Биггрийн лайт ХХК: Манай компани хотын даргад ямар ч халуун хэмжигч зараагүй, бид зөвхөн цэвэр ус л үйлдвэрлэдэг

admin
2020-12-02

Нийслэлийн Засаг дарга Д.Сумьяабазар “Миний өрөөний үүдэнд тавьсан халуун хэмжигчийг би хувийнхаа мөнгөөр худалдан авсан” хэмээн зарлаж, “Биггрийн лайт” ХХК-иас тамга тэмдэгтэй 5,000,000 төгрөгийн баримтыг олон нийтэд дэлгэсэн.

Хотын даргын уг мэдээлэл үнэн эсэхийг нягталж “Биггрийн лайт” ХХК-тай 969920** утсаар холбогдон тодруулахад “Манай компани “Эко” нэртэй цэвэр ус болон “ICE” нэрийн баллонтой цэвэр усыг үйлдвэрлэж, түгээх үйл ажиллагааг л явуулдаг. Металл илрүүлэгч болон халуун хэмжигч огт зардаггүй. Тийм үйл ажиллагаа явуулдаггүй. Хотын даргад ямар ч халуун хэмжигч зараагүй” гэх эрс үгүйсгэсэн тайлбар өглөө.

Бид хотын даргын жиргээнд ямар нэгэн эндүүрэл гарсан байж болзошгүй хэмээн үзэж, нягтлах үүднээс Д.Сумьяабазарын 991108** дугаарын утас руу залгахад холбогдох боломжгүй байлаа. Тиймээс түүний хэвлэлийн төлөөлөгчөөр ажиллаж байгаад өдгөө зөвлөх нь болсон М.Мөнхчимэгтэй утсаар холбогдож “Нийслэлийн Засаг дарга өрөөнийхөө үүдэнд тавьсан халуун хэмжигчийг хувийнхаа мөнгөөр таван сая төгрөгөөр худалдан авсан гэж өчигдөр жиргэсэн. Энэ мэдээлэл нь үнэн үү” хэмээн нягтлахад “Үнэн шүү дээ. Өөрөө баримтыг нь хүртэл гаргаж тавьсан байгаа биз” хэмээн хариулав.

Тэгэхээр хотын дарга маань хувийнхаа мөнгөөр, бүр таван сая төгрөгөөр халуун хэмжигчийг “Биггрийн лайт” ХХК-аас худалдан авсан гэх мэдээлэл мэт ор үндэсгүй худал зүйл болж таарлаа. Тэрбээр хоёр ч хонохгүй баригдах зүйл дээр яагаад худлаа ярьсан нь анхаарал татаж байна.

Харин Нийслэлийн Засаг даргын үүдэнд тавигдсан метал илрүүлэгч, халуун хэмжигч төхөөрөмжийн талаар судлан үзэхэд “Тухайн бүтээгдэхүүн нь БНХАУ-ын Донггуан хотод төвтэй, биометр баталгаажуулалтын дэвшилтэт технологийн бараа бүтээгдэхүүнийг дагнан үйлдвэрлэдэг ZKTeco гэх компанийн үйлдвэрлэсэн Walk Through Metal Detector ZK-D3180S серийн бараа бүтээгдэхүүн” болох нь тогтоогдлоо. Уг бүтээгдэхүүн тоо ширхэгээсээ хамаараад 850-1000 ам.доллараар худалдаалагддаг байна.

Нягталсан: С.Будрагчаа (livetv.mn)

Төстэй мэдээлэл

Худал

Монголд байсан Германы уулын цэргийн ангид корона вируст халдвар гарсан гэх мэдээлэл ХУДАЛ

2020 оны 11 дүгээр сарын 20-ны 20:15 цагт шинэчлэв. Герман цэргээс корона вируст халдвар илэрсэн хэмээх мэдээллийг бид нягтлан ХУДАЛ тухай бид мэдээлсэн билээ. Тэгвэл isee.mn мэдээллийн сайт дараах мэдээллийг түгээв. Ингэхдээ Герман цэргээс корона вирус илэрсэн гээд, өчигдөр буюу 19-ний өглөөний 08:00 цагаас Улаанбаатар-Франкфурт чиглэлийн 118 иргэнийг Улаанбаатар хотоос тээвэрлэсэн гэх баримтыг дурджээ. Энэхүү […]

Худал

БНСУ…Хятад вакцин тариулсан бол улс орондоо оруулахгүй – ХУДАЛ

admin
2021-05-03
Ковид-19

“БНСУ…Хятад вакцин тариулсан бол улс орондоо оруулахгүй” гэсэн постыг Soogii Soogii гэх фэйсбүүк хаяг нийтлэжээ. Уг постыг өнгөрсөн 4 хоногийн хугацаанд 339 хүн шэйрлэж, 116 хүн сэтгэгдэл бичиж, 95 хүн лайк дарсан байна. Уг мэдээллийг нягталлаа. Factcheck: ХУДАЛ Коронавирусийн цар тахалтай холбоотойгоор Өмнөд Солонгос улсын иргэдийг нэвтрүүлэхийг хориглосон орнуудтай БНСУ харилцан визгүй зорчих хөтөлбөрөө зогсоосон […]

Ташаа

Вакцин хүүхдийн унаган дархлааг сүйрүүлнэ – ТАШАА

Цолмонбаатар Тамир
2025-01-15

Товч агуулга “Илүү тун хийх тусам… вакцин хийлгээгүй хүмүүстэй харьцуулахад ХАЛДВАР, ӨВЧИН, ҮХЛИЙН ЭРСДЭЛ ӨНДӨР байна. Хүүхдийн унаган дархлааг сүйрүүлнэ, хүүхдэд яагаад ч хийлгэж болохгүй” гэдгийг сануулсаар байгаа” гэсэн агуулгыг нягталж өгөх хүсэлт ирсний дагуу нягталлаа. Factcheck: Хүний биеийн дархлаа нь төрөлхийн ба олдмол гэж ангилагддаг ба аль аль нь хүнийг амьдралынх нь туршид өвчин […]

Нотлогдоогүй

“Хүмүүс гэнэт нас барсан нь КОВИД-ын вакцинаас болсон” – НОТЛОГДООГҮЙ

Товч агуулга Судалгааны үеэрх миокардит өвчний тохиолдлууд нь COVID-19 вакцинаас шалтгаалсан гэсэн баттай баримт, тодорхой нотолгоо байхгүй. Миокардитаар нас барсан гэж мэдээлсэн өвчтөнүүдийн уушгины болон судасны шинж тэмдгүүд нь зарим тохиолдолд атеросклероз, уушгины бөглөрөлтэй ижил шинж тэмдэгтэй байсан. Вакцин хийлгэснээс үүдэлтэй зүрхний эрсдэл нь COVID-19-ийн халдвар туссанаас бага байна. Цэнд-Аюуш Гүнбилиг гэх фэйсбүүк хэрэглэгч 2022.12.10-ны […]

Цахим орчинд шуугисан зураг – Монгол биш, бас жинхэнэ биш!

Э. Болор-Од
2020-03-25

”Сэлэнгэ аймгийн Мандал суманд орших Хатан хайрхан. Эр хүн гарч болдгүй гэжийлээ шүү. Хиймэл дагуулаас авсан зураг болно. Яг хажуу дэргэдээс нь харвал энгийн л нэг том хайрхан. Эрт дээр үеэс Хатан хайрхан гэж нэрлэж ирсэн нь ч учиртай байх. Ер нь бол Ноён уулын салбарлаж гарсан” гэсэн тайлбартай уг зураг сүүлийн өдрүүдэд цахим орчинд […]

Худал

Газар хөдлөлтөөс болж тааз нь нурсан гэх зураг – ХУДАЛ

2021 оны гуравдугаар сарын 23-ны өдрийн 22:46 цагт Говьсүмбэр аймагт болсон 5.5 магнитудын газар хөдлөлтийн чичирхийлэл Улаанбаатарт мэдрэгдсэн. Уг үйл явдалтай холбоотойгоор иргэд гэр дотор байсан зүйлсийн байршил өөрчлөгдсөн, гэрлийн бүрхүүл хөдөлсөн, орноосоо унасан талаар цахим орчинд мэдээлж байгаа юм. Тэгвэл өчигдөр фэйсбүүкт Нандин Нандин нэртэй хэрэглэгч тааз нурсан зургийг оруулан “Ёоооох нүүхгүй бол үхэж […]

Өөр мэдээ олдсонгүй.