Bachi Nyangar гэх фэйсбүүк хэрэглэгч 2022.03.10-нд "Pfizer дуусаа! Pfizer-ийг New York-ийн Биржээс хаслаа.
(Өнгөрсөн намар LIVE дээр захирал, Albert Bourla нь баривчлагдсан, олон хүмүүсээс нөхөн төлбөрийн нэхэмжлэг ирж байгаа, хувьцаа шалдаа унасан, удахгүй аль аль төрийн ажилтанд өгсөн урамшуулалын аудит гарна...)" гэсэн пост оруулжээ.
Уг постыг 173 хүн шэйрлэж, 282 хүн лайк дарсан байна.
Дээрх агуулгыг нягталлаа.
Factcheck:
Ийм агуулгатай мэдээллүүд гаднын цахим сүлжээнд ч мөн тархжээ. Тодруулбал, Pfizer компани саяхан ил болсон 9 хуудас бүхий COVID-19 вакцины 1,291 гаж нөлөөний жагсаалттай холбоотойгоор хоёр хөрөнгийн биржээс бүртгэлээ хасаж гарсан талаар пост, мэдээлэл цахим сүлжээнд тархсан байна.
Энэхүү мэдээллийг google-ийн тусламжтайгаараа минут хүрэхгүй хугацаанд нягтлах боломжтой юм.
2022.03.15-ны өдрийн байдлаарх хувьцааны ханшийн мэдээллийн талаарх илэрцүүд графикийн хамт гарч ирж байна.
Pfizer компанийн албан ёсны сайтад хандахад тус компани хөрөнгийн биржийн бүртгэлээс гарсан талаар ямар нэгэн мэдэгдэл албан ёсоор мөн хийгээгүй байна. Хамгийн сүүлд буюу 2022.03.14-нд Arena Pharmaceuticals компанийг худалдан авах үйл ажиллагаа дууссан талаар мэдэгдэл гаргажээ.
Pfizer компанийн гүйцэтгэх захирал Алберт Бурла залилангийн хэргээр баривчлагдсан болохыг “Худал мэдээлэл” хэмээн тус компанийн хэвлэлийн төлөөлөгч Жерика Питтс баримтыг нягтлагч Politifact-д албан ёсоор тайлбар өгч, няцаасан талаар Factcheck.mn 2021.11.16-нд хүргэж байв.
Иймд дээрх пост нь олон нийтийг төөрөгдүүлсэн ХУДАЛ агуулга түгээсэн байна.
Эх сурвалжууд:
https://www.nasdaq.com/market-activity/stocks/pfe
https://www.pfizer.com/news/press-releases
НҮБ-ын Хүүхдийн сангийн дэмжлэгтэйгээр бэлтгэв.
