COVID-19 нүүрний маск нь нүүрстөрөгчийн давхар ислийн аюултай түвшинд хүргэдэг –  ХУДАЛ

Амны хаалт нь нүүрстөрөгчийн давхар ислийн аюултай түвшинг хадгалдаг гэж харуулахаар COVID-19 масктайгаар  нүүрстөрөгчийн давхар ислийн хяналтын төхөөрөмжөөр шууд амьсгалж буй эмэгтэйн видеог цахим орчинд тараажээ.

Уг видеог фэйсбүүкт 6.5к шэйрлэсэн байна.

Энэхүү мэдээллийг нягталж өгөх хүсэлт ирсний дагуу нягталлаа.

Factcheck:

Энэхүү мэдээллийг Reuters агентлаг нягталж, олон нийтэд хүргэсэн байна.

Бичлэг дээр маскандаа нүүрстөрөгчийн давхар ислийн мэдрэгч суулгаж, аюултай түвшинд хүрэхэд  дохиолол дуугарах бөгөөд нүүрстөрөгчийн давхар ислийн хэмжээ 5,000 ppm-ээс их байвал толгой өвдөх, нойрмоглох, хүчилтөрөгчийн дутагдал, тархины гэмтэл тэр ч байтугай үхэлд хүргэх аюултай талаар ярьжээ. Уг мэдрэгчийг маскан дотор барихад ppm-ийн заалт 1,895-аас огцом нэмэгдэж, 10,000 орчмыг заасан байна. “Энэ бол аюултай” хэмээн бүсгүй ярьжээ.

Харин Австралийн Күйнсландын Технологийн их сургуулийн профессор Лидиа Моравска Reuters агентлагт “Мэдээж та нүүрстөрөгчийн давхар ислээр шууд амьсгалбал амны хаалттай, хаалтгүй нягтрал нь өндөр байх тул уг туршилтыг амны хаалттай ч бай, хаалтгүй ч бай хийсэн үр дүн нь яг ижил гарна” хэмээн тайлбарласан байна. Нүүрстөрөгчийн давхар ислийн молекулууд нь ямар ч материалтай амны хаалтыг нэвтрэх хэмжээний маш жижиг болохыг АНУ-ын Халдварт өвчний хяналт сэргийлэлтийн төвийн албан ёсны цахим хуудаст тайлбарлажээ.

COVID-19 болон бусад вирустийн агаар дуслаар дамжих эрсдэлийг бууруулах зорилгоор орон сууцны барилгуудын агаарын бохирдлыг бууруулах төсөл дээр ажиллаж буй Их Британийн Ноттингемийн их сургуулийн Архитектур, Барилга орчны тэнхимийн эрдэм шинжилгээний ажилтан Крис Иддон уг бичлэгийг үзээд мөн үгүйсгэжээ.

Тэрбээр “амьсгалсан амьсгал нь ойролцоогоор 4% нүүрстөрөгчийн давхар исэл буюу 40,000 ppm-ээс бүрддэг тул CO2 мэдрэгч энэ үзүүлэлтийг харуулах нь гайхаад байх зүйл биш” гэсэн байна. Хэрэв нүүрстөрөгчийн давхар ислийг хэмжих гэж байгаа бол тухайн хүнээс 50 см зайд хэмжигч багажийг барих шаардлагатайг Их Британийн Эрүүл мэнд, аюулгүй байдлын албан тушаалтан хэлжээ.

Учир нь амьсгалж буй амьсгал нь нүүрстөрөгчийн давхар ислийг агуулдаг тул хэт ойрхон байвал мониторт эргэлзэх хэмжээнд өндөр заалт харуулж болзошгүйг анхааруулж байна.

Мөн даавуун болон нэг удаагийн гээд чөлөөтэй амьсгалах боломжтой материал бүхий маск CO2-ыг аюултай хэмжээнд хүртэл гадагшлуулахгүйгээр тогтоон барих боломжгүй. Яагаад гэвэл уг хий нь хүний амьсгалыг даган маскаар шууд нэвт гардаг.

Тиймээс дээрх мэдээлэл нь ХУДАЛ байна.

Эх сурвалжууд:

https://www.cdc.gov/coronavirus/2019-ncov/prevent-getting-sick/about-face-coverings.html?CDC_AA_refVal=https%3A%2F%2Fwww.cdc.gov%2Fcoronavirus%2F2019-ncov%2Fprevent-getting-sick%2Fcloth-face-cover-guidance.html

https://www.hse.gov.uk/coronavirus/equipment-and-machinery/air-conditioning-and-ventilation/identifying-poorly-ventilated-areas.htm

НҮБ-ын Хүүхдийн сангийн дэмжлэгтэйгээр бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Доржсэмбэ Мөнхбат нэртэй фэйсбүүк хэрэглэгч Сүхбаатар аймгийн шинэ хороолол гэнэ гэсэн бичигтэй улаан дээвэр бүхий хотхоны зургийг “Энэ шүү дээ” гэсэн тайлбартайгаар нийтэлжээ. Түүний оруулсан зурагт 25 хүн сэтгэгдэл бичиж, 146 хүн шэйрлэжээ. Хэдийгээр өөрөө комментод “Мөн ч бай биш ч бай бид үүнийг л хүсэх хэрэгтэй” хэмээн бичсэн ч шэйрлэсэн хүмүүс Монголд барьж буй […]

Шинэ коронавирусийн халдвар 5 хоногт дарагдахгүй бол ОНЦ байдал зарлаж, зэвсэгт хүчин хөдөлгөнө гэх мэдээлэл цахим орчинд түгээд байна. Уг мэдээллийг xemnel.com болон ikonnews.net гэх сайтууд гаргасан байна. Энэ мэдээллийг нягталлаа. Засгийн газар, Нийслэлийн онцгой комиссоос нийслэлд тогтоосон хөл хориог онц байдал руу шилжүүлэх талаар ямар нэг шийдвэр гараагүй бөгөөд тэг зогсолт хийх болон онц […]

Товч агуулга: Москва24 сайт 2023.02.22-нд Оростой хийсэн мөргөлдөөнд Украин аль хэдийн ялагдсан гэж АНУ мэдэгдсэн тухай мэдээлэл гаргажээ. Уг мэдээллийг Монголын цахим орчинд мөн зарим хүмүүс шэйрэлсэн байна. Энэхүү мэдээллийг нягталж өгөх хүсэлт ирсний дагуу нягталлаа. Factcheck: Москва24 сайтад нийтлэгдсэн уг мэдээний эхний хэсэг “Барууныхны өөдрөг итгэл найдварыг үл харгалзан Оростой хийсэн мөргөлдөөнд Украин ялагдах […]

Япон улс манай улсад 1.3 сая хүнд шаардлагатай вакцин нийлүүлэхээр болсон талаар Пүрэв гарагт Гадаад харилцааны яамнаас мэдээлсэн.  Уг мэдээлэлд “КОВИД-19 цар тахал болон нийгмийн эрүүл мэндийн онцгой байдлын үеийн чадавхыг бэхжүүлэхэд чиглэсэн 21.5 сая ам.долларын буцалтгүй тусламжийн энэхүү төсөл нь 2 үе шаттай хэрэгжиж, Монголын хүн амын 1.3 сая хүнд шаардлагатай тун вакциныг Япон […]

Zorigtbaatar Nergui Borjigon хэмээх Фэйсбүүк хэрэглэгч 2021 оны арванхоёрдугаар сарын 17-д дараах постыг оруулжээ. Уг постод “Хойд солонгост ковид халдвар, ковид үхэл байхгүй. Шалтгаан нь Ким бацаан маань дэлхийн мөнгөний эздийн ковакс хөтөлбөрөөр өгсөн синовак, синофарм, астразенека, файзер гэх мэт бүхий л вакцинаас нь иргэддээ нэг ч тун хийгээгүй, хог дээр хаясан байна. Цаашлаад PCR […]

Bachi Nyangar гэх фэйсбүүк хэрэглэгч наймдугаар сарын 23-нд “Сингапурын Эрүүл Мэндийн КО бол зохиомол гэдэгт бүрэн дүгнэлт хийжээ” гэх агуулгыг нийтэлсэн байна. Түүний постыг 182 хүн цааш түгээж, 174 хүн лайк даржээ. Уг постод (постыг засваргүйгээр доор оруулав): “Сингапурын Эрүүл Мэндийн Яам ДЭМБ-ийн үгэнд оролгүй КОВИД туссаад нас барсан хүнд задлан шинжилгээ хийж үзжээ. Тэд […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх