Фэйсбүүкийн шинэ эможи идэвхжүүлэхийн тулд лайк дарж, шэйр хийнэ хэмээх мэдээлэл худал цацав

Фэйсбүүк цахим хуудсанд covid19 халдвараас сэргийлэх зорилгоор “care”гэх шинэ эможи нэмэгдсэн. Үүнтэй зэрэгцэж олон нийт хэрхэн энэ эможийг өөрийн утсан дээр үүсгэх талаар асуултууд гарч эхэлсэн юм. Харин “Care emoji in the world” цахим хуудсаар дараах 3 шаардлагыг биелүүлсэн тохиолдолд эможи гарч ирнэ хэмээжээ. Үүнд: 

“1. Манай хуудсыг лайк дарах

2. Дурын 3 групп шэйр хийж, 3 найзаа меншион хийх

3. Коммент хэсэгт #care_emoji_react_on гэж бичих

4. Хамгийн сүүлд нь фэйсбүүкээ log out хийгээд хариу орох

Ердөө эдгээр алхам хийхэд л шинэ эможи тань 10 минут дараа орох болно.”

Гэж мэдээлсэн байна. Энэхүү пост 48 цаг хүрэхгүй хугацаанд олон мянган хүмүүст хүрч 13 мянган хүн лайк дарж, 51,5 мянган хүнд коммент бичиж, 46,9 мянган хүн хуваалцжээ. 

Уг постыг иргэдийн зарим нь худал хэмээн ялгаж таниж буй хэдий ч дотор нь итгэн үнэмшиж буй иргэд маш их байгааг дээрх хандалтын үзүүлэлтээс харагдаж байна. Тухайлбал тэд, болохгүй байна. Та нарынх болж байна уу, худлаа шүү гэсэн хүмүүсийн хариунд за яахав ээ зэрэг байдлаар хандсан сэтгэгдлүүд үлдээжээ. Мөн хандсан хүмүүсийн ихэнх нь гадаад иргэд байна. 

Энэ хаяг шинэ эможийг идэвхжүүлэх эрхтэй цахим хуудас гэж өөрсдийгөө бичсэн хэдий ч итгэл үнэмшилгүй. Үг хэллэг нь аман ярианы бөгөөд албан бус зэргээс гадна “ганц л амьдарна” зэрэг пост оруулжээ. Хамгийн анхны пост 4 сарын 15-ны өдөр орсон. Нийт 4 пост нийтэлсэн байна. 

Гадны технологийн сайтад мэдээлснээр фейсбүүкийн шинэ эможи нь эхлээд АНУ-д хүчинтэй, та фэйсбүүкийн аппликэйшнээ устгаж, утсандаа дахин суулгаснаар идэвхжинэ гэжээ. Зарим утсанд нэмэлтээр VPN аппликэйшнийг суулгаж, байршлаа АНУ тохиргоонд оруулан фэйсбүүк аппликэйшнийг устгаж дахин татна гэсэн байна. Тиймээс ямар нэгэн лайк дарж, шэйр хийх зэрэг нь ямар ч нөлөөгүй бөгөөд хандалт авах зорилгоор худал мэдээлэл тараасан байна. Тодруулбал пост төвигдсах үед 4648 лайктай байсан энэ цахим хуудас 12 цагийн дотор 60,587 болж нэмэгджээ. 

Иргэдийг мэдээллээ нягталж, эх сурвалжаа сайн баталгаажуулж худал мэдээлэлд автахгүй байхыг анхааруулж байна. 

Мэдээллийг нягталсан: Fact Check Mongolia

О.Болор-Эрдэнэ (NTV)

Ч.Сумъя (Алтан Говь ТВ)

Ц.Сувданцэцэг (MCIR)

Төстэй мэдээлэл

Remdesivir эм COVID-19-ийг нэг өдрийн дотор эдгээсэн талаар фэйсбүүкт @ChinbatM гэх хаягнаас пост оруулжээ. Уг постод “Вашингтонд нэг монгол хүндрээд түргэнд хандсан. Трампад өгсөн эм хэрэглэх үү, “классик” аргаар эмчлэх үү гэсэн. Трампын эмийг сонгосон. Маргааш нь зүв зүгээр болсон. Би өөрөө ковидтой байсан болохоор энэ тухай эмчээсээ асуусан. үнэн үү гэж. Remdisivir эмийг хэрэглээд […]

Товч агуулга Урьдчилсан тайлангууд нь мэргэжлийн шинжээчдээр хянагдаж, баталгаажуулаагүй ба хэвлэл мэдээллийн хэрэгслээр батлагдсан мэдээлэл болгон нийтлэх ёсгүйг анхааруулжээ. Иш татсан судалгаанд насанд хүрэгчдэд зориулсан нэмэлт тун бүхий вакцин нь КОВИД-19-өөс хамгаалах нөхцөлийг хангасан гэжээ. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. Аль ч вакцин хорт хавдар үүсгэх, өдөөх үндэслэл, нотолгоо […]

Өнөөдөр өглөө буюу 2022 оны 2-р сарын 1-ний 09:25 цагт твиттер хуудаст Д.Сумъяабазар (@ 118_Mugi) гэх хаягаас “Өглөөний мэнд. Сар шинийн баяр болж байгаа тул өнөөдөр дэлгүүр үйлчилгээний төвүүд бүх газраар архи согтууруулах ундаа худалдан борлуулах зөвшөөрөл өгсөн байгаа болно. Та бүхэн сар шинэдээ сайхан шинэлээрэй!” гэсэн жиргээг оруулжээ. Уг жиргээ нь хотын дарга Д.Сумъяабазарын […]

Өдөрт олон амьсгалах нь зүрхний шигдээс болох эрсдлийг

AVIRA GameStore гэх фэйсбүүк пэйжээс 2023.11.18-нд “Говь Алтай аймгийн Цээл суман дахь хүсэл биелүүлэгч луут гол. Юмыг яаж мэдэхэв хүсэлээ бодоод шэйр” гэсэн пост оруулжээ. Уг постыг 7.3К хүн шэйрлэсэн ба 150 хүн инээж байгаа эможи дарснаас бусад 538 хүн итгэснээ илэрхийлж лайк болон бусад эможи дарсан байна. Factcheck: Уг зургийг нягталлаа. Ингэхдээ зураг нягтлахад […]

Товч агуулга Томуугийн вакцин нь уг вирусийн идэвхгүйжүүлсэн буюу эмгэг үүсгэхгүй бүтцийн тодорхой хэсгийг агуулсан, зохиомлоор дархлаа тогтоох тарилга. Харин mRNA бол вакцин үйлдвэрлэх шинжлэх ухааны дэвшилт технологи. mRNA нь шинэ технологи ч хүний ДНХ буюу удмын мэдээллийг өөрчлөх боломжгүй. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. Вакцин нь нөхөн үржихүй, […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх