НАТО-ын командын төв байр руу “Кинжал” пуужингаар цохилт өгчээ-ХУДАЛ

Товч агуулга

  • Энэ тухай мэдээллийг Кремлийг дэмжигч, Оросын суртал ухуулгын мэдээллийн хэрэгслүүд болон телеграм сувгаар цахим сүлжээнд түгээжээ.
  • Эшлэл болгон ашигласан TheIntelDrop, ProNews гэх сайтууд нь баталгаатай эх сурвалж биш байна.
  • НАТО-ийн бункерийг оносон, эсвэл ийм бункер байсан гэсэн нотолгоо бага.

Karla Khaitan гэх фэйсбүүк хэрэглэгч 2023.03.30-нд “НАТО-ГИЙН НОХОДУУД БӨӨНДӨӨ МАЖИЙЖЭЭ … 🤣🤣🤣

Львовын ойролцоо байрладаг НАТО-ын командын төв байр руу хэт авианы хурдтай “Кинжал” пуужингаар цохилт өгчээ.

НАТО-гийн генералуудын байрласан бункер 120 метрийн гүнд байрладаг бөгөөд офицер, цэргийн зөвлөх зэрэг 300 орчим хүн ажиллаж байжээ.

Бункерээс  40 гаруй хүний цогцосыг гаргаж ирсэн үлдсэн нь дэлбэрэлтийн нурангид дарагдсан гэжээ. Амь үрэгсдийн ихэнхийг польш, английн цэргийнхэн эзлэж байгаа бөгөөд америкийн хөлснийхөн мөн байсан талаар мэдээлжээ 😂” гэсэн пост оруулжээ.

Уг постыг 122 хүн шэйрлэж, 143 хүн коммент бичсэн байна.

Дээрх мэдээллийг нягталж өгөх хүсэлт ирсний дагуу нягталлаа.

Яг энэ мэдээллийг Кремлийг дэмжигч, Оросын суртал ухуулгын мэдээллийн хэрэгслүүд болон телеграм сувгаар цахим сүлжээнд түгээжээ. Зарим нь зургаар мэдээллийг дэмжсэн байна.

Ийнхүү цахим сүлжээнд, ялангуяа твиттер, телеграмд түгээсэн хаягууд Грекийн ProNews болон TheIntelDrop гэсэн эх сурвалжийг дурджээ. Гэвч эдгээр нь баталгаатай эх сурвалж гэж үзэхэд эргэлзээтэй байна.

Энэ талаар NewsWeek баримтыг нягтлан мэдээлсэн байна. Уг мэдээнд TheIntelDrop сайтын мэдээллийг харвал англи хэлтэй хүн бичсэнд эргэлзэхээр, дүрмийн алдаатай байсныг тодотгожээ. Мөн тухайн сайтын эзэмшигч, бүтцийн талаарх мэдээлэл алга. Вэбсайтын домэйнийг WhoIS платформоор шалгахад тухайн сайтын харьяаллын талаарх бүх мэдээллийг “нууцлалын зорилгоор засварласан” гэсэн байна.

ProNews ийм нийтлэл нийтэлсэн боловч үүнтэй холбоотой ишлэлүүд хугацааны хувьд уншигчдыг төөрөгдүүлжээ.

Мэдээллийн аль ч хэсэгт эх сурвалж, мэдээллийг хэрэгслийг эш татаагүй бөгөөд НАТО-ийн хохирогчдын талаар дурдаагүй байна. Түүнчлэн талуудын мэдээлэл нь найдваргүй, заримыг нь нягтлах боломжгүй төдийгүй НАТО-ийн бункерийг оносон, эсвэл ийм бункер байсан гэсэн нотолгоо бага байгааг newsweek.com онцолжээ.

Мэдээнд ашигласан зургийг шалгаж үзвэл 2021.03 сард Сирийн Алеппо хотоос зүүн зүгт орших Аль-Хамран тосгон руу Оросын пуужингаар довтолсон бичлэгээс авч ашигласан байна. Энэ нь тухайн мэдээллийг үнэн бодит байдлыг алдагдуулжээ.

Хэдийгээр ийм цохилт болсон байхыг үгүйсгэхгүй ч нотлох баримт алга. Цаашлаад 300 хүн амиа алдсан, дийлэнх нь барууны үндэстнүүдийн иргэд байсан бол энэ нь нууц боломжгүй үйл явдал билээ.

Тиймээс энэхүү пост нь олон нийтийг төөрөгдүүлсэн ХУДАЛ мэдээлэл байна.

Дайнтай холбоотой аливаа мэдээллийг түгээхээс өмнө заавал нягталж, баттай эх сурвалжаас авахыг Factcheck.mn сануулж байна.

Төстэй мэдээлэл

Дэлхий нийтийн цар тахал Коронавируст өвчин-19 (COVID-19)-ийг үүсгэгч

Цахим орчинд “Бүх нийтээр амардаг өдрийг хоёроор нэмэх нь” гэсэн мэдээлэл өчигдрөөс эхлэн тарав. Тодруулбал, УИХ-ын гишүүн Ц.Мөнхцэцэг, Ч.Ундрам нар “Үндэсний ном, бичиг соёлын өдрүүд”-ийг тэмдэглэдэг болох хуулийн төслийг есдүгээр сарын 18-ны өдөр УИХ-ын даргад өргөн барьсан. Хуулийн төсөл нь Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах бөгөөд ингэснээр тав болон есдүгээр […]

Вакциныг албадан хийж байгаа гэж үзэж буй иргэд Нюрнбергийн шүүхэд хандах эрхтэй хэмээх пост цахим орчинд тархаад буй. Тухайлбал, Khulan Ruchira хэмээх фэйсбүүк хэрэглэгч “Вакциныг албадан хийж байгаа ЭМЯ, ДЭМБ-ыг олон улсын Нюрнбергийн дайны шүүхээр “хомроголон устгах гэмт хэрэг хийж байна” гэж одоо шүүж эхэлсэн тул та 2-дах тунгаа тариулах хэрэггүй, харин өөрийн гомдлоо интернетээр […]

Сонгуулийн санал хураалт эд явагдаж байгаа энэ үед

Товч агуулга Хөнгөн цагааныг вакцины найрлагад нэмэлтээр ашигласнаар хүний дархлааны хариу урвалыг илүү сайжруулах нөлөөтэй. Вакцины найрлагад хөнгөн цагаан нэмэлтээр оруулснаар ямар нэгэн сөрөг нөлөө үзүүлдэггүй болохыг өнгөрсөн 60 жилийн судалгаа нотолно. Хүүхдийн товлолт вакцинуудын найрлагад кадми ордог талаар ямар нэгэн мэдээлэл алга. Вакцин аутизмтай холбоотой болох нь шинжлэх ухаанаар өнөөдрийг хүртэл нотлогдоогүй. Хэд хэдэн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх