Дэлхий ковид вакцинаас татгалзаж, хүүхдүүдэд хийхийг хориглосон-ХУДАЛ

Товч агуулга

Өдөр бүр дэлхийн улс орнууд иргэдээ вакцинжуулсаар байна.

2022.12.14-нд БНХАУ 1.21 сая, Герман 27,295, Франц 74,642,Япон 534,706, Солонгос 1,675 тооны хүнд вакцин хийжээ.

Мөн олон улс орон 16-аас доош насны хүүхдүүдээ КОВИД-19-ийн эсрэг вакцинд хамруулсаар байна.



Zorigtbaatar Nergui Borjigon хэмээх фэйсбүүк хэрэглэгч 2022.10.11-ний өдөр “Сэрэмжлүүлэг” гэсэн нэгэн пост оруулжээ.

Уг постод “Ерөнхий боловсролын зарим сургуулиуд дээр ковид вакциныг хүүхдүүд дээр тарихаар хуудас өгч байна гэнэ шүү! Ичихгүй бас зөвхөн эцэг эхчүүдэд нууцаар цаашлаад ангийн нууц грүүп дээр нь л мэдээллээ өгч байгаа сурагтай! Ийм бичигтэй танилцсан бол багш болон вакцинд уриалсан шахсан амьтдыг шүүхэд өгөөрэй! 

Вакциныхаа хуудас дээр ичихгүй ховор тохиолдолд үхэж болно гээд биччихжээ бас! 

Энэ файзер вакциныг олон улсад хориглосон, энэхүү вакцины шүүх хурал яг одоо олон улсын  шүүх дээр яваа. Дэлхийн бүх энэ ковид вакцинаас татгалзаж тэр тусмаа хүүхдүүд дээр хийхийг хориглосон байгаа. Гэтэл манай улсад энэхүү хориглогдсон файзер вакциныг хүүхдүүд дээр хийнэ гээд явж байна! 

Үр хүүхэддээ вакцин хийлгэж амь нас ирээдүйг нь баллачихваа Монголчууд минь!

Олон улсын шүүхийн процесс одоо ч яг одоо ч явагдсаар байгааг сануулъя! 

Англи, Герман, Франц мэтийн улсууд цаашлаад япон, солонгос улс ковид вакциныг хориглосон, цаашлаад хүүхдүүд дээр хийхийг бүүрч хориглочихсон яваа. Эмч нар нь ковид вакциныг битгий хийлгэ гээд уриалаад яваа шүү. #и_х” гэсэн байна. 

Энэхүү постыг 168 хүн шэйрлэж 96 хүн хариу үйлдэл үзүүлсний дийлэнх нь дэмжсэн бөгөөд 21 коммент бичжээ. 

Уг постын гол хэсэг болох дараах агуулгыг нягталлаа. 

“…Энэ файзер вакциныг олон улсад хориглосон, энэхүү вакцины шүүх хурал яг одоо олон улсын шүүх дээр яваа. Дэлхийн бүх энэ ковид вакцинаас татгалзаж тэр тусмаа хүүхдүүд дээр хийхийг хориглосон байгаа. Гэтэл манай улсад энэхүү хориглогдсон файзер вакциныг хүүхдүүд дээр хийнэ гээд явж байна!”

Factcheck:

2022.12.18-ны байдлаар дэлхий даяар 5.47 тэрбум буюу манай гарагийн нийт хүн амын 71.3% нь вакцинд хамрагдсан байна.

Харин бүүстер тунгаа хийлгэсэн хүний тоо 2.63 тэрбумд хүрчээ.

  • БНХАУ хамгийн их буюу өдөрт 1.21 сая хүнд вакцин хийж байгаа бол
  • Канад 14,430
  • Аргентин 78,190
  • Герман 27,295
  • Франц 74,642
  • Швед 10,000
  • Япон 534,706

Солонгос 1,675 тооны хүнийг өдөрт вакцинжуулсныг https://ourworldindata.org/grapher/daily-covid-19-vaccination-doses линкээр харж болно.

Мөн шинээр буюу нэгдүгээр тундаа хамрагдаж байгаа хүний тоо 261 мянга давж байна.

Мөн олон улс орон 16-аас доош насны хүүхдүүдээ КОВИД-19-ийн эсрэг вакцинд хамруулсаар байна.

Зураг дээрх шараар будсан улс орнууд 16-аас доош насны хүүхдүүдийг вакцинжуулж байгаа юм.

Хамгийн тод хүрэн өнгөтэй нь вакцинд хүүхдүүдийг хамруулахгүй байгаа орнууд ба үүнд:

  • Гринланд
  • Афганистан
  • Гана
  • Зимбабвэ
  • Эритрэй гэсэн улсууд багтжээ.

Pfizer вакциныг олон улсын шүүхээр хэлэлцэж байгаа гэсэн мэдээлэл огт байхгүй байгаа ба 2021 онд ийм мэдээлэл олон улсад гарсныг ТАШАА хэмээн баримт нягтлагчид хийж байжээ.

Иймд дээрх мэдээлэл нь олон нийтийг ТӨӨРӨГДҮҮЛСЭН, ХУДАЛ мэдээлэл байна.

Эх сурвалжууд:

https://www.nytimes.com/interactive/2021/world/covid-vaccinations-tracker.html

https://ourworldindata.org/grapher/daily-covid-19-vaccination-doses

https://ourworldindata.org/grapher/covid-vaccine-age

https://www.reuters.com/article/factcheck-icc-israel-covid-idUSL1N2LM2FS

НҮБ-ын Хүүхдийн Сантай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Шадар сайд Я.Содбаатар “УОК-оос хэзээ ч хатуу хөл хорио тогтоох чиглэл өгөөгүй шүү. Иргэд л өөрсдөө гэрээсээ гарахгүй ажилдаа явахгүй байгаа” гэсэн зураг цахим орчинд тараад байна. Энэхүү мэдээллийг нягталж шалгалаа. Юун түрүүнд мэдээлэл үнэн эсэхийг ikon.mn сайтаас тодруулахад “Манайд ийм мэдээлэл ороогүй. Манайд орсон мэдээллийн зургийг ашиглан ийм мэдээлэл тараасан байна” гэсэн хариултыг өглөө. […]

УИХ-ын гишүүн асан Ц.Оюунгэрэл твиттер хуудаснаа “Эмэгтэйчүүд нэгээс дээш хүүхэдтэй бол 50 насандаа тэтгэвэрт гарах нь…” гэсэн гарчиг бүхий мэдээллийг шэйрлэж, “Энэ мэдээ үнэн бол Монголоо Грекийн замаар дампууруулахаар шийдэж дээ, ЗГ. Грек улс тэтгэвэрийн насаа багасгаад хэдхэн жилийн дотор бүрэн дампуурч, өрөө дарахын тулд хэдэн арлаа зарсан байдаг” хэмээжээ. Энэхүү жиргээний мөрөөр мэдээллийг нягтлуулах […]

НҮБ-ийн хүн амын сангийн Монгол дахь шадар суурин төлөөлөгч Л.Оюунаа “Монголын 10-15 насны 100 хүүхдийн 11 нь амиа хорлож байна. Энэ тоо бол Ази бүсдээ 5 дахин илүү үзүүлэлттэй байгаа” хэмээн МҮОНТВ-д өгсөн ярилцлагадаа дурджээ. Уг мэдээллийг нягталж өгөх хүсэлт уншигчаас ирсний дагуу нягталлаа. Factcheck: ДЭМБ, Эрүүл мэндийн хөгжлийн төв хамтран “Эрүүл мэндийн үзүүлэлт” сэдэвтэй […]

Khulan Gankhuyag фэйсбүүк хаягаар “КОВИД-ын вакцины дараа бүсэлхийнээс доош мэдээгүй болсон сувилагч, зүрх нь хаагдсан онцгойгийн ажилтан, сэхээнд орсон эмнэлгийн it залуу нарын талаар үнэн бодит тайлбар өгөхийг Амбасэлмаа гуайгаас шаардаж байна!!!” гэсэн мэдээллийг гурвадугаар сарын 7-нд постолжээ. Уг постыг 3.1К хүн шэйрлэж, 302 хүн коммент бичиж, 514 хүн хариу үйлдэл үзүүлжээ. Бид энэхүү мэдээллийг […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх