Үзэл бодлыг үнэн, худал гэж дүгнэдэггүй

Товч агуулга

  • Үзэл бодлыг нягтлах боломжгүй.
  • Төрийн байгууллагууд өөрийнх нь талаар гарсан мэдээллийг үнэн, худал гэж үнэлж, дүгнэх нь зохимжгүй.
  • Баримтыг хөндлөнгийн байгууллага ёс зүйн дүрэм, журмын хүрээнд нягталдаг.

Иргэн Ч.Лодойсамбуу “Хар тамхины бизнес бол цагдаагийн тусламжгүйгээр газар авахгүй л гэж боддог” гэсэн пост нийтэлснийг нь Цагдаагийн Ерөнхий Газрын Хэвлэл мэдээллийн сайтаар “Худал мэдээлэл” гэсэн тамга тавиад “🛑 Залруулга: Олон нийтийн цахим сүлжээнд “Ч. Лодойсамбуу” гэх хаягаас хуулиар хүлээсэн чиг үүргээ хэрэгжүүлж буй байгууллага, алба хаагчдын нэр төр, алдар хүндэд харшлах ташаа мэдээлэл нийтэлж байгааг үүгээр залруулж байна” гэсэн пост гаргажээ.

Өөрөөр хэлбэл, ЦЕГ иргэний үзэл бодлыг нэр хүндэд халдсан, ташаа мэдээлэл тараасан гэж дүгнэн залруулжээ. Гэвч үзэл бодлыг нягтлах ямар ч боломж байхгүй. Зөвхөн БАРИМТыг л нягталдаг. Тэр тусмаа сонирхлын бүлэг буюу тухайн иргэний постод дурдагдсан төрийн байгууллага өөрийнхөө талаарх иргэний бодлыг “Худал”, “Үнэн” гэж дүгнэх боломжгүй. Тийм ч учраас олон улсад төрийн байгууллагууд өөрийнх нь талаар гарсан мэдээллийг үнэн, худал гэж үнэлж дүгнэдэггүй, хөндлөнгийн байгууллагууд ёс зүйн зарчим, дүрмийн хүрээнд нягталдаг.

Яагаад болохгүй вэ?

Олон улсад баримтыг нягталдаг хөндлөнгийн баг, мэргэжлийн редакц ажилладаг. Баримт нягтлагчид олон улсад дагаж мөрддөг ёс дүйн дүрэм журамтай. Үүнийг олон улсын анхны баримтыг нягтлагч талбар болох Poynter институт боловсруулан гаргаж, мөрдүүлж байна.

Мөн олон улсад төрийн байгууллагууд өөрийнх нь талаар гарсан аливаа мэдээллийг үнэн, худал гэж үнэлдэггүй, тухайн мэдээлэл дэх баримтыг дээр дурдсанчлан баримт нягтлагчид нягталдаг.

Юуг нягталдаг вэ?

Мэдээ бол хэн, юу, хэзээ, хаана, яагаад, хэрхэн болсныг БАРИМТаар тайлбарладаг.
Баримт гэж нотлогдож буй бүх зүйлийг хэлдэг.
Хэрвээ нотлогдох боломжгүй зүйл бол тэр бүгд ҮЗЭЛ БОДОЛ.

Жишээлбэл, тухайн бичвэрт зөв, буруугийн талаарх байр суурь илэрхийлсэн, эсвэл дүгнэсэн, таамагласан зэрэг зүйлс байвал тэр бол ҮЗЭЛ БОДОЛ!

Тэгвэл хуурамч мэдээлэл гэж юу вэ?

Хуурамч мэдээлэл гэдгийг товчоор хэлбэл хэсэгчилсэн үнэний зарчмыг ашиглах буюу тодорхой зорилгоор зарим үнэнийг түүвэрлэн авч, бусад худал мэдээлэл, баталгаажаагүй баримттай нэгтгэн олон нийтэд зориудаар түгээх байдлаар илэрдэг.

Нийтлэг тактик нь бодит үнэнийг хуурамч дүгнэлт, худал хуурмагтай хольдог. Харин мэргэжлийн түвшинд олон улсад тухайн мэдээллийг хор уршгаас нь шалтгаалан ташаа, хуурамч, гуйвуулсан зэрэг хэд хэд ангилдаг.

Өөрөөр хэлбэл, Монгол Улсад л төрийн байгууллага өөрийнх нь талаар бичсэн үзэл бодлыг ийнхүү үнэлж, олон нийтийг ТӨӨРӨГДҮҮЛЖ байна.

Төстэй мэдээлэл

Урьд шөнө хичээнгүйлэн бэлдсэн цэцэгс гэх зураг Монголд биш Arslan.mn сайтын албан ёсны фэйсбүүк хуудаст 2022 оны 9-р сарын 2-ны өдөр “Урьд шөнө хичээнгүйлэн бэлдсэн цэцэгс“ гэсэн тайлбар бүхий хогийн саванд хийсэн баглаатай цэцэгсийн зургийг оруулжээ. Уг постод 10 цагийн дотор 1100 хүн хариу үйлдэл үзүүлсний 515 нь уйлж буй, 205 нь ууртай эможи дарсан […]

Товч агуулга Урьдчилсан тайлангууд нь мэргэжлийн шинжээчдээр хянагдаж, баталгаажуулаагүй ба хэвлэл мэдээллийн хэрэгслээр батлагдсан мэдээлэл болгон нийтлэх ёсгүйг анхааруулжээ. Иш татсан судалгаанд насанд хүрэгчдэд зориулсан нэмэлт тун бүхий вакцин нь КОВИД-19-өөс хамгаалах нөхцөлийг хангасан гэжээ. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. Аль ч вакцин хорт хавдар үүсгэх, өдөөх үндэслэл, нотолгоо […]

УИХ-ын гишүүн Г.Мөнхцэцэг Баасан гарагийн чуулганы хуралдааны үеэр монгол хэл дэлхий дахинд мөхөж байгаа таван хэлний нэгд багтаж байгаа тул Эх хэлний тухай хуульд шинэчлэл хийх шаардлагатай байна гэж хэлсэн юм. Түүний хэлсэн энэхүү мэдээллийг бид нягталлаа. Дэлхийн 195 улсад 7,000 орчим хэлээр хүмүүс харилцаж, ярьж байна. Түүнээс 20 хэлээр нь зөвхөн ганц хүн ярьж […]

Коронавирусийн эсрэг вакцины талаар үнэн, худал янз бүрийн мэдээлэл олон нийтийн сүлжээгээр тархсаар байна. Энэ тухай мэдээллийг баталгаатай эх сурвалжаас авч, нягталж байхыг уншигчдадаа FactCheck.mn зөвлөж, зарим мэдээллийг нягтлан хүргэсээр байна. АНУ-ын Халдварт өвчнийг хянах, урьдчилан сэргийлэх төвөөс олон нийтийн дунд эргэлзээ төрүүлсэн мэдээллүүдийг нягтлан гаргасныг бид энэ удаа хүргэж байна. COVID-19-ийн эсрэг вакцинаас халдвар […]

Tserenkhuu Ishtseden хэмээн фэйсбүүк хэрэглэгч “ДЭМБ Vero Cell вакциныг “зөвшөөрлөө бүртгэж авлаа гэнээ” гэсэн мэдээ цуурхал шүү! Гагцхүү онцгой нөхцөлд хэрэглэж болно, гэхдээ үр дүнгийн мэдээлэлд экспертизын групп итгэхгүй байгаа гэж Гебрейесус хэлсэн” гэсэн постыг тавдугаар сарын 8-ны өдөр нийтэлжээ. Уг постыг 213 хүн цааш түгээж, 139 хүн сэтгэгдэл бичиж, 532 хүн лайк дарсан байна. […]

Tsegts.xyz гэх сайт “С.Амарсайхан: Бусад улсуудад 4-р тунд

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх