Нүүр хуудас Нягталсан мэдээлэл Ковид-19 Вакцин унаган дархлааг дарангуйлж өвчинд өртөмхий болгодог-ХУДАЛ

|

Вакцин унаган дархлааг дарангуйлж өвчинд өртөмхий болгодог-ХУДАЛ

Emch Bayasgalan гэх фэйсбүүк хаягаас есдүгээр сарын 10-нд КОВИД-ын эсрэг хийгдэж байгаа вакцинууд унаган дархлааг унагадаг гэх агуулгатай пост оруулжээ. Үүнийг 326 хүн шэйрлэж, 312 хүн лайк даржээ.

Цар тахлын энэ үед аливаа мэдээллийг мэргэжлийн, баттай эх сурвалжаас авах нь таныг эрүүл мэндээ эрсдэлд учруулахаас сэргийлнэ. Тиймээс авч байгаа мэдээллээ нягталж байхыг Factcheck.mn сануулсаар байгаа билээ.

Уг постод дурдагдсан агуулгыг нягталлаа.


“Ковидын эсрэг гэж хийгдэж буй эдгээр вакцинууд нь туршилтын загварууд бөгөөд үүнийг хийлгэж болохгүй байлаа, болохгүй гэж хэлж ч байлаа”.

Factcheck:

Өнөөдрийн байдлаар дэлхийн улс орнууд таван улсын найман вакциныг Ковид-19 өвчний дархлаажуулалтанд ашиглаж байна. Эдгээр вакциныг хөгжүүлэгчид вакцины судалгааны нэг ч үе шатыг алгасаагүй бөгөөд олон арван мянган хүнд хийсэн эмнэлзүйн (клиник) судалгаагаар үр дүн нь баталгаажсан учраас олон улсын мэргэжлийн байгууллагаас хэрэглэх зөвшөөрлийг авдаг байна.

Вакцины судалгаа нь эмнэлзүйн өмнөх ба эмнэлзүйн гэсэн үндсэн 2 хэсгээс тогтох ба эмнэлзүйн судалгааны хэсэг нь дотроо 4 үе шатаас тогтдог байна. Манай оронд хэрэглэж байгаа Ковидын вакцины хувьд Pfizer болон AstraZeneca үйлдвэрлэгчийн вакцин эмнэлзүйн судалгааны сүүлийн буюу 4 дүгээр үе шатанд, харин Синофарм болон Спутник вакцин эмнэлзүйн судалгааны 3 дугаар үе шатанд явж байна.

Олон оронд нөхцөл байдал хүнд, нас баралтын тоо өндөр байсантай холбоотой Ковид-19 вакцины судалгааны үр дүнг богино хугацаанд цуглуулж, шинжлэх ухааны нотолгоонд суурилан, олон улсад хэрэглэх зөвшөөрлийг мэргэжлийн байгууллагууд олгоод байна.


“Энэ нь хүний унаган дархлааг маш их дарангуйлж, эвдэж, эсрэгээрээ өвчинд өртөмхий, тамир муутай болсноор харин ч маш амарханаар элдэв ханиад, хатгаа тусч байна. Унаган дархлааг нь эвдсэнээс болж, ханиадыг даван туулах чадвар, эм тарианы нөлөөг ч маш сулруулсанаар, шууд хүчтэй антибиотек хэрэглэж байна”.

Factcheck:

Хүний биеийн дархлаа нь төрөлхийн ба олдмол гэж ангилагддаг ба аль аль нь хүнийг амьдралынх нь туршид өвчин эмгэгээс хамгаалахад оролцож байдаг. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй.

Төрөлхийн дархлаанд арьс салстын хамгаалах тогтолцоо, цусны цагаан эсүүд, цусны ийлдсэнд агуулагдах хавсарга гэж нэрлэгдэх дархлааны уураг зэрэг хамаарах ба эдгээр хүчин зүйлс нь вакцины нөлөөгөөр ямар нэг өөрчлөлтөнд орох тухай ойлголт байхгүй, үндэслэлгүй юм. COVID-19 вакцинаар тогтсон дархлаа нь өвдсөнөөс илүү найдвартай, аюулгүй хамгаалалт болдгийг судалгааны үр дүнгээр тогтоосон.


“Вакцин хийлгээгүй нь харин ч унаган дархлаа нь эвдрээгүй тул дийлэнх нь эм засал авахдаа ч хялбар, архаг хууч хөдөлсөн ч хүндрэл багатай байна”.

Factcheck:

Жон Хопкинсын их сургуулийн мэдээллээр 2021 оны 9 дугаар сарын 2-ны өдрийн байдлаар 100 мянган хүн амд ногдох Ковид-19 халдварын шалтгаант нас баралтын түвшнээр Перу улс хамгийн өндөр үзүүлэлттэй байгаа бол манай улс 103 дугаарт эрэмбэлэгдэж байна.

Монгол улсын тухайд 2021 оны наймдугаар сарын 31-ний байдлаар халдвараар нас барсан иргэдийн 47.3% нь огт вакцин хийлгээгүй бол 21.6% нь зөвхөн эхний тундаа хамрагдсан байжээ.

Тухайн иргэдийн 63.2% нь амьсгалын эрхтэн тогтолцооны, 18.3% нь зүрх судасны тогтолцооны суурь өвчтэй байсан гэсэн судалгааг ХӨСҮТ, ҮСХ гаргаад буй.


“Вакцины эдгээр туршилтын загваруудыг  хийлгэвэл Ковид арай хөнгөн тусна гэдэг маш буруу худлаа ойлголт шүү.

Өвчтөнгүүдийг ажиглан, шинжилж эмчилж байхад дийлэнхдээ, эдгээрийг шахуулсан иргэд ханиад тусах үед яалт ч үгүй хүнд тусч байна. …”настай хүн ханиад тусах муу, тамираа бардаг учир хянамгай байх хэрэгтэй ” гэж эртнээс л яригддаг байсан. Вакын эдгээр туршилтын загваруудыг шахуулчихаар бүр ч яаж өөдтэй байхав, бүр л тамир нь барагдаж, өвчинд өртөмхий, бас архаг хууч нь хүндэрч байна”.

Factcheck:

Олон улсын мэргэжлийн байгууллага, эрдэмтэд хамтран ажилласны үр дүнд богино хугацаанд, үр дүнтэй нь баталгаажсан КОВИД-ын вакциныг гарган авч олон мянган хүнийг өвчний хүндрэл ба нас баралтаас сэргийлж байна.

COVID-19 вакцинаар тогтсон дархлаа нь өвдсөнөөс илүү найдвартай хамгаалалт болж, өвчний хүндрэл, нас баралтаас өндөр хувьтай сэргийлж байгаа шинжлэх ухааны нотолгоо мэргэжлийн өндөр чансаатай сэтгүүлд хэвлэгдэн гарсаар байна.

Монгол Улсад хамгийн их тунгаар ашигласан БНХАУ-ын Синофарм үйлдвэрийн вакцин л гэхэд нас баралт, хүндрэлээс 92 хувьтай хамгаалсан болохыг ХӨСҮТ-ийн судалгаагаар тогтоогоод байна.

Хэрэв вакцинжуулалтыг хийж чадаагүй бол долдугаар сарын эхэн гэхэд 15 мянга орчим хүн нас барах тооцоо гарч байв.

Тиймээс дээрх пост нь бүхэлдээ иргэдийг төөрөгдүүлсэн, ХУДАЛ агуулга байна.

Эх сурвалжууд:

https://www.who.int/publications/m/item/draft-landscape-of-covid-19-candidate-vaccines

https://www.usatoday.com/story/news/factcheck/2021/08/05/fact-check-6-persistent-covid-19-vaccine-misconceptions-online/5489437001/

https://coronavirus.jhu.edu/data/mortality

https://1212.mn/BookLibraryDownload.ashx?url=2021%20VIII%20rev.pdf&ln=Mn

НҮБ-ын Хүүхдийн Сангийн дэмжлэгтэйгээр, АШУҮИС-ийн Дархлаа судлалын тэнхмийн ахлах багш, эмнэл зүйн дархлаа судлаач эмч, АУ-ы доктор Т.Хонгорзултай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
 

Төстэй мэдээ

FACTCHECK: Шадар сайдын “Мэдээллийн урсгал”-аар өгсөн ХУДАЛ МЭДЭЭЛЛҮҮД

Шадар сайд, УОК-ын дарга С.Амарсайхан дөрөвдүгээр сарын 27-ны өдөр найман телевизээр зэрэг цацагдсан "Мэдээллийн урсгал" нэвтрүүлэгт оролцох үеэрээ сэтгүүлчдийн асуултад хариулсан.  Түүний хэлсэн хариултуудыг нягталлаа. “Цаашдаа...

Вакцинжуулалт бол дархлаажуулалт биш халдваржуулалт мөн – ХУДАЛ

Tserenkhuu Ishtseden фэйсбүүк хаягнаас "Вакцинжуулалт бол дархлаажуулалт биш халдваржуулалт мөн" гэсэн пост оруулсныг 260 хүн хуваалцаж, 89 хүн сэтгэгдэл бичиж, 762 хүн хариу үйлдэл...

МАН-ын ланд АН-ын фургоныг чирж буй зураг 2016 оных

Цахим орчинд “Зүдэрсэн нэгнээ татаж хүчээ нэгтгэе” гэсэн тайлбар бүхий МАН-ын тугийг залсан Тоёота ланд круйзер маркийн автомашин Фургон автомашиныг татан гол гаргаж буй...

Л.Энх-Амгалан: 2019 онд зам тээврийн ослоор 25,000 хүн амь насаа алдаж, тахир дутуу болсон -ХУДАЛ

УИХ-ын чуулганы өнөөдрийн хуралдаанаар ХЭҮК-ын гишүүдийг томилох тухай хэлэлцэх үеэр УИХ-ын гишүүн Л.Энх-Амгалан зарим тоо баримтыг дурдаж, нэр дэвшсэн комиссын гишүүдийн байр суурийг сонссон...

Корона гэгч тахал дэлхий дахинаа гарлаа гэсэн нь ЖҮЖИГ биш

Tseren Ichinhorloo хэмээх фэйсбүүк хэрэглэгч коронавирусийн талаар дараах постыг оруулсан нь маш олон хүний хандалтыг авчээ. Долдугаар сарын 14-нд нийтэлсэн уг постыг 253 хүн...

Хандив өгөх

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно. 

Биднийг дэмжсэн танд маш их баярлалаа.

FACTCHECK апп суулгах заавар

Та FACTCHECK сайтын PWA аппыг суулгахын тулд товчийг дарж дараа нь ‘Add to Home Screen’ товчийг дарна уу.

Та FACTCHECK сайтын PWA аппыг суулгахын тулд ‘Суулгах’ товчийг дарна уу.
Суулгах
Та FACTCHECK сайтын PWA аппыг суулгахын тулд товчийг дарж дараа нь ‘Install’ товчийг дарна уу.
Та FACTCHECK сайтын PWA аппыг суулгахын тулд SAFARI ICON товчийг дарж дараа нь ‘Add to Home Screen’ товчийг дарна уу.
Та FACTCHECK сайтын PWA аппыг суулгахын тулд вэб хөтчийнхөө ‘Add to Home Screen’ товчийг дарна уу.
Та FACTCHECK сайтын PWA аппыг суулгахын тулд холбоос оруулдаг нүдний баруун талд байгаа тэмдэг дээр дарж ‘Install’ товчийг дарж суулгана уу.
Одоогоор FACTCHECK сайтын PWA апп нь таны вэб хөтөч дээр суулгах боломжгүй байна. Та дараах хөтчийг татаж суулгаад манай PWA аппыг суулгах боломжтой:

Та дараах маягтыг бөглөж бидэнтэй холбоо барина уу:

FACTCHECK нягталсан мэдээлэлдээ үнэлгээг хэрхэн хийдэг вэ?

Нягтлуулах, хуурамч мэдээлэл илгээх

Та хаа нэгтээ эргэлзээтэй мэдээлэлтэй таарсан уу? Ялангуяа олны танил, улс төрчдийн хэлсэн эргэлзээтэй мэдээлэл унгиж эсвэл сонссон уу? Бидэнд нягтлуулах мэдээллээ илгээгээрэй!

Мэдээлэл илгээхдээ тухайн мэдээллийг олж уншсан эх сурвалжийн линк (url) болон огноог бичнэ үү.

Бид таны имэйл хаягыг мэдээллийг нягтлан шалгах зорилгоор тантай холбоо барихаас бусад зорилгоор ашиглахгүй болно.