Д.Сарангэрэлийн хэлсэн 159 сая жуулчин манай улсыг сонирхсон гэдэг үнэн үү

Монголын аялал жуулчалын салбарт сүүлийн үед зуун сая давсан тоог ойр ойрхон иш татах болов. Засгийн газрын хэрэг эрхлэх газрын дарга Л.Оюун-Эрдэнийн 400 сая жуулчин хүлээн авах талаарх яриа намжиж амжаагүй байтал БОАЖ-ын шинэ сайд бас л зуун сая давсан жуулчны тухай ярьсан нь “Өдрийн сонин”-ы 2020 оны есдүгээр сарын 8-ны 179 дугаарт нийтлэгджээ.

Тодруулбал, “Хүн амынхаа дунд корона алдаагүй учир аялал жуулчлалын зорилгоор манай улсыг сонирхсон хандалт 159 сая болсон” гэх гарчигтай ярилцлагыг тус сонинд өгсөн байна. Энэ талаар тэрбээр “Хүн амынхаа дунд корона алдаагүй, үзэсгэлэнт унаган байгаль, түүх, соёлын дурсгалт өвтэй зэрэг олон хүчин зүйлтэй холбоотойгоор гаднын жуулчдын манай улсыг сонирхох хандлага нэмэгдэж байна гэсэн мэдээлэл байна. Интернэтээр аялал жуулчлалын зорилгоор манай улсыг сонирхсон хандалт 159 сая болжээ” гэжээ.

157 сая жуулчин гэдэг бол гурвсан сая хүн амтай манай улсын хувьд асар өндөр тоо. Үндэсний статистикийн хорооны танилцуулснаар Монгол Улс 2019 онд 570,262 сая жуулчин хүлээн авсан

Гэвч энэ тоог сар хүрэхгүй хугацааны өмнө БОАЖЯ-ны Аялал жуулчлалын бодлого, зохицуулалтын газрын дарга С.Баясгалан өөр агуулгаар тайлбарласан ба интернэтийн хайлт бус, Монголд аялах хүсэлтэй жуулчдын тоо 2019 онд 157 сая болсон гэж байв.

Тодруулбал, Д.Сарангэрэл сайдыг орон нутагт ажиллаж, Хэнтий аймаг дахь бүтээн байгуулалттай танилцах үеэр БОАЖЯ-ны Аялал жуулчлалын бодлого, зохицуулалтын газрын дарга С.Баясгалан “Монголд аялах хүсэлтэй жуулчдын тоо 2018 онд 114 сая байсан бол 2019 онд 157 сая болж өссөн. Энэ их эрэлтийг хангахын тулд бид түүхэн аялал жуулчлалын бүтээн байгуулалтуудыг хийх замаар Монгол Улс тэр дундаа орон нутаг руу чиглүүлэх урсгалыг бий болгож байгаа юм. Өмнө нь түүхэн аялал жуулчлалын газруудад хоосон газар үзүүлснээр эдийн засгийн урсгал багатай байдаг байсан. Харин өнөөдрийн энэ бүтээн байгуулалтуудаар дамжуулан нутгийн иргэд шууд үр ашгийг хүртэх боломтой болж байна” хэмээн ярьсан билээ.

Тэгэхээр нэг яамны хоёр удирдах албан тушаалтан 159 сая ба 157 сая гэсэн хоёр өөр тоо хэлсэн бөгөөд чухам энэ тоог хаанаас эх сурвалж болгон ашигласан талаар хэвлэлд өгсөн ярилцлагадаа дурдсангүй.

157 сая жуулчин гэдэг бол гурвсан сая хүн амтай манай улсын хувьд асар өндөр тоо. Үндэсний статистикийн хорооны танилцуулснаар Монгол Улс 2019 онд 570,262 сая жуулчин хүлээн авсан. Энэ нь манай улсын хувьд рекорд. Тиймээс энэхүү тоо үнэхээр бодит эсэхэд эргэлзээ үүсээд байгаа юм.

Аялал жуулчлалын салбартаа тэргүүлэгч дэлхийн 10 орны нэгдүгээрт эрэмбэлэгддэг Франц улс л гэхэд өнгөрсөн жил коронавируст халдвар тархаагүй байх үед 86.9 сая жуулчин хүлээж авчээ

Бид БОАЖЯ-ны Аялал жуулчлалын бодлого, зохицуулалтын газрын дарга С.Баясгалантай холбогдож тодруулахад тэрбээр “Аялал жуулчлалын технологийн тэргүүлэгч Amadeus- https://amadeus.com/en компанид бид 2019 онд анх удаа хүсэлт гарган төлбөр төлж, Монгол жуулчлах хүсэлтэй хүмүүсийг тоо статистикийг авах болсон. Тус компанийн системийг ашиглан хүмүүс тухайн орон руу хэдэн сард жуулчлахад тийзийн үнэ ямар байх, зочид буудлын захиалга зэрэг мэдээллийг хайдаг буюу зөвхөн жуулчлах зорилгоор хайлт хийдэг. Энэ бол google-ээр Монголын талаар хийсэн хайлтын тоо биш. Яг одоо байгаа бодит тоогоор 162 сая хүн байгаа. Тухайлбал, БНСУ-аас Монголд жуулчлах хүсэлтэй хайлт хийсэн 42 сая хүн байна” гэсэн юм.

Энэхүү сайт нь төлбөр төлсөн тохиолдолд мэдээлэл өгдөг бөгөөд албаны эх сурвалж зохих төлбөрийн дагуу авсан болохыг дурдлаа.

Сонирхуулахад аялал жуулчлалын салбартаа тэргүүлэгч дэлхийн 10 орны нэгдүгээрт эрэмбэлэгддэг Франц улс л гэхэд өнгөрсөн жил коронавируст халдвар тархаагүй байх үед 86.9 сая жуулчин хүлээж авчээ.  

Тэгвэл өнөөдрийн байдлаар аялал жуулчлалын салбараар тэргүүлэгч дэлхийн 10 орон 2019 онд хэчнээн жуулчин хүлээн авсан талаар сонирхвол

  1. Франц 86.9 сая
  2. Испани 81.8 сая 
  3. АНУ 76.9 сая
  4. БНХАУ 60.7 сая 
  5. Итали 58.3 сая 
  6. Мексик 39.3 сая 
  7. Их Британи 37.7 сая 
  8. Турк 37.6 сая
  9. Герман 37.5 сая 
  10. Тайланд 35.4 сая гэсэн үзүүлэлтэй байна. 
Төстэй мэдээлэл

“Япон улсад умайн хүзүүний хорт хавдрын эсрэг вакциныг

Өвөр Mонголын Өөртөө Засах Орны сургуулиуд нэгдүгээр ангид анхлан үздэг хэл бичгийн хичээлээр хятад хэлийг судлах болсон шийдвэр гарсан талаарх мэдээлэл олон нийтийн дунд тархаад буй. Энэхүү шийдвэрийг эсэргүүцэн Өвөр монголчууд жагсаал, цуглаан хийж буй бөгөөд тэдний эсэргүүцэл үр дүнд хүрч, дээрх шийдвэрийг өөрчилсөн гэх мэдээлэл нийгмийн сүлжээнд олны анхаарлыг татаад байна. Тухайлбал,  доорх хоёр хаягнаас л […]

Энигматик гэх твиттер хаягнаас PCR шинжилгээтэй холбоотой эргэлзээ төрүүлэхүйц мэдээллийг жиргэжээ. Уг жиргээнд “Урд нь ханиад хүрч өвдөөд эсрэг биет үүсэн тохиолдолд тэр PCR эерэг гардаг л гэнэ. PCR энэ бол яг корона гэж илрүүлдэггүй шинжилгээ гэж өчнөөн л эмч эрдэмтэд хэлж бн, битгий худал зүйлээр толгойгоо угаалгаач л гэе дээ лол” гэжээ. Энэхүү мэдээллийг […]

Товч агуулга Хэдийгээр ДОХ өвчин нь вирусээр үүсгэгддэг

Монгол Улс Media фэйсбүүк группт “Д.Сумъяабазар: Иргэд ухамсартай байвал хөл хорьж, цагдахгүй” гэсэн мэдээг оруулжээ. Ингэхдээ “Ард түмэн ухамсаргүйдээ яасан юм бэ. Эцсийн эцэст улстөрчид л ард иргэдийг турхирч байгаагаас биш эгэл жирийн иргэд ар гэртээ байх нь байж, ажлаа хийх нь хийгээд мөрөөрөө л байна даг. Хотын дарга та багахан шиг даапална уу” гэсэн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх