Украинд тусламж хүргэсэн франц цэргийн талаарх мэдээлэл ХУДАЛ

Товч агуулга

  • Постод ашигласан зураг 2019.08.15-ных бөгөөд дээрх франц цэргийн талаар дурдаагүй байна.
  • Франц мэргэн буудагчийн ярилцлага өгсөн талаар, мөн ном хэвлүүлсэн гэх мэдээлэл байхгүй байна.
  • www.france24.com сайтад Францаас Украиныг зорьсон сайн дурын эмч, цэргүүдийн талаарх нийтлэл дэх мэдээлэл зөрүүтэй байна.

Ертөнцийн сонин хачин, элдэв мэдээ мэдээлэл гэсэн нэр бүхий фэйсбүүк хуудаст ­­­­2023 оны гуравдугаар сарын 4-ний өдөр “АЗОВЧУУД ДАЙНЫ ХУУЛЬ ЗӨРЧДӨГ ЗЭРЛЭГ ГЭМТ ХЭРЭГТНҮҮД (#нацистууд)” гэсэн гарчиг бүхий мэдээллийг оруулжээ.

Тус групп нь 100 мянган гишүүнтэй бөгөөд дээрх постыг нягтлах хүсэлт ирсний дагуу нягталлаа.

Уг постод,

“Саяхан Украйнд эмнэлгийн багаж төхөөрөмж өгч туслаад ирсэн Францын цэрэг эрийн францын радиод өгсөн ярилцлага:

“Украйнд нүдээрээ үзсэн байдал Дэлхийн телевизээр гарч бгаа мэдээтэй огт таарахгүй бна. Францад ирээд телевизээр гаргаж бгаа украйны талаарх мэдээний 80% хувь нь худлаа байгаад дургүй маань хүрсэн.

Тэнд хаа сайгүй азовчууд байна(бараг 20 мянга гаруй) тэд андашгүй #нацистуудын тэмдгийг гартаа зүүсэн байдаг.

Тэнд Оросууд биш, Азовчууд дайны гэмт хэргийг үйлдэж байна Оросууд биш азовчууд энгийн иргэд рүү буудаж байгааг харсан. Тэгээд Оросууд хийсэн болгож азовчууд бичлэг хийдэг. Мөн Америкийн сэтгүүлч нар очоод жижигхэн газар дайн болж бгаа мэт тоглолт хийж зураг авч байгааг би харсан. Оросын олзлогдсон   цэргүүдээс азовчууд – офицер хүн бна уу гэж асуудаг. Хэрэв байвал толгой руу нь шууд бууддаг. Бусдыг нь гарыг нь хүлээд үг дуугүй өвдөг рүү нь буудаж байсан

 Цус алдахыг  хараад зогсдог 19 хөн настай залуучуудыг

Европ дайныг хуулийг зөрчиж байгаа азовчуудыг зэвсэглэж хангаж байна. 

Би энэ  үгээ батлах зөндөө видео баримт  авчирсан. Би хэлж, ярьж бгаа зүйлийнхээ хариуцлагаыг бүрэн хариуцна “гэж ярьжээ.

Энэ залууг Адриан гэдэг. Францын буудагч. Ирээд үнэнг илчилсэн ” Бос, Яв” гэсэн нэртэй ном бичсэн байна.

Жич. Дэлхийн телевизүүд #глобалистуудын  гарт байдгийг юу нэвтрүүлж хүмүүсийн тархийг яаж угаадгыг ойлгох хэрэгтэй.

(ярьсан бичлэгийг үнэнг нуун дарах гэж дайнд орсон глобалистууд шууд хааж байна. Тиймд тавьсангүй ярьсан зүйлийг орчуулж тавив)

Via Bolorma Bat-ulzii гэжээ.

Энэхүү постыг 2023 оны 2-р сарын 19-ний өдөр Нэргүй Дашзэвэг гэх хаягаас фэйсбүүкт нийтэлсэн бөгөөд эх сурвалжаар Bolormaa Bat-ulzii гэх хаягийг дурдсан байна. Постод 347 хүн лайв дарж, 343 удаа түгээжээ.

Постод ашигласан зургийг шалгаж үзвэл 2019 оны 8-р сарын 15-нд glav.su сайтад нийтэлсэн Зеленскийн зам: Гитлер хангалттай биш, Пиночет хангалтгүй … гарчиг бүхий нийтлэлд ашиглажээ. Энэ агуулгад дээрх франц цэргийн талаар дурдаагүй байна. Мөн дээрх агуулгын хүрээнд мэдээллийг англи болон франц хэлээр хайж үзсэн боловч франц мэргэн буудагчийн ярилцлага өгсөн талаар мөн ном хэвлүүлсэн гэх мэдээлэл байхгүй байна.

Харин 2022 оны гуравдугаар сарын 2-ны өдөр www.france24.com сайтад Францаас Украиныг зорьсон сайн дурын эмч, цэргүүдийн талаарх нийтлэлд Аурелейн хэмээн нэрээ нууцалсан цэргийн буцаж ирэх үгүйгээ мэдэхгүй байгаа талаар гарсан байна.

Иймд дээрх постод гарсан мэдээлэл ХУДАЛ байна.

Төстэй мэдээлэл

Фэйсбүүкийн чатаар “Хөвсгөл аймагт шинэ коронавирусийн халдвар илэрсэн, улс орон дайны байдалтай адил хэмжээний онц байдал зарлаад байна, …” гэх зэрэг агуулга бүхий эмэгтэй хүний дуут мессеж фэйсбүүкийн чатаар ихээр тархаж байна. Тэгвэл уг мэдээллийг Хөвсгөл аймгийн эрүүл мэндийн газар үгүйсгэлээ. Тэд дээрх мэдээллийг ор үндэслэлгүй худал мэдээлэл гээд иргэдийг цааш түгээхгүй байхыг хүсчээ. Түүнчлэн […]

monopolnews.com гэх сайт 2021.11.01-нд “К.о.в.и.д тусаад эдгэрсэн хүмүүс эдгээрийг хэзээ ч хийж болохгүй. ЗААВАЛ УНШ!!!” гэсэн гарчигтай мэдээлэл нийтэлжээ. Уг мэдээнд коронавирусийн халдвар аваад эдгэсэн хүмүүс дараах зүйлсийг хийж болохгүй гэж мэдээлсэн байна. Тэдгээр зөвлөгөөг нягталлаа. Идэвхтэй дасгал сургуулилт бүү хий. Бүх эмч нар уушгины хатгалгаа, коронавирусийн дараа биедээ хэт их ачаалал өгч болохгүй, хагас […]

Zorigtbaatar Nergui Borjigon гэх нэртэй фэйсбүүк хэрэглэгч БНХАУ-ын

Remdesivir эм COVID-19-ийг нэг өдрийн дотор эдгээсэн талаар фэйсбүүкт @ChinbatM гэх хаягнаас пост оруулжээ. Уг постод “Вашингтонд нэг монгол хүндрээд түргэнд хандсан. Трампад өгсөн эм хэрэглэх үү, “классик” аргаар эмчлэх үү гэсэн. Трампын эмийг сонгосон. Маргааш нь зүв зүгээр болсон. Би өөрөө ковидтой байсан болохоор энэ тухай эмчээсээ асуусан. үнэн үү гэж. Remdisivir эмийг хэрэглээд […]

Товч агуулга Номын багш нэртэй фэйсбүүк хэрэглэгч “Украйнчуудын 93 хувь нь “Дайнаа үргэлжлүүлэх ёстой, ялна” гэсэн санал өгчээ. Харин Орост “Украйны газар хэрэггүй” хөдөлгөөн өрнөв” гэсэн мэдээллийг нийтэлжээ. Уг мэдээллийг нягтлах хүсэлт ирсний дагуу шалгалаа. Factcheck: Украйнчуудын 93 хувь нь “Дайнаа үргэлжлүүлэх ёстой, ялна” гэсэн санал өгчээ 2023 оны гуравдугаар сарын 31-ний өдөр Разумков центр […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх