Омикроны үед витамин Д-г 4000, С-г 1000 мг-аар уух ЭМЯ-ны зөвлөгөө ҮНДЭСЛЭЛГҮЙ

КОВИД-19-ийн халдвараар оношлогдон гэрээр эмчлүүлж байгаа иргэдэд Өрхийн эмнэлгээс өгч байгаа багц болон ЭМЯ-наас 

– Д амин дэм 4000 нэгжээр 14 хоног

– С амин дэм 1000 мг-аар 14 хоног уухыг зөвлөж байгаа.  Энэ хэмжээний тунгаар хэрэглэх нь үндэслэлтэй эсэх талаар нягталлаа.



Д амин дэмийг 4000 нэгжээр, С амин дэмийг 1000 мг-аар 14 хоног уух нь бүх хүнд тохирсон тун мөн үү?

Factcheck: 

Эрүүл, насанд хүрсэн хүн Д витамины өдрийн хэрэгцээ 500-1000 олон улсын нэгж, витамин С-ийн өдрийн хэрэгцээ 50-100 мг байдаг. Витамин С ихэнх хүнсний ногоо, жимс жимсгэнэд агуулагддаг тул эдгээр хүнсийг хангалттай хэрэглэдэг бол заавал нэмэлтээр уух шаардлагагүй. 

Харин витамин Д-г хоол хүнснээс авах боломжгүй, Монгол Улсын газар зүйн байршлын онцлог зэргийг харгалзан өдрийн хэрэгцээт тунгаар тогтмол уухыг зөвлөдөг.

С, Д витамин хүний биед олон эрхтэн тогтолцоог хамарсан өргөн хүрээний үйлчилгээтэй. Дархлаа тогтолцооны хэвийн үйл ажиллагаанд тодорхой нөлөөтэй ч дархлаа дэмжих өвөрмөц үйлдэл бага. С, Д витамины агууламж хэвийн байгаа хүмүүст дээрх тун нь ихэдсэн байх боломжтой. 

Бага насны хүүхдэд энэ тунгаар өгч болохгүй, витамины хордлогод хүргэнэ.



Д, С амин дэмийг шинжилгээ өгөлгүйгээр ууж байгаа тохиолдолд нэгж нь хэд хүртэл байхад тохиромжтой вэ? 

Factcheck: 

Дээр хэлсэнчлэн Витамин С-ийн өдрийн хэрэгцээт тунг хоол хүнснээс авах боломжтой. Харин витамин Д-г насанд хүрсэн хүн өдөрт 500-1000 ОУН тунгаар хэрэглэх нь эрүүл мэндэд тустай.



Д, С амин дэмийг удаан хугацаагаар, нэгж хэтрүүлэн хэрэглэснээр ямар сөрөг үр дагавар гарах вэ?

Factcheck: 

С, Д витаминыг өндөр тунгаар, удаан хугацаагаар хэтрүүлэн хэрэглэх нь витамины хордлого үүсгэж, олон эрхтэн тогтолцооны хэвийн үйл ажиллагаа хямрахад хүргэнэ. Тухайлбал, С витаминыг хэтрүүлэн хэрэглэх нь нойр булчирхай, ходоодны салстыг цочрооно. Элэг, бөөрний хэвийн үйл ажиллагаа доголдож, үйл ажиллагааны дутагдал, өвчлөл үүсгэх эрсдэлтэй.

Өөрөөр хэлбэл, их тунг хоргүйжүүлэхийн тулд эдгээр эрхтэн ачаалалтай ажиллана гэсэн үг. Ачаалалтай ажиллаад зарцуулж дийлэхгүй бол хордлогын шинж тэмдэг илэрнэ.



Д амин дэмийн илүүдэл дутагдлаасаа илүү хортой юу?

Factcheck: 

Витамин Д-ийн илүүдэл буюу Д витамины хордлогын үед кальцийн солилцоо хямардаг. Өөрөөр хэлбэл, цусан дахь кальцийн хэмжээ ихэссэнээс бөөлжих, дотор муухайрах, ядарч сульдах, ойр ойрхон шээх зэрэг шинж тэмдэг илэрдэг. Мөн яс өвдөх, бөөрөнд кальцийн чулуу үүсэх зэрэг хүндрэл гарч болдог.



Өндөр тунгаар цөөн хоног хэрэглэх нь үр дүнтэй юу?

Factcheck: 

Өндөр тунгаар цөөн хоног хэрэглээд хэрэгцээ нөхөгдсөн мэт ойлгодог нь буруу юм. Витамины өдрийн хэрэгцээ гэж байдгаас сар, жилийн нөөц хэрэгцээ гэсэн ойлголт байхгүй. 

Их тунгаар цөөн хоног хэрэглэх нь хордлого үүсгэхгүй байж болох ч ходоодыг цочроож, элэг, бөөрний хэвийн үйл ажиллагааг хямрахад хүргэнэ.



Хүүхдэд уулгах тохиромжтой тун нь хэд вэ?

Factcheck: 

Хүүхдэд нас, биеийн жингээс хамаарч Д витаминыг өдөрт 250-500 ОУН-ээр уухыг зөвлөдөг. 

Жимс, ногооны нухаш иддэг эсвэл хоол хүнсэндээ хангалттай ногоо, жимс хэрэглэдэг бол хүүхдэд С витаминыг нэмэлтээр өгөх шаардлагагүй. 

Эх сурвалж:

АШУҮИС

Reuters.com

FullFact.com

АШУҮИС-ийн Дархлаа судлалын тэнхимийн ахлах багш, эмнэл зүйн дархлаа судлаач эмч, Анагаах ухааны доктор Т.Хонгорзултай хамтран бэлтгэв.

Төстэй мэдээлэл

Монгол Улсад бүртгэгдсэн коронавирусийн анхны тохиолдол болох Францын иргэн манай ЭМЯ-ыг шүүхэд өгч байгаа тухай мэдээлэл нийгмийн сүлжээнд олон нийтийг анхаарлыг татаад байна.. Тодруулбал, “Ковид, гадаадад гацсан Монголчууд, хандивын мөнгийг хуваасан төрийн албан тушаалтнууд гэх мэт сэдвээр хэсэг нөхөдтэйгөө ярьж суутал нөгөө Анх-Отгон чинь Францдаа очоод шинжилгээ хийлгэсэн нь сөрөг биет (ковид тусаагүй) гараагүй. Тэгээд Монголын […]

Монгол Улсын Засгийн газраас хатуу хөл хорио тогтоох болсонтой холбогдуулан иргэн бүрд 300 мянган төгрөгийн дэмжлэг үзүүлэх шийдвэрийг дөрөвдүгээр сарын 8-ны өдөр гаргасан. Улмаар энэ мөнгө иргэдийн дансанд шилжиж эхлээд байгаа юм. Иргэдийн халамж болон и-баримтад бүртгэлтэй дансаар шууд орж буй энэ мөнгөн дэмжлэгийг Хаан банк зээлэнд суутгасан талаарх мэдээлэл цахим орчинд таржээ. Тодруулбал “Tanii […]

УИХ-ын 2020 оны сонгуулийн сурталчилгаа эхэлсэнтэй холбоотойгоор нэр дэвшиж, сонгуульд өрсөлдөгчид, ялангуяа улирч буй парламентын гишүүд элдэв ажлыг өөрийн болгож “наах” үзэгдэл цөөнгүй гарч байгааг factcheck.mn нягталж байна.  Хамгийн эхний баримт бол шатахууны үнийг Өргөдлийн байнгын хороо буулгасан гэх мэдээлэл. Тус байнгын хорооны дарга, УИХ-ын гишүүн М.Оюунчимэг Өргөдлийн байнгын хорооны үр дүнд хүрсэн ажлынхаа нэгээр шатахууны […]

“Танил болчихсон хэдэн хүүхнийг гайхдаг. Зовов дарлуулав гадуурхагдав эрх мэдэл дутлав… Ямар ч статистикаас үзэхүл монгол эмэгтэй гэр бүлд албанд эрх мэдэлт уламжлалтай.Гишүүн сайд захирлын хувь АНУ Англи Японоос илүү.Төр, хууль, нийгэм гадуурхдаггүй” гэж бичсэн нийтлэлч Баабарын жиргээг нягталж өгөх хүсэлт уншигчаас ирэв. Үзэл бодлыг нягтлах боломжгүй ч уншигчийн хүсэлтийн дагуу “Ямар ч статистикаас үзэхүл монгол […]

Miniih – Минийх нэртэй фэйсбүүк хуудаст “Ковид тусаагүй хариуцлагатай иргэдээ урамшуулна” гэх мэдээллийг оруулжээ. Энэхүү мэдээллийг нягталлаа. Уг мэдээллийг https://xyznews24.com гэх сайт оруулсан бөгөөд тухайн мэдээлэлд “Өнөөдөр нийгмийн бодлогын байнгын хорооны хуралдаан Төрийн ордонд болж байна. Хуралдааны үеэр УИХ-ын гишүүн, Нийгмийн бодлогын байнгын хорооны дарга М.Оюунчимэг ковид тусаагүй иргэдээ төрөөс урамшуулах хэрэгтэй талаар онцлов. Тэрбээр […]

Товч агуулга Bolormaa Natsagdorj гэх фэйсбүүк хэрэглэгчийн “Нэг их Украйнд санаа зовсон хүмүүс. Цаад учир шалтгааныг хэдэн хүн мэдэх юм бол? Энэ улс хүний наймааны гол улс болсонд бгаа юм. Шулуухан хэлэхэд түүнийг цэвэрлэх гэж бгааг олон сувгаас уншлаа!!! Нато Орос асуудалгүй. Жилд дэлхийд 20 сая хүн алга болдог, түүний 50% нь хүүхэд!!!” гэсэн постыг […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх