Монголд 2.6 сая фэйсбүүкийн хаяг байгаагийн 1.5 сая нь хуурамч-НОТЛОГДООГҮЙ

Товч агуулга

1.5 сая нь хуурамч хаягтай гэсэн мэдээлэл байхгүй гэдгийг ХХЗХ мэдэгдлээ.
Метагийн Аюулгүй байдлын хамтрагч байгууллага болох FARO foundation-д мөн ийм тоо судалгаа байхгүй гэдгийг хэлэв.

УИХ-ын гишүүн Д.Тогтохсүрэн Пүрэв гарагийн УИХ-ын чуулган дээр Сонгуулийн Ерөнхий Хорооны гишүүнийг сонгох, чөлөөлөх тухай асуудлыг хэлэлцэх үеэр Цагдаагийн Ерөнхий Газрын дарга Т.Сүхболдоос цахим сүлжээний зохицуулалтын талаар асуухдаа “Албан бус мэдээгээр Монгол Улсад 2.6 сая фэйсбүүк хаяг байгаа. Үүний 1.5 сая нь хуурамч хаяг байна. УИХ-ын гишүүд, улс төрчдийг жирийн үед гөвж байна. Энэ хуурамч хаягуудыг илрүүлэх техникийн боломж байна уу” гэсэн юм.

Чуулганы танхимд түүний хэлсэн, хуурамч хаягийн талаарх мэдээллийг бид нягталлаа.

Factcheck:

Харилцаа Холбооны Зохицуулах Хорооны мэдээллээр 2023 оны байдлаар Монгол Улсад фэйсбүүкийн 2.8 сая хэрэглэгч байна. Харин үүнээс 1.5 сая нь хуурамч хаягтай гэсэн мэдээлэл байхгүй гэдгийг тус байгууллага мэдэгдлээ.

ХХЗХ нь 2016 оноос Фэйсбүүк компанитай уулзалтууд хийснээр Монгол Улсад аюулгүй, ёс зүйтэй нийгмийн сүлжээний орчныг бий болгоход хамтран ажиллах шаардлагатай гэдэгт санал нэгдэж, Фэйсбүүк платформ дахь хуурамч хэрэглэгчийн бүртгэлийг устгах, хууль бус контентийг хязгаарлах чиглэлээр хамтран ажиллах болсон. Улмаар аливаа хууль бус контентийн талаарх гомдол хүсэлтийг түргэн шуурхай шийдвэрлэх, зохицуулалтыг хэрэгжүүлэхэд шаардлагатай “Government-Case-Work-Channel” буюу шууд харилцах ногоон сувгийг 2019 оны аравдугаар сард Монгол Улсад анх удаа албан ёсоор тогтоосон юм.

Мөн бид Faro foundation байгууллагатай холбогдсон юм. Тус байгууллага нь 2019 оноос хойш Метагийн Аюулгүй байдлын хамтрагч байгууллагаар ажиллаж байгаа бөгөөд цахим аюулгүй байдлын боловсрол олгох чиглэлд төсөл хэрэгжүүлж ирсэн. Энд мөн хуурамч хаягийн тооны талаар судалгаа мэдээлэл байхгүй гэдгийг хэллээ.

УИХ-ын гишүүн Д.Тогтохсүрэнгийн туслах руу бид холбогдож, энэ талаар тодруулсан боловч завгүй гэх шалтгаанаар хариулт өгсөнгүй.

Иймд “Монгол Улсад 2.6 сая фэйсбүүкийн хаяг байгаа. Үүний 1.5 сая нь хуурамч” гэж хэлсэн Д.Тогтохсүрэн гишүүний үг НОТЛОГДСОНГҮЙ.

Эх сурвалжууд:

Харилцаа холбооны зохицуулах хороо

FARO Foundation

Төстэй мэдээлэл

Худал

Бүүстер тунг ДОХ-той хүмүүст л хийдэг – ХУДАЛ

УИХ-ын гишүүн асан, дуучин С.Жавхлан 2021.10.15-нд Сүхбаатарын талбайд “Монголоо аваръя” жагсаалыг зохион байгуулсан. Уг жагсаал дээр ирсэн иргэдийн байр суурийн тэрбээр Самандын Жавхлан пэйж хуудсаараа дамжуулан лайв хийснийг 102К хүн үзэж, 3.6К хүн лайк дарж, 2.2К коммент бичжээ. Уг бичлэгийн үеэр нэгэн эмэгтэй КОВИД-19-ийн эсвэр вакцины талаар ярьсныг @TuluiKH гэх твиттер хаяг жиргэсэн нь олон […]

Factcheck: Газар доор уусган олборлох технологиор дэлхийн ураны 70%-ийг олборлож байна

Цолмонбаатар Тамир
2024-11-22

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тэдгээр мэдээллээс бид нягталлаа. “ISR буюу ГДУО технологийг зөвхөн Монголд л туршиж байгаа олборлолтын технологи бөгөөд Зөөвч-Овоо төсөлд ашиглана”. Factcheck: Байгаль орчинд сөрөг нөлөө хамгийн багатайгаар уран олборлох нөхцөлийг бүрдүүлсэн газар […]

Худал

Pfizer-ийн ахлах эрдэмтэн асан Майк Иедон “Ковид-19 вакцин” хэмээх бодис тарьсан хүмүүсийг аврах нь одоо оройтсон гэсэн – ХУДАЛ

Гоо Гоо хэмээн фэйсбүүк хаягаас “АНУ-ын Дээд шүүх бүх нийтийн вакцинжуулалтыг цуцаллаа” гэсэн гарчиг бүхий постыг 2021.06.13-нд нийтэлснийг бид нягтлан хүргэсэн. Өмнөх нягталсан мэдээллийг ЭНД дарж үзэх боломжтой. Тэгвэл уг постод мөн “Pfizer-ийн ахлах эрдэмтэн асан Майк Иедон олон нийтэд “Ковид-19 вакцин” хэмээх бодис тарьсан хүмүүсийг аврах нь одоо оройтсон гэсэн байр сууриа дахин илэрхийлэв” […]

Төөрөгдүүлсэн

БШУ-ны сайдын, дөрвөн сар хүрэхгүй настай зөрчилдөөнт шийдвэр

Арванхоёрдугаар сарын 18-наас 1-5 дугаар ангийн сурагчдын хичээлийг цахимд

Нотлогдоогүй

УИХ-ын гишүүн асан Ц.Гарамжав гэр рүүгээ зам тавиулсан – НОТЛОГДООГҮЙ

УИХ-ын гишүүн асан, “Монполимет” группийн үүсгэн байгуулагч Ц.Гарамжав

Ташаа

Вакцинуудад хамгийн их хөнгөн цагаан илэрсэн, бүү хийлгэ – ТАШАА

Товч агуулга Хөнгөн цагааныг вакцины найрлагад нэмэлтээр ашигласнаар хүний дархлааны хариу урвалыг илүү сайжруулах нөлөөтэй. Вакцины найрлагад хөнгөн цагаан нэмэлтээр оруулснаар ямар нэгэн сөрөг нөлөө үзүүлдэггүй болохыг өнгөрсөн 60 жилийн судалгаа нотолно. Хүүхдийн товлолт вакцинуудын найрлагад кадми ордог талаар ямар нэгэн мэдээлэл алга. Вакцин аутизмтай холбоотой болох нь шинжлэх ухаанаар өнөөдрийг хүртэл нотлогдоогүй. Хэд хэдэн […]

Өөр мэдээ олдсонгүй.