Жирэмсэн үедээ COVID-19 вакцинжуулалтад хамрагдсан ээжүүд хүүхдээ алдсан – ХУДАЛ

Vaccine injection procedure for a pregnant woman, cropped view without face

Pfizer-BioNTech COVID-19 вакциныг эрт нэвтрүүлэх үед вакцины тунд хамрагдсан жирэмсэн эмэгтэйчүүд хүүхдээ алдсан гэсэн мэдээлэл цахим сүлжээнд олон нийтийг ихээр төөрөгдүүлж байна.

Цахим сүлжээнд тархсан, уг тайлангийн үр дүнг эш татсан мэдээллүүдийн агуулга нь “2021.02.28-ны өдрийг хүртэл хүлээн авсан pf-07302048 (bnt162b2)-ийн сөрөг нөлөөллийн тайлангийн хуримтлагдсан дүн шинжилгээ” гэсэн тайланд жирэмсэн эмэгтэйчүүдэд COVID-19-ийн эсрэг Pfizer вакцин хийлгээд хүүхдээ бүгд алдсан гэжээ.

Тухайлбал, LifeSite гэх сайтад “Тэдний тайланд дурдсанчлан, вакцин гарсан эхний 10 долоо хоногт жирэмсний мэдэгдэж байгаа 32 үр дүнгийн 28 нь үнэхээр үхэлд хүргэсэн үү? Энэ нь жирэмслэлт зогсох эрсдэл 87.5% гэсэн үг үү?” гэгчлэн бичжээ.

Энэхүү мэдээллийг Reuters агентлагийн баримтыг нягтлах баг шалгасныг хүргэж байна.

Factcheck:

Уг тайланд дурдагдсан мэдээлэл болон дата нь 2020.12.01-2021.12.28 хүртэлх хугацаанд гарсан сөрөг үр дагавруудын тухай ба АНУ, Их Британи улсын мэдээлэл зонхилжээ.

Тайлангийн хүснэгт 6-д тариа хийлгэсэн жирэмсэн болон хөхүүл 270 ээжийн тохиолдлыг авч үзсэн байна. 238 эмэгтэйн судалгааны үр дүн гараагүй, үлдсэн 32 ээжийн 28 нь үр хөндөлт, нярайн эндэгдэл, умайд нас барсан зэрэг шалтгаантай бол 5 тохиолдлын хариу хүлээгдэж байна гэсэн агуулгатай байжээ.

Энэхүү тайланд АНУ-ын Засгийн газраас Вакцины сөрөг үр дагаврыг мэдээлэх систем буюу VAERS, Их Британийн Шар картын систем ( yellowcard.mhra.gov.uk/ ) зэрэг тандалтын систем болон эмнэлэгт бүртгэгдсэн тохиолдлууд, Пфайзерын ивээн тэтгэсэн маркетингийн хөтөлбөрүүд, хөндлөнгийн бус судалгаанууд, учир шалтгааны үнэлгээнээс үл хамааран эмнэлзүйн судалгаагаар бүртгэгдсэн зэрэг тохиолдлуудыг авч үзсэн болохыг дурджээ.

Иймд 238 жирэмслэлт бүгд сөрөг үр дүн үзүүлсэн гэдэг нь андуурал болж таарч байна гэдгийг Техасын баруун өмнөд Анагаах Ухааны их сургуулийн эх, ураг судлалын туслах профессор Эмили Адхикари Ройтерс агентлагт цахим шуудангаар хариу өгөхдөө хэлсэн байна. Яагаад гэвэл энэ бол вакцинд хамрагдсан жирэмсэн ээжүүдтэй харьцуулахад маш бага тоо аж.

АНУ-ын Халдварт өвчний хяналт сэргийлэлтийн төвийн судалгаагаар 2021.02.16-ны байдлаар 34,494 жирэмсэн эмэгтэй АНУ-д вакцинд хамрагдсан байна. Харин дээрх тайлан нь 2021.02.28-ныг хүртэлх хугацааг хамарч байгаа.

Энэ тоо нь вакцинд хамрагдсан жирэмсэн ээжүүд 100% хүүхдээ алдсан гэдэг мэдээллийг няцааж байгаа юм. Учир нь 35 орчим мянган ээжийг 270 хүнээр төлөөлүүлэх боломжгүй. Түүнээс гадна коронавирусийн халдварын эсрэг вакцинд хамрагдсан жирэмсэн ээжүүдийн 80% нь зулбаж байна гэсэн мэдээллийг Reuters өмнө нь нягталж, төөрөгдүүлсэн болохыг баталгаажуулж байв.

Мөн сүүлийн үеийн судалгаанууд жирэмсний үед вакцинд хамрагдах нь аюулгүй болохыг нотолсоор байна. ЭНД болон ЭНД дарж судалгааны талаарх мэдээллийг харна уу.

Тиймээс дээрх мэдээлэл нь олон нийтийг төөрөгдүүлсэн ХУДАЛ агуулга байна.

Эх сурвалжууд:

https://www.reuters.com/article/factcheck-vaccine-pregnancy/fact-check-data-from-a-study-does-not-conclude-that-over-80-of-pregnancies-end-in-miscarriage-after-covid-19-vaccinations-figures-taken-out-of-context-idUSL1N2OX1WL

https://www.reuters.com/business/healthcare-pharmaceuticals/eu-regulator-finds-mrna-covid-19-shots-safe-during-pregnancy-2022-01-18/

https://www.reuters.com/business/healthcare-pharmaceuticals/covid-19-vaccination-during-pregnancy-not-linked-complications-birth-us-study-2022-01-04/

НҮБ-ын Хүүхдийн сангийн дэмжлэгтэйгээр бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

ОХУ хоёрдугаар сарын 24-нд Украин улс руу довтолж,

Монголчуудын нэгдэл нэртэй фэйсбүүк группт 2021 оны 7-р сарын 17-ны өдөр Гээки Гээки Магнайбаярын Гэрэлчулуун нэртэй хэрэглэгч “Ажлын зургаан хоногтой болно гэв. Энэхүү шийдвэр иргэн таны хувьд зөв бол шэйр хийнэ үү?” гэсэн постыг нийтэлжээ. Уг мэдээлэлд 420 хүн хариу үйлдэл үзүүлж, 1000 хүн хуваалцаж, 136 хүн сэтгэгдэл бичсэн байна. Уг мэдээллийг гарчгаар нь хайж […]

Коронавирусийн халдвар ихсэж байгаатай холбоотойгоор Токио 2020 зуны Олимп зохион байгуулагдахаа больсон гэх мэдээлэл өчигдрөөс Япон улс болон бусад олон улсын нийгмийн мэдээллийн сүлжээнд тархсан. Тэгвэл өнөөдөр энэ мэдээлэл нь ХУДАЛ гэдгийг Токио 2020 Олимпын наадмыг зохион байгуулах комиссоос  мэдээлжээ. Уг мэдээлэл нь өчигдөр буюу 29-ний өдөр Геманы DPA агентлагийн мэдээлсэн  “ОУ-ын Олимпын хороо,  Дэлхийн […]

Коронавирустай холбоотой үнэн, худлын аль нь болох нь эргэлзээтэй мэдээллүүд цахим орчинд их гарч байна. Энэ сарын эхээр Австралийн Монашийн их сургуулийн Био анагаахын хүрээлэнгийн эрдэмтээр ахлуулсан судлаачид ивермектин (ivermectin) хэмээх бодис нь эсийн өсгүүрт коронавирусын эсийн бүтцийн үржих чадварыг 48 цагийн хугацаанд дарангуйлж буйг тогтоосон судалгааны дүнгээ танилцуулсан.  Монголд малчид ивомекийн бүлгийн бэлдмэлүүдийг малын […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх