Вакцин эсэргүүцэгчид ба Оросын дайныг дэмжигчид

Өнгөрсөн нэг жилийн хугацаанд Монголын цахим орчинд ОХУ, Украин улсын хооронд болсон дайны тухай ямар мэдээллүүд гарч, олон нийт ямар хариу үйлдэл үзүүлсэн талаар хуурамч мэдээллийн эсрэг Монголын анхны талбар FactCheck.mn цоо шинэ мониторинг хийсэн юм.

Монголчууд фэйсбүүкт дайны талаар эх сурвалжгүй мэдээллийг түлхүү тараасан, Дайны талаарх дүн шинжилгээ бүхий мэдээлэл цахим орчинд ховор байгаа тухай мониторингийн үр дүнгийн талаар хоёр нийтлэлийг өмнө нь хүргэсэн.

Энэ удаад хуурамч, олон нийтийг төөрөгдүүлсэн мэдээллийг түгээж байгаа фэйсбүүк хэрэглэгчид дээр ажиглагдсан нэгэн сонирхолтой үр дүнг танилцуулж байна.

Дэлхийн нийтээр КОВИД-19 цар тахал үргэлжилсэн 2020-2022 онд цахим орчинд вакцины талаар маш олон мэдээлэл тархсан. Энэ дунд олон нийтийг төөрөгдүүлсэн ташаа мэдээлэл маш ихээр тарсныг Factcheck.mn нягталж, шинжлэх ухаанд суурилсан бодитой мэдээллийг тухай бүрд нь хүргэж ирсэн. Энэ явцад вакцины талаар хамгийн их хуурамч мэдээлэл түгээсэн фэйсбүүк хэрэглэгчдийг эрэмбэлбэл

  • Tserenkhuu Ishtseden
  • Zanaa Jurmed
  • Khulan Ruchira
  • Batchuluun Natsagdorj
  • Khulan Gankhuyag
  • Zorigtbaatar Nergui
  • Гоо Гоо
  • Bachi Nyangar
  • Bolormaa Bat-ulzii
  • Yuna Yuna

гэсэн 10 хүн нэрлэгдсэн юм. (Нягталсан мэдээллүүдийг Facycheck.mn сайтаас нөхөж унших боломжтой)

Эдгээр фэйсбүүк хэрэглэгч нь бүх вакцин хортой, вакцин хийлгэвэл аюултай гэсэн агуулгыг маш ихээр түгээж байсан ч ОХУ-ын Спутник вакциныг эсэргүүцэж байгаагүй. Түүнчлэн вакцин хортой гэсэн агуулгууддаа ихэвчлэн Оросын мэдээллийг ахдагч эх сурвалж болгон ашиглаж байв.

Тэгвэл 2022 оны хоёрдугаар сарын 24-нд ОХУ-ын зэвсэгт хүчин Украин улсыг цэрэггүйжүүлэх нэрийдлээр тус улс руу зэвсэгт хүчнээ илгээж, өнөөг хүртэл үргэлжилж байгаа дайныг эхлүүлснээс хойш дээрх фэйсбүүк хэрэглэгчдийн тал хувь нь Оросын тал болон тус улсын ерөнхийлөгч В.Путинийг дэмжиж, Украиныг буруутгасан, шашны агуулга бүхий байр суурь, мэдээллийг түгээж эхэлсэн нь сонирхол татсан юм. Үүнд

  • Tserenkhuu Ishtseden
  • Bachi Nyangar
  • Bolorma Bat-ulzii
  • Zorigtbaatar Nergui Borjigon
  • Yuna Yuna
  • нар багтаж байгаа юм.

Ялангуяа барууны гэх Пфайзер зэрэг вакцинуудыг онилж эсэргүүцэж байсан дээрх хэрэглэгчид дайны үед мөн Оросын талыг дэмжиж цахим орчинд пост оруулсан бөгөөд маш олон хүнд хүрчээ. Фэйсбүүк постуудын хариу үйлдлүүдийг харвал дийлэнх нь дэмжсэн хандлагатай байв. Гэвч анхаарууштай нь дээрх хэрэглэгчдийн түгээсэн мэдээллийн багагүй нь хуурамч болон батлагдаагүй мэдээллүүд түлхүү байсан юм.

Орос Украины дайн дэлхийг дахин хувааж буй хэмээн олон улсын мэргэжилтнүүд дүгнэж байгаа энэ цаг үед мэдээллийн дайн ч хүчтэй өрнөж байна. Тиймээс манай улсын иргэдийн хувьд ч аливаа мэдээлэлд шүлтүүртэйгээр хандан, тал талын эх сурвалжаар баталгаажсан тэнцвэртэй мэдээллээс бусдад итгэхдээ хянуур байх хэрэгцээ шаардлага улам нэмэгдэж буйг хуурамч мэдээллийн эсрэг FactCheck.mn дахин сануулж байна.

Төстэй мэдээлэл

Товч агуулга Ертөнцийн сонин хачин, элдэв мэдээ мэдээлэл гэсэн нэр бүхий фэйсбүүк хуудаст ­­­­2023 оны гуравдугаар сарын 4-ний өдөр “АЗОВЧУУД ДАЙНЫ ХУУЛЬ ЗӨРЧДӨГ ЗЭРЛЭГ ГЭМТ ХЭРЭГТНҮҮД (#нацистууд)” гэсэн гарчиг бүхий мэдээллийг оруулжээ. Тус групп нь 100 мянган гишүүнтэй бөгөөд дээрх постыг нягтлах хүсэлт ирсний дагуу нягталлаа. Уг постод, “Саяхан Украйнд эмнэлгийн багаж төхөөрөмж өгч туслаад […]

ОХУ-аас Украин руу “Цэргийн тусгай ажиллагаа” хэмээн эхлүүлсэн түрэмгийлэл дайн болон өргөжиж, өнөөдрийг хүртэл үргэлжилж байна.  2014 оноос хойш Улбар шар хувьсгал, Крымийн асуудал, Донбасс дахь зэвсэгт мөргөлдөөн зэрэг олон удаагийн зөрчлөөс үүдэлтэй гэх энэхүү дайн цар хүрээгээрээ 1945 оноос хойш Европ тивд тохиолдож буй хамгийн том зэвсэгт мөргөлдөөнөөр нэрлэгдэж буй. Дайн зөвхөн фронтын шугам, […]

Мэдээллийн дайн гэдэг ямар хүчтэй болохыг хоёр жил хагас орчим үргэлжилж байгаа ОХУ-ын эхлүүлсэн дайн мэдрүүлж буй. Ялангуяа, монголчуудад мэдээллийн боловсрол огт байхгүй гэж шуудхан хэлж болохоор байгаагаас гадна Оросын пропагандад амархан автдаг, Оросыг дэмжиж, Агуу Орос гэсэн үзэл тээсээр явааг сошиал орчинд хийсэн мониторинг нотлон харууллаа.  Монголын Эрэн Сурвалжлах Сурвалжлагчдын Төлөө Төв(MCIR)-өөс дайн эхэлснээс […]

Товч агуулга Номын багш нэртэй фэйсбүүк хэрэглэгч “Украйнчуудын 93 хувь нь “Дайнаа үргэлжлүүлэх ёстой, ялна” гэсэн санал өгчээ. Харин Орост “Украйны газар хэрэггүй” хөдөлгөөн өрнөв” гэсэн мэдээллийг нийтэлжээ. Уг мэдээллийг нягтлах хүсэлт ирсний дагуу шалгалаа. Factcheck: Украйнчуудын 93 хувь нь “Дайнаа үргэлжлүүлэх ёстой, ялна” гэсэн санал өгчээ 2023 оны гуравдугаар сарын 31-ний өдөр Разумков центр […]

Одоогоос яг нэг жилийн өмнө ОХУ-ын зэвсэгт хүчин Украин улсыг цэрэггүйжүүлэх нэрийдлээр тус улс руу зэвсэгт хүчнээ илгээж байв. 2022 оны хоёрдугаар сарын 24-нд ингэж эхэлсэн ОХУ-ын түрэмгийлэл, өөрсдийнх нь хэлснээр “Цэргийн тусгай ажиллагаа” гэж нэрлэж байсан ч жил гаран үргэлжилж буй дайн болон өргөжиж, өнөөдөр ч дуусаагүй байна. Монгол Улсын мөнхийн хөрш болох ОХУ-ын […]

Bayarmaa Alex Александра зеленская буюу хар тамхичин нацист зеленскийн охин украйнаас дүрвэжээ гэсэн пост оруулжээ. Уг постыг 96 хүн шэйрлэж, 300 хүн хариу үйлдэл үзүүлсний 189 нь лайк, 51 нь гайхсан, 14 нь гунигласан, 7 нь уурласан буюу дийлэнх нь итгэсэн байгаа юм. Тус постод “Польш руу гарсан охин нь хар тамхичин эцгийнхээ талаар бодит […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх