ОХУ-ын олон нийтийн цахим талбар болох vk.com сайтад Алтай видеолор гэх хэрэглэгч Монгол Улсын Ерөнхийлөгч У.Хүрэлсүх буу барьсан цэргүүдийн хамт зогсож байгаа зургийг нийтлээд “👍ОХУ-ыг дэмжин Хойд цэргийн тойрогт оролцохоор Монголоос 92 цэрэг (тусгай хүчин) илгээсэн 🇷🇺✊ (Монгол Улсын Ерөнхийлөгчтэй 🇲🇳 зураг)” гэсэн текст бичжээ. Уг постыг няталж өгөх хүсэлт ирсний дагуу нягталлаа.
Factcheck:
Фото зургийг өмнө нь хаана нийтлэгдэж байсныг нягтлах зорилноор Google, Tineye, Yandex зэрэг хэрэгслийг ашиглан шалгахад уг зураг өмнө нь өөр ямар нэгэн сайт, цахим орчинд огт гарч байгаагүй зураг байна.
Уг зургийг фотошоп ашигласан эсэхийг шалгахаар Fotoforensics хэрэгслийг ашиглан шалгахад энэхүү зургийг эвлүүлсэн нь харагдаж байгаа юм. Тодруулбал, доорх хэсэгт Ерөнхийлөгчийн гарсан хэсэг зургийн бусад хэсгээс тод ялгарч байгаа буюу эвлүүлсэн байна.
Түүнчлэн Ерөнхийлөгчийн Тамгын газрын Хэвлэл мэдээллийн албаны дарга Ө.Золбаяр уг зургийн тайлбар дахь агуулга болох монгол цэргүүдийг ОХУ-ыг дэмжиж илгээсэн гэх мэдээллийг өөрийн албан ёсны цахим хаягаар дамжуулан няцаажээ.
Иймд дээрх агуулга нь ХУДАЛ байна.
