УИХ-ын гишүүн Г.Дамдинням: Ард түмэн намайг мэднэ, гэтэл цагдаа намайг зогсоолоо – ХУДАЛ

УИХ-ын гишүүн Г.Дамдинням өнөөдөр буюу 2020 оны арваннэгдүгээр сарын 19-ний өдрийн чуулганы хуралдааны үеэр “Ард түмэн намайг мэднэ. Гэтэл замын цагдаа намайг танихгүй саатууллаа” гэж хэлсэн талаар цахим орчинд мэдээлэл цацагдсан. 

Энэхүү мэдээллийг фэйсбүүкт 5,000 найз, 30 мянган дагагчтай Munkhbayar Ch хаягаас оруулсан байх бөгөөд тухайн постод 1,000 хүн хариу үйлдэл үзүүлж, 848 хүн шэйр хийсэн байна.

Тухайн постод “УИХГ Г.Дамдинням: Би УИХ-д ороод ард түмнийхээ төлөө их юм хийсэн. Ард түмэн намайг мэднэ. Гэтэл замын цагдаа намайг танихгүй машааныг маань зогсоох хэн бэ, хаана ажилладаг вэ гэхчилэн саатуулла. Цагдагийн харьцаа, хавьталд анхаарах зүйл байна. Миний ард түмний төлөө их үйлсийг саатуулж, ард түмнийг хохироолоо. Энэ асуудлаар Хууль зүйн сайдад хандаж шийдвэрлэж өгөхийг хүссэн. Хэвлэл мэдээлэлд хандаж байна. Сайд Х.Нямбаатар: Цагдааг шалгана” гэсэн постыг оруулсан байна” гэлээ. 

Энэхүү мэдээллийг бид шалгалаа. 

УИХ-ын чуулганы өнөөдрийн хуралдааны 2 цаг 28 минутад УИХ-ын гишүүн Г.Дамдинням үг хэлж, асуулт асуужээ. Ингэхдээ, “Бараг 10 сар онцгой байдалд өдөр, шөнөгүй ажиллаж байгаа албан хаагчдын ээлжийн хуваарийг хангаж, төлөвлөж байгаа юу. Орон нутгийн иргэдийг нүүрс, түлшээр тасралтгүй хангах төлөвлөгөө бий юу. Хүмүүс гал алдах талруугаа орж байна шүү. Цар тахлын үед банкууд зээлийн хүүгээ зогсоохгүй байгаа мөртлөө иргэдэд үйлчлэх асуудлаа зогсоочихсон. Яг хэзээнээс ажиллаж эхлэх вэ. Хүнд үеийг давахад мөнгө маш чухал. Иймээс экспортын чухал бүс нутгуудад онцгой байдлын дэглэм сахиулах төлөвлөгөө бий юу. Дархан Сэлэнгэ аймгуудад хүнсний нөөц хэр байна вэ. Тусгай эмчилгээ шаардлагатай, эмнэлэгт заавал очих ёстой иргэдийн асуудлыг яаж зохицуулж байгаа вэ” гэсэн асуултуудыг асуужээ. Мөн “Хууль зүйн сайдад хэлэхэд, зам дээр ажиллаж байгаа хууль хүчний байгууллагад талархаж байна. Гэхдээ өчигдөр би УИХ-ын гишүүн хүн Төрийн ордонд шуурхай хурал зарлагдаад очих гэхэд намайг зам дээр 30 минут зогсоож байгаа юм. Гэхдээ харилцаа, контакт эрүүл аюулгүй байдлыг хангаагүй байна” гэсэн юм. 

Өөрөөр хэлбэл, ард түмэн намайг танина, гэтэл цагдаа таньсангүй, ард түмний төлөө их үйлсийг зогсоолоо гэсэн агуулгатай зүйл яриагүй болохыг та доорх бичлэгээс үзэх боломжтой. 

Мөн энэ асуудалд Хууль зүй, дотоод хэргийн сайд Х.Нямбаатар: Цагдааг шалгана гэсэн нь ч ташаа байна.

Тодруулбал, гишүүний асуултад ХЗДХ-ийн сайд Х.Нямбаатар 2 цаг 32 минутад “Гамшгаас хамгаалах тухай хуулийн 10.3, 10.4-т заасан арга хэмжээг авахаар заасан. Дээр дурдсан арга хэмжээнд 11 байгууллагад харьяалагдах хүмүүс ажил, гэрийн хооронд явахыг Засгийн газрын тогтоолд тусгасан. 6343 цагдаа, дотоодын цэргийн алба хаагчид ажиллаж байна. Алба хаагчид ажлын үнэмлэх шалгаж ажиллаж байгаа. Таны асуудалд алба хаагч харилцааны хувьд доголдол гаргасан гэж үзвэл тодруулж өгье” хэмээн хариулжээ. 

Нягталсан: Ц.Тамир

Төстэй мэдээлэл

УИХ-ын гишүүн асан М.Зоригт өөрийн твиттер хуудаснаа 2020 оны арваннэгдүгээр сарын 27-ны 18:55 цагт “ЭМЯ-наас хөл хориог 14 хоног сунгах санал гаргасан байна” хэмээн мэдээлжээ. Бид энэхүү мэдээллийг үнэн эсэхийг холбогдох газруудаас тодрууллаа. Улсын онцгой комисст энэ санал ирсэн эсэх талаар Шадар сайдын хэвлэлээс 21:27 цагт тодруулахад “Хөл хориог сунгах эсэх талаар бүх яамдаас санал […]

Tsahiur.mn сайт 2022.09.01-ний өдөр “УБ-Бээжин чиглэлийн нислэгийн тийз

Товч агуулга АНУ-ын Дээд шүүх ийм шийдвэр гаргаагүй. Шүүхийн 2001 оноос хойш хэрэгжиж эхэлсэн болон шийдвэрлэгдсэн хэргүүдийн байдлыг жагсаадаг шүүхийн цахим лавлахад ийм кэйс огт байхгүй байна. Дээд шүүхээс “Вакцин бол вакцин биш. Учруулсан хор уршиг нь нөхөж баршгүй” гэдэг мэдэгдэл хийгээгүй. Solongo Bukhchuluun гэх фэйсбүүк хэрэглэгчийн 2022.10.25-нд оруулсан “🇺🇸* АНУ-ын Дээд шүүхийн шийдвэр: Ковид […]

Remdesivir эм COVID-19-ийг нэг өдрийн дотор эдгээсэн талаар фэйсбүүкт @ChinbatM гэх хаягнаас пост оруулжээ. Уг постод “Вашингтонд нэг монгол хүндрээд түргэнд хандсан. Трампад өгсөн эм хэрэглэх үү, “классик” аргаар эмчлэх үү гэсэн. Трампын эмийг сонгосон. Маргааш нь зүв зүгээр болсон. Би өөрөө ковидтой байсан болохоор энэ тухай эмчээсээ асуусан. үнэн үү гэж. Remdisivir эмийг хэрэглээд […]

“Өнөөдрийн хамгийн сайхан мэдээ. Хүнсний ногоо гаднаас авахыг хориглолоо!!! Хятад ногоо баяртай!!! Ард түмний эрүүл мэндийн төлөө түүхэн шийдвэр гаргалаа. Энэ мэдээг цааш түгээж дэмжээрэй!!! Ёстой болоошдээ!!!”  гэсэн мэдээллийг news.medleg.me цахим сайт энэ сарын 9-нд мэдээлж, хэд хэдэн фэйсбүүк группт цацсан байна.  Бид энэ мэдээллийг нягталж, үнэн эсэхийг шалгалаа. Хүнсний ногоо гаднаас авахыг хориглосон эсэх […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх