Шахмал түлшнээс үүдэлтэй элэгний хавдрын шинэ төрлийн вирус гарсан-ТАШАА

Сэтгүүлч Баасанжавын Отгон 2023.11.16-нд “ХСҮТ-ийн Эрдэнэхүү эмч: 5 орны лабораторт элэгний хорт хавдраар өвчилсөн хүмүүсийн вирусыг шинжлүүлэхэд шахмал түлшнээс үүдэлтэй шинэ төрлийн вирус гарсан🥲Шинэ төрлийн вирусаар зөвхөн Монголчууд өвчилж байгаа” гэсэн пост оруулжээ.

Уг постын шэйр нэг хоног хүрэхгүй хугацаанд 1.8К хүрч, 2.8К хүн хуваалцсан бөгөөд 500 гаруй сэтгэгдэл бичсэн байна. Нийт хариу үйлдлийн 117 буюу 10 хүрэхгүй хувь нь инээсэн эможи дарсан бол үлдсэн бүх хүн итгэсэн хандлагатай байна.

Постод орсон агуулгыг бид уншигчдын хүсэлтээр нягталлаа.

Factcheck:

Factcheck.mn вирусийн талаар АШУҮИС-ийн Бичил амь судлал, халдварын хяналт сэргийлэлтийн танхимийн багш, Аганаах ухааны магистр М.Баттөрөөс тайлар авлаа.

Тэрбээр “Вирус бол амьд эс дотор үрждэг. Хөгжлийнхөө явцад мутацлагдаж, шинэ төрөл үүсдэг. Гэхдээ шахмал түлшнээс амьд вирус үүсэх боломжгүй бөгөөд мутацлагдана гэж байхгүй. Мөн Монголд элэгний шинэ төрлийн вирус бүртгэгдээгүй. Элэгний B, D вирус нь зөвхөн хүний элгийг өвчлүүлдэггүй, зарим амьтны элгийг мөн өвчлүүлдэг. Тус вирусүүд нь хоорондоо ялгаатай ба A, B, C, D дэд бүлэгт салаалдаг. Манайд шинэ төрлийн вирус бүртгэгдээгүй, ялангуяа нүүрснээс үүдэж бүртгэгдэх шинжлэх ухааны боломж байхгүй. Тиймээс уг пост дахь агуулга үндэслэлгүй, худал” хэмээн тайлбарлалаа.

Мөн Хавдар Судлалын Үндэсний Төвийн ерөнхий захирал, Анагаах ухааны доктор, дэд профессор Н.Эрдэнэхүүтэй холбогдож, түүнээс тайлбар авсан юм.

Тэрбээр сэтгүүлч Б.Отгонд тухайлсан ярилцлага өгөөгүй бөгөөд өмнө ярьсан мэдээллийг буруу ойлгосон гэж үзэж байгаагаа юуны өмнө хэлээд постод бичсэнчлэн таван орны судлаачид судалгаа хийсэн нь үнэн гээд “Эс өөрчлөгдсөн болохоос вирус биш. Утаанаас вирус үүснэ гэж юу байх вэ, буруу ойлгосон байж магадгүй” гэдгийг хэллээ.

“Утаа мэдээж хортой. Ялангуяа, түүхий нүүрс шатааснаас гарсан утаанд агуулагддаг диметил сульфур буюу диметилжсэн хүхэр гэдэг бодисоос үүсэлтэй мутацын мөр байна. Тэр нь зөвхөн монголчуудын хавдар дээр байна гэсэн судалгааны дүгнэлт гарсан талаар өмнө нь би ярьж байсан.

2017-2018 онд хийгдсэн уг судалгааны дүн шинжилгээ хийж явсаар байгаад 2022 оны сүүлчээр олон улсын сэтгүүлд хэвлэгдсэн. Судалгаанд Сингапурын, Америкийн Нью Жерси, Франц, Монгол гээд таван орны судлаачид хамтран Хүний эсийн геномын буюу генетикийн шинжилгээ хийж, элэгний хавдрын эсийн мутацыг тодорхойлсон. Элэгний эсийн өөрчлөлт буюу хавдар үүссэн шинжийг үзэхээр ихэнх нь буюу Европынх ч бай, Монголынх ч бай 80-90 хувь нь B, C вирусээр үүсгэгдсэн ба 20 орчим хувь нь орчны нөлөөтэй байсан. Гэтэл тэр 20 хувийн тодорхой хэсэгт Европынход илрээгүй, зөвхөн манайд илэрсэн эсийн өөрчлөлт байсан ба нүүрсний утаанаас гардаг тэрхүү диметил сульфураас эсийн муцат үүдэлтэй гэж тодорхойлсон. Вирус бол биш” хэмээн доктор Н.Эрдэнэхүү тайлбарлав.

Нэгэнт нүүрсний утаанаас ялгарч байгаа утаан дахь бодис элэгний хавдрын эрсдэл үүсгэж байгаа бол иргэд өвлийн улиралд амны хаалт зүүснээр сэргийлэх боломжтой талаар түүнээс асуусан юм. Тодорхой хэмжээнд боломжтойг тэрбээр хэлээд “Ер нь тамхины гаралтай хавдар яг утаатай харьцуулаад харахад шалтгааны өндөр хувийг эзэлдэг буюу нийт хавдрын шалтгааны 30, элэгний хавдрын шалтгааны 20 орчим хувийг эзэлдэг. Иймд олон улсад Тамхинаас гаралтай хавдар үүссэн тохиолдолд тэр хүн эрүүл мэндийн даатгалдаа хамтын төлбөр төлдөг, тамхи татдаггүй хүнээс илүү өндөр үнэ төлж эмчилгээнд ордог. Тамхинаас үүссэн хавдрын эс гараад ирвэл таны төлөх мөнгө илүү өндөр байдаг тогтолцоо руу олон улс явж байна. Энэ тогтолцоог манайд ч гэсэн чадавхжуулах хэрэгтэй” гэдэг мэдээллийг нэмж өглөө.

Мэргэжлийн хүмүүсийн дээрх тайлбарыг харвал сэтгүүлч Б.Отгоны нийгэмд түгээсэн пост ТАШАА байна.

Төстэй мэдээлэл

Монгол Улсын Ерөнхий сайд асан, УИХ-ын гишүүн С.Батболдыг Эрдэнэт болон Оюутолгойтой холбоотойгоор Монгол Улсад 400 сая ам.долларын хохирол учруулсан гэж АНУ-ын шүүх хэрэг нээсэн тухай мэдээлэл 2020 оны арванхоёрдугаар сарын эхээр гаднын зарим сайтаар гарч эхэлсэн бөгөөд үүний дараа С.Батболд өөрөө мөн тайлбар ярилцлага өгсөн билээ. Энэ хэрэгтэй холбоотой олон нийтийн сүлжээгээр явж буй зарим […]

КОВИД-19 халдварын тархалт нэмэгдсээр байгаа ч өнгөрсөн таван сарын хугацаанд вакцины нэмэлт тунд хамрагдах шаардлагатай буюу 18-аас дээш насны иргэдийн 51 хувь нь гурав дахь тундаа хамрагдаад байна. Энэ нь иргэдийн дунд үүсээд байгаа КОВИД-19-ийн эсрэг вакцины талаарх эргэлзээтэй холбоотой байна. Тиймээс иргэдээс ирсэн түгээмэл асуултын нягталсан хариултуудыг хүргэж байна. Асуулт 1. Өмнө нь 2 […]

Цахим орчинд найруулагч Б.Баатарын эргэлзээтэй мэдээлэл агуулсан дээрх жиргээ бүхий зураг тараад буй. Уг зургийг нягталж шалгах хүсэлт ирсний дагуу бид нягталлаа. Дээрх жиргээг найруулагч Б.Баатар жиргэсэн нь үнэн бөгөөд энэ оны есдүгээр сарын 11-ний өдөр itoim.mn сайтад нийтлэгдсэн нийтлэлийг дахин жиргэхдээ дээрх мэдээллийг хамт оруулжээ. Тус нийтлэл нь Академич, МУИС-ийн профессор С.Нарангэрэлийн “Монгол төрийн ёс […]

2021 оны есдүгээр сарын 12-ны өдөр xyznews24.com сайтад “Коронавирус хяналтаас гарсан тул сургууль, цэцэрлэгийн үйл ажиллагааг зогсоолоо” гэх гарчигтай мэдээлэл гарчээ. Уг мэдээллийг 37 хүн хуваалцаж, 123 хүн хариу үйлдэл үзүүлсэн байна. Дээрх мэдээллийг нягталлаа. Мэдээллийн линк дээр дарж орвол “Архангай аймгийн Засаг дарга дараах захирамжийг гаргалаа: Коронавируст халдварын тохиолдол нэмэгдэж байгаатай холбогдуулан аймгийн хэмжээнд […]

Монгол Улсын Засгийн газраас хатуу хөл хорио тогтоох болсонтой холбогдуулан иргэн бүрд 300 мянган төгрөгийн дэмжлэг үзүүлэх шийдвэрийг дөрөвдүгээр сарын 8-ны өдөр гаргасан. Улмаар энэ мөнгө иргэдийн дансанд шилжиж эхлээд байгаа юм. Иргэдийн халамж болон и-баримтад бүртгэлтэй дансаар шууд орж буй энэ мөнгөн дэмжлэгийг Хаан банк зээлэнд суутгасан талаарх мэдээлэл цахим орчинд таржээ. Тодруулбал “Tanii […]

Товч агуулга Pfizer вакцин хийлгэсний дараа үрийн шингэний чанарын зарим үзүүлэлт түр хугацаагаар буурсан нь судалгаагаар тогтоогдсон ч энэ нь нөхөн үржихүйд удаан хугацааны нөлөө үзүүлж байгааг нотлох баримт биш. Бусад судалгаагаар Pfizer вакцин үрийн шингэний чанарт ямар ч нөлөө үзүүлээгүй байна.  Вакцин нь эмэгтэйчүүдийн нөхөн үржихүйд хор хөнөөл учруулдаг гэсэн нотолгоо байхгүй байна. “…Pfizer-ийн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх