Тэгш, сондгойгоор зорчуулах хязгаарлалт иргэдийн хууль ёсны эрх ашгийг зөрчиж байна

Нийслэлийн Засаг дарга Х.Нямбаатар маргаашаас эхлэн ирэх оны хоёрдугаар сарын 1-н хүртэл автомашины дугаарын тэгш, сондгойгоор явуулахаар болсон талаарх шийдвэрийг өнөөдөр буюу 2023.12.17-нд танилцууллаа.

Ийнхүү шийдвэр гаргах нь хууль зүйн талаас боломжтой эсэхийг нягтлах хүсэлт ирсний дагуу нягталлаа.

Factcheck:

АНХ 2012 он буюу нийслэлийн Засаг дарга Э.Бат-Үүлийн ажиллаж байх үед НИТХ-аас анх 2012.08.22-ны өдрийн №2/08 дугаар тогтоолоор Улаанбаатар хотын авто замын ачааллыг бууруулах цогц арга хэмжээний хүрээнд нийслэл хотод бүсчлэл тогтоож, автомашины улсын дугаарын сүүлийн оронгоор хязгаарлаж хөдөлгөөнд оролцуулах зохицуулалтыг хийж байжээ.

Өнгөрсөн хугацаанд дагуурын тэгш, сондгойгоор зорчуулах талаар

  • 2014.08.22-ноос 8 хоног
  • 2016.08 сарын 22,23,29,30-нд
  • 2017.02.11,12,18,19-нд
  • 2019.01.27, 02.03-ны амралтын өдрүүдэд
  • 2022.08.27-ноос 8 хоног  2023.08.26-ноос 20 хоног гэхчлэн зорчуулахаар шийдвэр гаргаж байжээ.

Харин энэ удаагийнх шиг сар хагасын хугацаатайгаар ийм зохицуулалт үйлчлэх гэж байгаа нь анх удаа байна.

Нийслэлийн Засаг дарга бөгөөд Улаанбаатар хотын захирагч Х.Нямбаатар Захиргааны ерөнхий хуулийн Захиргааны актын хүрээнд уг шийдвэрийг гаргах боломж байгаа гэдгийг хуульч Б.Пүрэвсүрэн тайлбарлав. Тус хуулийн 37.1-т Захиргааны акт гэж захиргааны байгууллагаас тодорхой нэг тохиолдлыг зохицуулахаар нийтийн эрх зүйн хүрээнд гадагш чиглэсэн, эрх зүйн шууд үр дагавар бий болгосон амаар, бичгээр гаргасан захирамжилсан шийдвэр болон үйл ажиллагааг ойлгоно гээд 40.4.Захиргааны актад тухайн захиргааны акт гаргах шаардлага бүхий бодит нөхцөл байдлыг тодорхой заана гэжээ.

Гэвч дээрх захиргааны арга хэмжээ нь Үндсэн хуулийн 16 дугаар зүйлийн 18-д заасан улсынхаа нутаг дэвсгэрт чөлөөтэй зорчих, түр буюу байнга оршин суух газраа сонгох, гадаадад явах, оршин суух, эх орондоо буцаж ирэх эрхтэй. Гадаадад явах, оршин суух эрхийг үндэсний болон хүн амын аюулгүй байдлыг хангах, нийгмийн хэв журмыг хамгаалахын тулд зөвхөн хуулиар хязгаарлаж болно гэсэн заалтыг зөрчиж байна.

“Хэрвээ уг шийдвэр дээрх заасан хугацаанд үргэлжлэх тохиолдолд зохицуулалт биш хязгаарлалт болох юм. Тийм учраас нийтийн сонсгол явуулах ёстой. Өмнө нь буруу талдаа жолооны хүрдтэй тээврийн хэрэгслийг он зааж хөдөлгөөнд оролцуулах талаар иргэдээс санал авч байсан жишээ бий” хэмээн хуульч Б.Пүрэвсүрэн тайлбарлалаа.

Энэ үед хотын дарга Х.Нямбаатар ХЗДХ-ийн сайд байхдаа 2022.09:05-нд Eagle.mn сайтад “НИТХ-ын нэр бүхий төлөөлөгч нар тогтоолын төсөл боловсруулж, санаачилж байгаа гэдгийг өнөөдөр сонссон. Улмаар буруу талдаа жолооны хүрдтэй автомашиныг он зааж, хөдөлгөөнд оролцуулах талаар иргэдийн дунд санал асуулга явуулна. Тэр хүртэл бид автомашины импортийг хязгаарлах асуудлаа хэрхэхийг иргэд, олон нийтээр шийдүүлэх ёстой” хэмээн хэлж байжээ.

Захиргааны ерөнхий хуульд:

  • 62.1.Захиргааны хэм хэмжээний актын төслийг тухайн захиргааны байгууллагын цахим хуудас болон мэдээллийн самбарт 30-аас доошгүй хоногийн хугацаанд байрлуулж санал авна.
  • 62.2.Нийтийн ашиг сонирхол, хүний эрх, хууль ёсны ашиг сонирхлыг хөндөх тохиолдолд захиргааны хэм хэмжээний актын төсөлд нийтийн санаа бодлыг тусгах зорилгоор хэлэлцүүлэг зохион байгуулж, оролцох боломжоор хангах бөгөөд эрх, хууль ёсны ашиг сонирхол нь хөндөгдөх бүлгийн хүрээнд хэлэлцүүлэг заавал хийнэ гэж заажээ.

Мөн Нийтийн сонсголын тухай хуульд:

  • 4.2.Нийтийн сонсголыг доор дурдсан асуудлыг хэлэлцэх, шийдвэр гаргахын өмнө зохион байгуулна:
  • 4.2.1.эрх бүхий этгээдээс боловсруулах хууль тогтоомж, захиргааны хэм хэмжээний акт;
  • 4.2.2.энэ хуульд заасан нийтийн ашиг сонирхлыг хөндсөн асуудал;
  • 4.2.3.хууль тогтоомж, захиргааны хэм хэмжээний актын хэрэгжилтэд тавих хяналт;
  • 4.2.4.татварын хууль тогтоомж болон төсөв батлах, төсвийн орлого ба зарцуулалтад тавих хяналт;
  • 4.2.5.Улсын Их Хурлаас томилогдох албан тушаалтны асуудал.
  • 4.3.Энэ хуулийн 4.2-т зааснаас бусад асуудлаар нийтийн сонсгол явуулахад энэ хуульд заасан зарчим, журмыг баримтална хэмээн заасан байна.

Тиймээс автомашины тэгш, сондгойгоор зорчуулахаар хязгаарлаж байгаа шийдвэр нь иргэдийн хууль ёсны эрх ашгийг зөрчиж байна.

  • Эх сурвалж:
  • Хуульч Б.Пүрэвсүрэн
  • Legalinfo
  • Ulaanbaatar.mn
  • Замын хөдөлгөөний удирдлагын төв
  • Мэдээллийн сайтууд
Төстэй мэдээлэл

Хөгжлийн банкнаас зээл авсан “Мон цемент” компани үйлдвэрээ улсын комисст хүлээлгэн өгөөгүй гэсэн мэдээлэл гарсан. Тодруулбал, Zarig.mn сайт 2022.02.19-нд “Мон цемент, МАК цементийн үйлдвэрүүдийг улсын комисст хүлээлгэж өгөөгүйн цаад шалтгаан” гэсэн гарчигтай мэдээ нийтэлжээ. Уг мэдээнд “Монполимет ХХК болон МАК цемент ХХК-ийн төслүүд амжилттай хэрэгжсэн ч тэд барьсан үйлдвэрээ улсын комисст хүлээлгэж өгдөггүй гэх мэдээлэл […]

Batchuluun Natsagdorj хэмээн фэйсбүүк хэрэглэгч “ПФАЙЗЕР ВАКЦИНЫ ДАРААХ ҮХЭЛ ЯПОНД 751 ХҮРЛЭЭ” гэсэн агуулгатай постыг 2021.07.26-нд нийтэлжээ. Уг постод “ПФАЙЗЕР ВАКЦИНЫ ДАРААХ ҮХЭЛ ЯПОНД 751 ХҮРЛЭЭ. Монголд синофарм (вероселл) тэргүүтэй вакцины дараа 782 хүн нас барлаа. Японд вакцин тариулснаас болж нас барсан хүний тоо 751 боллоо. Вакцин тариулаад эхний 7 хоногтоо нас барсан хүний тоо […]

УИХ-ын гишүүн С.Ганбаатар иргэдтэй уулзах үеэрээ уран олборлолтын талаар “Ураныг боль гэж хэлэхээс илүү энэ аюултай, уран газрын хэвлий рүү хор шахахад дараа нь тэндээс үүл босоод ууршаад, тэр үүл нь нүүж ирээд энд буухад энд байгаа ургамлуудыг бүгдийг нь байхгүй болгох уу гэдгийг судалгаагаар гаргаж ир. Үгүй гэвэл баталгаагаа өг. Уран, янз бүрийн улс […]

Bolormaa Bat-ulzii гэх фэйсбүүк хэрэглэгч “ЭНЭ КОВИДЫН ТАХЛЫГ ХҮН УДИРДДАГ” гэсэн гарчигтай нэгэн постыг 2021.12.15-ны өдөр оруулжээ. Уг постод ЭНЭ КОВИДЫН ТАХЛЫГ ХҮН УДИРДДАГ, гэрээсээ удирдаад, хаашаа, яаж явахыг төлөвлөөд сууж байдгыг та мэдэх үү? Тэр хүн бол Билл Гейтс. Микрософтын үүсгэн байгуулагчдын нэг, хэмжээгүй баян тэрбумтан. Шүтлэг сатанизм ба өөрөө өөрийгөө дээдлэх үзэл. Еугеник(цөөн […]

Австрали улсад тамхины сав баглаан дээр цусны бүлэгнэлтийн талаар шинэ анхааруулга нэмэгдсэн нь КОВИД-19-ийн эсрэг вакцинтай холбоотой гэх мэдээлэл олон нийтийн сүлжээнд тархжээ. Энэ тухай нягталж өгөх хүсэлт ирсний дагуу нягталлаа. Factcheck: Ийм агуулгатай пост олон нийтийн сүлжээгээр маш их явсан тул AFP агентлагийн баримтыг нягтлагчид мэдээллийг шалгаж, олон нийтэд хүргэжээ. Тухайлбал, доорх ширгээг 2000 […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх