Нийслэл Улаанбаатар хотыг удирдахаар ажилласан хотын дарга нарын нийтэд мэдээлсэн ч өнөөг хүртэл биелүүлээгүй зарим амлалтыг эргэн сануулж байна.
100 айлыг нүүлгэнэ
2018.06.05
“Барилгын материалын үйлдвэрүүдийг 9 дүгээр сарын 1-н гэхэд Налайх руу нүүлгэж дуусна”
НИТХ-ын төлөөлөгч, 100 айлын барилгын захыг нүүлгэн шилжүүлэх ажлын хэсгийн ахлагч Ч.Гантулга: Налайхын Үйлдвэр Технологийн Парк руу энэ хавийн үйлдвэрүүдийг шилжүүлж тэндээ барилгын материал үйлдвэрлэх боломжийг нь хангаж өгснөөр энэ оны 9 дүгээр сарын 1-н гэхэд үйлдвэрүүд нүүж дуусна.
Тухайн үеийн НИТХ-ын дарга С.Амарсайхан “Энд үйл ажиллагаа явуулж байгаа хүмүүс Үйлдвэр Технологийн Парк дээр очоод төвлөрсөн байдлаар үндсэн бизнесээ эрхлээд явах боломж бүрдэж байгаа. Харин энэ байгаа газартаа өндөр зэрэглэлийн барилга байгууламж үйлчилгээний зориулалт бий болгож ажиллаад явбал үнэ цэнэ нь ч өснө тэр хэмжээгээрээ хотын өнгө үзэмж болон иргэдийн амьдрах орчин сайжирна” хэмээн хэвлэлд ярьж байв.
Ажлын хэсгийн гишүүд дараах 3 үе шаттай ажлыг 2018-2020 онд хийхээр төлөвлөснийг ikon.mn сайтад мэдээлсэн.
Үүнд:
1 дүгээр үе шат
- УБЕГ-ын зарим чиг үүргийг дүүрэг, холбогдох цэгүүдэд шилжүүлэх,
- Баруун болон хойд чиглэлд барилгын материалын худалдааны шинэ зах нээх ажлыг судлах,
- Ил задгай хоол хүнс, барилгын материал болон бусад худалдааг зогсоох,
- Стандартын шаардлага хангахгүй хоолны газар, ТҮЦ, дэлгүүрүүдийг хаах,
- Чулуу, будаг, төмөр, цонхны болон бусад химийн хортой үйлдвэрийн үйл ажиллагааг зогсоох, нүүлгэн шилжүүлэх /Налайх дүүрэг/.
2 дугаар үе шат:
- Явган болон автозамын нэвтрэх чадварыг сайжруулж, өргөтгөх /1-2 эгнээгээр нэмэгдүүлэх/,
- Ерөнхий төлөвлөгөөний дагуу орчны тохижилт. гэрэлтүүлгийг сайжруулах,
- Дахин төлөвлөлтийн дэд бүтцийг сайжруулж шинэчлэх төлөвлөгөө боловсруулах.
3 дугаар үе шат:
- Шаардлага хангахгүй хуучны барилгуудыг буулгаж Ерөнхий төлөвлөгөөний дагуу барилгажуулах,
- Шинээр орчин үеийн худалдаа, үйлчилгээний төвүүдийг бий болгох,
- Сүхбаатар дүүргийн 10, 11, 12 дугаар хороодод дахин төлөвлөлтийн дагуу орон сууц хорооллыг барьж байгуулах аж.
Одоогоор ажлын хэсэг эхний үе шатаа хэрэгжүүлж дуусгаад хоёр дахь үе шат руугаа орж эхлэхэд бэлэн болсон гэжээ.
С.Амарсайхан: 100 айлыг нүүлгэх асуудал дээр төрийн захиргааны байгууллага, иргэд нэг ойлголттой байх ёстой.
С.Амарсайхан: 100 айлыг нүүлгэх ажил төлөвлөгөөний дагуу эрчимтэй явж байна гэж мэдээлж байв.
2022.02.25
“100 айл”-ын захыг Налайх руу нүүлгэнэ.
Ийнхүү мэдээлээд хоёр жил болж байгаа ч 100 айл өнөөдрийн байдлаар нүүгээгүй байна.
Хотын захиргаа Яармаг руу нүүнэ
2013.06.19
Улаанбаатар хотын төвлөрлийг сааруулах зорилгоор нийслэлийн ЗДТГ-ыг СХД-ийн 6 дугаар хороо буюу Ханын материалд барихаар тухайн үеийн нийслэлийн Засаг дарга Э.Бат-Үүл шав тавьж байв.
2018.09.05
Нийслэлийн Засаг дарга С.Батболд 2019 онд хотын захиргаа Яармаг руу нүүнэ, барилгын суурийг тавьсан хэмээн мэдээлэв.
2021.09.08
Засгийн газрын ээлжит хуралдаанаар Нийслэлийн төр, захиргааны байгууллагуудыг 2021 оны 12-р сарын 31-ний дотор нүүлгэн шилжүүлэх Засгийн газрын тогтоол гарав.
2021.11.17
Хотын дарга Д.Сумъяабазар: Нийслэлийн захиргааг арванхоёрдугаар сарын 31-нээс өмнө яармаг руу нүүлгэнэ.
2021.12.25
Нийслэлийн ЗДТГ-ын 400 ажилтан нүүсэн талаар мэдээлсэн.
2024.01.15
Нийслэлийн Засаг дарга Х.Нямбаатар гуравдугаар сарын 1-н гэхэд нийслэлийн Засаг даргын Тамгын газрын ажилчид Яармаг руу бүрэн нүүхээр төлөвлөж байгаагаа сэтгүүлчдэд хэлсэн.
2024.01.15
Нийслэлийн Засаг дарга Х.Нямбаатар гуравдугаар сарын 1-н гэхэд нийслэлийн Засаг даргын Тамгын газрын ажилчид Яармаг руу бүрэн нүүхээр төлөвлөж байгаагаа сэтгүүлчдэд хэлсэн.
2024.02.27
Яармаг дахь хотын захиргааны барилгын ажил дуусаагүй байгаатай холбоотой дөрөвдүгээр сар хүртэл хойшлуулав.
Ийнхүү 2013 оноос хотын захиргааг нүүлгэх талаар ярьсан ч өнөөдрийг хүртэл бүрэн хэрэгжээгүй байна.
Үргэлжлэл бий…
