Цус бүлэгнэлийн талаарх тамхины хайрцаг дээрх анхааруулга вакцинтай холбоотой – ХУДАЛ

Man hand holding a cigarette . Smoke risk the spread of COVID-19.

Австрали улсад тамхины сав баглаан дээр цусны бүлэгнэлтийн талаар шинэ анхааруулга нэмэгдсэн нь КОВИД-19-ийн эсрэг вакцинтай холбоотой гэх мэдээлэл олон нийтийн сүлжээнд тархжээ.

Энэ тухай нягталж өгөх хүсэлт ирсний дагуу нягталлаа.

Factcheck:

Ийм агуулгатай пост олон нийтийн сүлжээгээр маш их явсан тул AFP агентлагийн баримтыг нягтлагчид мэдээллийг шалгаж, олон нийтэд хүргэжээ.

Тухайлбал, доорх ширгээг 2000 гаруй хүн дахин жиргэсэн байна.

https://twitter.com/JoostBroekers/status/1480865982574993411

Жиргээн дээр хоёр зураг харуулсны нэг нь 2021 оны арванхоёрдугаар сарынх бөгөөд “АНХААР: Тамхины утаа нь хүүхэд болон тамхи татддаггүй насанд хүрэгчдийг эрт нас барахад хүргэдэг олон төрлийн өвчин үүсгэгч химийн хорт бодисуудыг агуулдаг” гэжээ.

Харин нөгөө зураг дээрх анхааруулгын огноо нь 2022.01 сарынх бөгөөд “АНХААР: Тамхины утаанд агуулагдах химийн хорт бодисыг бага хэмжээгээр амьсгалах нь цусны бүлэгнэл, зүрхний шигдээс, цус харвалт үүсгэдэг” гэсэн байна.

Яг ийм агуулгатай олон янзын пост цахим орчинд тархжээ.

Тэгвэл тус улсын Засгийн газартай тамхины хяналтын чиглэлээр хамтран ажилладаг, ашгийн төлөө бус Quit Victoria хэмээх Мельбурнд төвтэй байгууллага AFP агентлагт тайлбар өгөхдөө эдгээр анхааруулга нь КОВИД-19-тэй холбоогүй болохыг албан ёсоор мэдэгдсэн байна. Цусны бүлэгнэлтэй холбоотой анхааруулга зөвхөн цар тахлын үеэр гарч ирээгүй, Австралийн тамхины савлагаан дээр тавигдаад есөн жил гаруй болж байгааг дээрх ТББ-ын төлөөлөгч хэлээд 2016 оны тамхин дээрх анхааруулгын зургийг илгээсэн байна.

Мөн Австралийн ЭМЯ-ны төлөөлөгч 2012 оноос тамхин дээр энэ төрлийн анхааруулгыг ашиглах болсныг AFP агентлагт мэдээлээд тамхин дээр анхааруулга гаргах стандартыг 2012 оны нэгдүгээр сарын 1-нээс хэрэгжүүлж ирснийг хэлжээ. Уг стандартыг ЭНД-ээс харж болно.

Тиймээс цусны бүлэгнэл зөвхөн цар тахлаас үүдэн тамхины анхааруулгад дурдагдах болсон гэдэг нь ТАШАА мэдээлэл байна.

Эх сурвалжууд:

https://factcheck.afp.com/doc.afp.com.9XP8QE

https://www.legislation.gov.au/Details/F2013C00598/Html/Text#_Toc363806246

https://www.quit.org.au/

НҮБ-ын Хүүхдийн сангийн дэмжлэгтэйгээр бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Товч агуулга Англи улс хүүхдүүдийг дархлаажуулах бодлогодоо өөрчлөлт оруулаагүй. Эрсдэлт бүлэгт хамаарахгүй ч 2022.08 сарын сүүлчээр 5 нас хүрсэн болон 11 хүртэлх насны бүх хүүхдийг вакцинд сайн дураар хамрагдахыг Англи улс одоо ч зөвлөсөн хэвээр байна. Хүүхдүүд бүүстер тунд ч хамрагдах боломжтой байна. “Их Британи 12-ос доош насны хүүхдүүдэд КОВИД-19-ийн вакцин хийхийг хориглосон” гэсэн мэдээлэл […]

“Украины дээгүүр иргэний ямар ч улсын агаарын тээвэр нисэхгүй байгаа юм байна. Буудчихна гээд. Тэгсэн чинь ганц онгоц нисэж байсан нь манай “МИАТ” гэнэ ээ. Хөөрхөн үү?” гэсэн постыг ulsturch.mn гэх фэйсбүүк хуудас өчигдөр оруулсан. Украины агаарын замыг тойрсон шар онгоцууд дунд Украины агаарын хилээр явж буй цэнхэр онгоц бүхий зурагтай энэхүү мэдээлэл өнөөдөр олон […]

2020 оны УИХ-ын сонгуулийн сурталчилгаа дуусахад цөөн хоног үлдээд байна. Factcheck.mn сайт нэр дэвшигчид болон намуудын сонгогчдод ярьсан зүйлээс нягтлан хүргэж байгаа билээ. Бид энэ удаад Бүгд найрамдах намын дарга, энэ удаагийн сонгуульд ШИНЭ-ээс өрсөлдөж буй Б.Жаргалсайхан тус эвслийн нэр дэвшигчдийн уулзалтын үеэр хэлсэн үгийг нягталж шалгалаа. Тэрбээр Сүхбаатар дүүрэг буюу 24-р тойрогт ШИНЭ эвслээс […]

Цар тахлын үед шийдвэр гаргагчид өөр өөр шийдвэр, мэдээллийг танилцуулж, иргэдийг төөрөгдүүлсээр байна. Хамгийн сүүлд дархлаажуулалтын явцтай холбоотой иргэдийг төөрөгдүүлсэн мэдээллийг хийлээ. Цар тахлын үед иргэдийг төөрөгдүүлж буй төрийн байгууллагуудын шийдвэрүүдийг бид хүргэж байна. 2021.04.04 Ерөнхий сайд: Дархлаажуулалтын хүчин чадлыг хоёр дахин нэмэгдүүлнэ Ерөнхий сайд Л.Оюун-Эрдэнэ өөрийн албан ёсны фэйсбүүк хуудсаар дамжуулан дөрөвдүгээр сарын 4-ний […]

УИХ-ын гишүүн С.Ганбаатар иргэдтэй уулзах үеэрээ уран олборлолтын талаар “Ураныг боль гэж хэлэхээс илүү энэ аюултай, уран газрын хэвлий рүү хор шахахад дараа нь тэндээс үүл босоод ууршаад, тэр үүл нь нүүж ирээд энд буухад энд байгаа ургамлуудыг бүгдийг нь байхгүй болгох уу гэдгийг судалгаагаар гаргаж ир. Үгүй гэвэл баталгаагаа өг. Уран, янз бүрийн улс […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх