон нийтийн сүлжээгээр гарч буй буруу ташаа мэдээлэлтэй холбоотой” хэмээн тодотгоод “Моннис Моторс” ХХК хүүхдийн автобустай холбоотой мэдэгдэл гаргажээ. ...

Амны хаалт дархлааны системийг гэмтээдэг-ХУДАЛ

Коронавирусийн халдварын тархалд манай улсад, ялангуяа Улаанбаатар хотод эрчимжиж байна. Энэ үеэр коронавирусийн эсрэг вакцин болон амны хаалттай холбоотой ташаа мэдээлэл олон нийтийн сүлжээнд...

Хандив өгөх

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно. 

Биднийг дэмжсэн танд маш их баярлалаа.

FACTCHECK апп суулгах заавар

Та FACTCHECK сайтын PWA аппыг суулгахын тулд товчийг дарж дараа нь ‘Add to Home Screen’ товчийг дарна уу.

Та FACTCHECK сайтын PWA аппыг суулгахын тулд ‘Суулгах’ товчийг дарна уу.
Суулгах
Та FACTCHECK сайтын PWA аппыг суулгахын тулд товчийг дарж дараа нь ‘Install’ товчийг дарна уу.
Та FACTCHECK сайтын PWA аппыг суулгахын тулд SAFARI ICON товчийг дарж дараа нь ‘Add to Home Screen’ товчийг дарна уу.
Та FACTCHECK сайтын PWA аппыг суулгахын тулд вэб хөтчийнхөө ‘Add to Home Screen’ товчийг дарна уу.
Та FACTCHECK сайтын PWA аппыг суулгахын тулд холбоос оруулдаг нүдний баруун талд байгаа тэмдэг дээр дарж ‘Install’ товчийг дарж суулгана уу.
Одоогоор FACTCHECK сайтын PWA апп нь таны вэб хөтөч дээр суулгах боломжгүй байна. Та дараах хөтчийг татаж суулгаад манай PWA аппыг суулгах боломжтой:

Та дараах маягтыг бөглөж бидэнтэй холбоо барина уу:

FACTCHECK нягталсан мэдээлэлдээ үнэлгээг хэрхэн хийдэг вэ?

Нягтлуулах, хуурамч мэдээлэл илгээх

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.