Factcheck: Дорноговь аймагт төрөлт Булган, Сэлэнгэ, Архангай аймгаас өндөр байна

Цолмонбаатар Тамир
2024-11-23

Товч агуулга

Дорноговь аймгийн Улаанбадрах суманд 2022, 2023 онд эхийн эндэгдэл бүртгэгдээгүй.
Хүн амын дундаж наслалт Дорноговь аймагт эрэгтэй 68.4, эмэгтэй 78.58 буюу улсын дунджаас өндөр байна.
1000 хүн амд ногдох төрөлт 15 байгаа нь Булган, Сэлэнгэ, Архангай, Дундговь, Төв аймагтай харьцуулахад өндөр үзүүлэлт.
2022 оны байдлаар Улаанбадрах суманд Дорноговь аймгийн бусад сумтай харьцуулахад онцгойрох эрүүл мэндийн асуудал байхгүй.

Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй.

Тэдгээр мэдээллээс бид нягталлаа.

“Ураны хайгуул болон 2011 оны туршилт ойр орчмын ард иргэдийн эрүүл мэндэд сөргөөр нөлөөлсөн. Залуу эмэгтэйчүүд хүүхэдтэй болохоос айх болсон”.

Factcheck:

Ураны хайгуул, туршилтын олборлолт явуулсан Дорноговь аймгийн Улаанбадрах суманд 2022, 2023 онд эхийн эндэгдэл бүртгэгдээгүй байна.

Дэлхийн эрүүл мэндийн байгууллага болон Эрүүл мэндийн хөгжлийн төвөөс Монгол Улсын хэмжээний эрүүл мэндийн статистик үзүүлэлтийг 2023 оны байдлаар судалсан дэлгэрэнгүй тайланг танилцуулжээ.

Энэхүү судалгаанаас зарим үзүүлэлтийг онцлон харлаа. Тухайлбал, хүн амын дундаж наслалт улсын хэмжээнд эрэгтэй 67.62, эмэгтэй 76.85 байгаа бол Дорноговь аймагт эрэгтэй 68.4, эмэгтэй 78.58 буюу улсын дунджаас өндөр байна.

1000 хүн амд ногдох төрөлт 15 байгаа нь Булган, Сэлэнгэ, Архангай, Дундговь, Төв аймагтай харьцуулахад мөн өндөр байгаа юм.

Тус аймгийн хүн амын эрүүл мэндийн зарим үзүүлэлт бусад аймгаас сайн байгааг уг судалгаанаас харж болно. Түүнчлэн ураны хайгуул, олборлолт явуулсан Улаанбадрах суманд л гэхэд сүүлийн 2022, 2023 онд эхийн эндэгдэл бүртгэгдээгүй байна.

Нас баралтад зүрх судасны өвчлөл шалтгаалсан байдлыг харвал Дорноговь аймаг хамгийн бага үзүүлэлтэй байгаа юм.

2022 оны байдлаар Улаанбадрах суманд Дорноговь аймгийн бусад сумтай харьцуулахад онцгойрох эрүүл мэндийн асуудал байхгүй болохыг тус аймгийн Эрүүл мэндийн газрын Эмнэлгийн тусламж үйлчилгээний хэлтсээс хэвлэлд мэдээлж байсан бөгөөд харин зарим үзүүлэлтээр бусад сумдаас сайн байгааг дурджээ.

Иймд ураны хайгуул ойр орчмын иргэдийн эрүүл мэндэд сөргөөр нөлөөлсөн гэдэг нь үндэслэлгүй мэдээлэл байна.

Эх сурвалжууд:

Үндэсний статистикийн хороо
Дэлхийн Эрүүл Мэндийн Байгууллага
Эрүүл мэндийн хөгжлийн төв
Дорноговь аймгийн Эрүүл мэндийн газрын Эмнэлгийн тусламж үйлчилгээний хэлтэс

Төстэй мэдээлэл

Худал

Жирэмсэн үедээ COVID-19 вакцинжуулалтад хамрагдсан ээжүүд хүүхдээ алдсан – ХУДАЛ

Pfizer-BioNTech COVID-19 вакциныг эрт нэвтрүүлэх үед вакцины тунд

Худал

Энхтайваны гүүрийг согтуу жолооч мөргөсөн – ХУДАЛ

Э. Болор-Од
2020-12-03

“Карантинаас архи олж уугаад Энхтайваны гүүрийг машинаараа өчигдөр шөнө мөргөсөн гэнэ” гэх мэдээлэл цахим орчинд гараад байна. Энэхүү мэдээллийг бид Тээврийн цагдаагийн албанаас тодруулахад “Осол гарсан нь үнэн. Гэхдээ тухайн жолооч согтууруулах ундааны зүйл хэрэглээгүй байсан үзлэгээр тогтоогдсон. Халтиргаанаас үүдэн гулгаад осол гарсан” гэсэн мэдээллийг өглөө. Согтуу жолооч гүүр мөргөсөн гэх энэхүү мэдээлэл худал болох […]

Factcheck: Ураны хайгуул, олборлолт усны чанарт нөлөөлөөгүй

Цолмонбаатар Тамир
2024-11-13

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тэдгээр мэдээллээс бид нягталлаа. “Ураны хайгуул ба туршилтын олборлолт малчдын худгуудын усны чанарыг муутгасан. Малчид цэвэр усаа холоос авч байна”. Factcheck: Дорноговь аймгийн Улаанбадрах сумын нутаг, Зөөвч-Овоо ордод 1996 оноос хойш […]

УИХ-ын гишүүн Ц.Анандбазар “Ам нээвэл” нэвтрүүлэгт орохдоо хэлсэн худал мэдээллээс

admin
2021-05-12
Улс төр

УИХ-ын гишүүн Ц.Анандбазар 25-р суваг телевизийн “Ам нээвэл” нэвтрүүлэгт орохдоо “Эгийн голын УЦС-ын төсөл яагаад зогссон бэ?” гэсэн сэтгүүлчийн ганцхан асуултад хариулахдаа нийт 1 минут 26 секундэд 9 баримт дурдсан юм. Тэдгээр баримтыг нягтлахад бүгд ХУДАЛ байгааг доор харуулав. 1.“ОХУ-ын хил дээр шахуу шүү дээ Эг гол маань” – ХУДАЛ НОТОЛГОО: “Эгийн гол нь Монгол орны […]

Төөрөгдүүлсэн

Томууг өөрийн дархлаагаар давсаар ирсэн. Вакцин ямарч хэрэггүй – ТӨӨРӨГДҮҮЛСЭН

Цолмонбаатар Тамир
2025-01-06

Товч агуулга “Дэлхийн үе үеийн хүмүүс томуу өвчнийг өөрийн дархлаагаар давсаар ирсэн. Томуугийн вакцин бол ямарч хэрэггүй эд! Дэлхийн Эмийн үйлдвэрүүдийн цэвэр бизнес. Томууны олон төрлийн вирусээс хамгаалах вакцин дэлхийд огт байхгүй! Ямар ч вакцин бүү хийлгэ!!! Юм л бол вакцин хийж, дэлхийн хүн амыг бууруулахыг санаархаж бгаа хар хүчнийхэн ажиллаж байгааг ойлго!!!” гэсэн агуулгыг […]

Factcheck: 1%-ийн хүхрийн хүчил бүхий уусмалаас газрын гүнд үүссэн сульфат байгалийнхаа жамаар саармагждаг

Цолмонбаатар Тамир
2024-12-02

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тэдгээр мэдээллээс бид нягталлаа. “Хүхрийн хүчил нь маш аюултай, хортой бодис юм. Оператор компани хэдэн мянган тонн хүхрийн хүчлийг газрын гүн рүү шахна. Уг хорт бодисыг аюулгүй тээвэрлэж чадна гэдэгт эргэлзэж […]

Өөр мэдээ олдсонгүй.