Украинд биологийн зэвсэг судлах лабораторийг АНУ санхүүжүүлдэг – НОТЛОГДООГҮЙ

Товч агуулга

Украинд АНУ-ын ажиллуулдаг, биологийн зэвсгийн ямар ч лаборатори байхгүй.

АНУ-ын Батлан хамгаалах яам болон Украины Эрүүл мэндийн яам 2005 оноос хойш нийгмийн эрүүл мэндийн лабораториудыг сайжруулах, халдварт өвчний дэгдэлтээс урьдчилан сэргийлэх чиглэлээр хамтран ажиллаж байна.

Энэ нь хуучин ЗХУ-ын бүрэлдэхүүнд байсан Бүгд Найрамдах улсуудад хэрэгжиж байсан үй олноор хөнөөх зэвсгийн аюулыг бууруулах зорилгоор 1991 онд эхэлсэн аюулыг бууруулах хамтарсан хөтөлбөрийн нэг хэсэг юм.



Batuk гэх фэйсбүүк хэрэглэгч 2022.04.15-нд “ОХУ-ын Батлан хамгаалах яамны ноцтой мэдэгдэл” гэх пост оруулжээ.

Уг постод:

– Украины Шинжлэх ухаан, технологийн төв нь Пентагоны ашиг сонирхолд нийцүүлэн, тэр дундаа биологийн зэвсгийн чиглэлээр судалгаа хийхэд зориулж буцалтгүй тусламж авдаг ;

– Украины шинжлэх ухаан, технологийн төвийн төслийг хэрэгжүүлэхэд АНУ сүүлийн жилүүдэд 350 гаруй сая ам.доллар хуваарилсан;

– Украин дахь АНУ-ын биолабораториудын ажлын талаархи мэдээлэл нь био зэвсгийг хориглох тухай конвенцийг олон удаа зөрчсөн болохыг баталж байна;

-Америкийн эрдэмтэд гурван жилийн турш Харьков хотын бүсийн эмнэлзүйн сэтгэл мэдрэлийн 3-р эмнэлгийн өвчтөнүүдэд аюултай биологийн бүтээгдэхүүн туршиж байсан байна гэжээ.

Энэхүү агуулгыг нягталлаа.

FactCheck:

Энэ талаарх зарим мэдээллийг өмнө нь нягталж хүргэснийг ЭНД дарж уншина уу.

ОХУ Украинд дайн хийгээд зогсохгүй хуурамч мэдээллийн дайн хийж байна хэмээн олон улсын шинжээчид үзэж, тус улсын төөрөгдүүлсэн аливаа мэдээллийг нягталсаар байгаа.

Дээрх постод хавсаргасан видеог харвал ОХУ-ын Зэвсэгт хүчний Цацраг, хими, биологийн аюулгүйн албаны дарга Игорь Кирилловын мэдээлэл хийх үеийн бичлэг байна. Тэрбээр 2019 онд Украинд хүмүүсийн амь нас, эрүүл мэндэд тодорхойгүй эрсдэлтэй судалгаа хийснийг дурджээ.

Дээрх агуулгыг BBC гэх мэт олон улсын баримтыг нягтлагчид нягталжээ.

Украин даяарх 30 лабораторид АНУ хамтран ажиллаж, аюултай халдвар үүсгэгч бодис, өвчин үүсгэж, эмгэг төрүүлдэг бичил биет гарган авч байгаа хэмээн Орос улс буруутгажээ.

Украин улсад аюултай өвчний хор нөлөөг бууруулах зорилготой нийгмийн эрүүл мэндийн чиглэлийн олон арван лаборатори байдаг байна. Тэдгээрийн зарим нь АНУ, Европын холбоо, ДЭМБ болон бусад олон орноос санхүүгийн болон бусад дэмжлэг авдаг ажээ.

Харин ОХУ эдгээрийг “нууц лаборатори” гэж мэдээлжээ.

ЗХУ задарсны дараа 1990-ээд онд Украин болон бусад улсад биологийн зэвсгийн эрсдэлийг бууруулах зорилготой Биологийн аюулыг бууруулах хөтөлбөрийг АНУ хэрэгжүүлсэн байна. Уг хөтөлбөрийн хүрээнд зарим лабораторид АНУ-аас орчин үеийн техник, тоног төхөөрөмжийг олгосон ч үйл ажиллагааг нь улс нь хариуцан эрхэлж байжээ.

Мөн 2005 онд Украины нийгмийн эрүүл мэндийн лабораториудыг сайжруулах хүрээнд АНУ-ын Батлан хамгаалах яам Украины Эрүүл мэндийн яамтай хамтран ажилласан байна.

Энэ нь мөн л тоног төхөөрөмжийг сайжруулах чиглэлээр хэрэгжжээ.

Харин биологийн зэвсэг үйлдвэрлэхэд хамтран ажилласан талаар ямар нэгэн баримт нотолгоо байхгүй, эсрэгээрээ биологийн зэвсгийн эрсдэлийг бууруулахад чиглэсэн байна.

ОХУ ийм агуулгатай мэдээллийг өмнө нь ч гаргаж байжээ. Тухайлбал, 2018 онд Оросын төрийн хэвлэлээс АНУ-ын санхүүжүүлдэг Жиоржиа муж дахь лабораторид шинжилгээнд хамруулаагүй эмийг иргэдэд өгсөн гэсэн мэдээлэл тарааж байжээ. Гэвч BBC-ийн нягталснаар уг мэдээллийг дэмжих ямар ч баримт, нотолгоо олдоогүй байна.

НҮБ биологийн зэвсгийн талаар ямар нэгэн хөтөлбөрийн тухай ямар нэгэн мэдээлэлгүй болохоо мэдэгджээ.

Өөрөөр хэлбэл, дээрх пост дахь агуулга ямар нэгэн баримт нотолгоогүй, олон нийтийг төөрөгдүүлсэн ТАШАА мэдээлэл байна.

Эх сурвалжууд:

https://tvzvezda.ru/news/20223311644-kIPpn.html

https://www.bbc.com/news/60711705

https://www.politifact.com/factchecks/2022/feb/25/tweets/there-are-no-us-run-biolabs-ukraine-contrary-socia/

https://www.state.gov/wp-content/uploads/2019/02/05-829-Ukraine-Weapons.pdf

https://www.un.org/press/en/2022/sc14827.doc.htm

Төстэй мэдээлэл

Товч агуулга Англи улс хүүхдүүдийг дархлаажуулах бодлогодоо өөрчлөлт оруулаагүй. Эрсдэлт бүлэгт хамаарахгүй ч 2022.08 сарын сүүлчээр 5 нас хүрсэн болон 11 хүртэлх насны бүх хүүхдийг вакцинд сайн дураар хамрагдахыг Англи улс одоо ч зөвлөсөн хэвээр байна. Хүүхдүүд бүүстер тунд ч хамрагдах боломжтой байна. “Их Британи 12-ос доош насны хүүхдүүдэд КОВИД-19-ийн вакцин хийхийг хориглосон” гэсэн мэдээлэл […]

Нийгмийн сүлжээнд “Монголд 3D зам бариад эхэлжээ” гэх зураг нийтлэгдэн, олон хүн энэ зургийг Монголд хэмээн итгэжээ. Тухайн зурагт явган хүний замыг энхэл донхол хийсэн байх бөгөөд ард нь Nissan гэх лого байгаа нь магад Монголд гэх сэтгэгдэл төрүүлсэн болов уу. Уг зургийг google image-ээр нягталбал, нийтдээ 14 хуудас илэрц гарч ирэх бөгөөд хамгийн анх […]

Товч агуулга ҮСХ-ны судалгаагаар 10000 хүн тутамд шинээр илэрч байгаа хавдрын тоо сүүлийн 2013 оноос хойш огцом өөрчлөгдөөгүй. Аль ч вакцин таны ДНХ-тэй ямар нэгэн байдлаар харилцан үйлчлэлцдэггүй бөгөөд өөрчилдөггүй тул хорт хавдар үүсгэдэггүй. Вакцин хорт хавдрыг өдөөж, өсгөдөг гэдэг ямар ч мэдээлэл байхгүй. Bolorma Bat-ulzii гэх фэйсбүүк хэрэглэгч вакцин хавдар үүсгэж байгаа талаар пост […]

Хэд хоногийн өмнөөс “Ройтерс”: С.Баярцогтыг 10 сая ам.долларын авлигын хэрэгт буруутгалаа гэсэн гарчигтай мэдээ фэйсбүүк орчинд түгээгдэж эхлэв. Тухайн мэдээлэл нь www.shuud.mn сайтын бэлтгэсэн мэдээлэл бөгөөд энэхүү үйл явдал нь өнөөдрөөс хоёр жилийн өмнө буюу 2018 оны гуравдугаар сарын 20-ны өдрийн үйл явдал болох нь мэдээ уруу ормогц харагдаж байна. Гэвч тухайн мэдээллийг нийгмийн мэдээллийн сүлжээнд […]

2022 оны наймдугаар сарын 30-ны өдөр томилогдсон Засгийн газрын шинэ гишүүдийн нэг нь Х.Болорчулуун. Түүнийг Ерөнхийлөгчийн санаачилсан хүнсний хувьсгалыг эрчимжүүлэх, атрын IV аяныг үр дүнтэй хэрэгжүүлэхэд мэргэжлийн агрономич хүний хувьд үүргээ амжилттай гүйцэтгэж чадна гэж итгэж сайдаар томилж байгаа гэдгийг Ерөнхий сайд тухайн үед хэлж байв. Тэгвэл Х.Болорчулуун ХХААХҮ-ийн сайдаар томилогдсоноос хойш сар гаруйн дараанаас […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх