ГХ-ны сайд Н.Энхтайван дахин ташаа мэдээлэл түгээв

Цолмонбаатар Тамир
2020-10-07

Монгол Улсын ФАТФ-ын Саарал жагсаалтаас гарсан хэмээн ташаа мэдээлэл түгээсэн Гадаад харилцааны сайд уг мэдээллээ залруулахдаа дахин буруу мэдээлэл түгээв.

Тэрбээр өөрийн твиттер хуудасдаа “Татварын сайн засаглалын зарчмуудыг хэрэгжүүлэхэд ЕХ-той хамтран ажиллах шаардлагатай улсуудын жагсаалт” буюу саарал жагсаалтаас Монгол Улсыг гаргасан шийдвэрийг ЕХ-ны Сангийн сайд нар энэ 6-нд гаргасан болохыг мэдээлсэн.”, “ЕХ-ны “саарал жагсаалт” нь ФАТФ-аас тусдаа. Энэ 10 дугаар сарын 6-ны шийдвэр нь ЕХ-ны шийдвэр гэдгийг мэдээлье.” хэмээн залруулах гэж оролджээ.

Гэвч Саарал жагсаалт бол ФАТФ буюу Мөнгө угаах, терроризмыг санхүүжүүлэхтэй тэмцэх олон улсын байгууллагаас мөнгө угаах эрсдэлтэй орнуудыг үнэлдэг систем. Манай улс уг байгууллагын Саарал жагсаалтад орсон. Харин Европын холбооны Саарал жагсаалтад ороогүй.

Европын Комисс хууль бус мөнгө угаах эрсдэлтэй орнуудын эсрэг авах арга хэмжээгээ чангатгаж, санхүүгийн гэмт хэрэгтэй тэмцэх шинэ байгууллага бий болгохоор энэ оны тавдугаар сард шийдвэрлэсэн. Энэ хүрээнд уг жагсаалтдаа Монгол Улсыг багтаагаад байсан бөгөөд уг жагсаалтаас гараагүй байгаа гэдгийг ГХЯ-наас мэдээлэв. Гэтэл Гадаад харилцааны сайд Н.Энхтайван хольж, хутган “Саарал жагсаалт” гэсэн үг хэллэг ашиглан ташаа мэдээлсээр байна.

Нэмэлт мэдээлэл: ФАТФ-ын Саарал жагсаалтад Монгол Улсыг 2019 оны аравдугаар сард албан ёсоор оруулсан бөгөөд тус байгууллагаас өгсөн зөвлөмжийг хэрэгжүүлээд явж байгаа билээ. Энэ хүрээнд өнгөрсөн долоо хоногт ФАТФ-ын төлөөллүүд манай улсад ирж газар дээрх үнэлгээ хийгээд буцсан ба Саарал жагсаалтаас гарах эсэх шийдвэр аравдугаар сарын сүүлчээр гарах хүлээлттэй байна.

16.24 цагт мэдээллийг шинэчлэв.

Харин Европын холбооны тухайд Монгол Улсыг татварын асуудлаар хамтран ажилладаггүй орнуудын Хар жагсаалтдаа 2017 оны арванхоёрдугаар сарын 5-нд оруулсан байснаа ийнхүү 2020 оны аравдугаар сарын 7-нд гаргасныг ГХЯ-ны Олон улсын гэрээ, эрх зүйн газрын зөвлөх Б.Мандахбилэг тайлбарлалаа.

Нягталсан: Ц.Тамир (MCIR)

Төстэй мэдээлэл

“Нэг өрх-Нэг иргэн” шинжилгээнд хамрагдаагүй бол Зөрчлийн хуулиар торгоно – ҮНДЭСЛЭЛГҮЙ

Цолмонбаатар Тамир
2020-12-30

COVID-19-ийн халдвар голомтлон гарсантай холбоотойгоор Баянзүрх дүүргийн өрх бүрээс нэг хүнийг шинжилгээнд хамруулж буй. Энэ хүрээнд тус дүүргийн зарим хороо энэ тухай иргэдэд мэдээлэхдээ “Хэрэв шинжилгээнд хамрагдаагүй бол Зөрчлийн тухай хуулийн 5.13 дугаар зүйлийн 4 дэх хэсэгт зааснаар торгуулийн арга хэмжээ авах болохыг анхааруулж байна” гэсэн зарыг фэйсбүүк хуудсаар түгээж байгаа юм. Энэ тохиолдолд Зөрчлийн […]

УИХ-ын гишүүн Ж.Чинбүрэнгийн “Мэдээллийн урсгал”-аар өгсөн ВАКЦИНТАЙ холбоотой ХУДАЛ МЭДЭЭЛЛҮҮД

Коронавирусийн эсрэг Дархлаажуулалтын ажлын хэсгийн ахалж байгаа, УИХ-ын гишүүн Ж.Чинбүрэн 2021 оны дөрөвдүгээр сарын 28-ны өдөр “Мэдээний урсгал” нэвтрүүлэгт орохдоо вакцины талаар мэдээлэл өгсөн. Эдгээр мэдээллийг нягтлан, худал мэдээллүүдийг хүргэж байна. “Шинжлэх ухааны үндэслэлээр шууд энэ өвчний эсрэг таны бие хамгаалалттай болсон гэдгийг үзүүлдэг нэг ч шинжилгээний арга байхгүй” Factcheck: ХУДАЛ Ковид19 өвчний үүсгэгч Коронавирусийн […]

Ташаа

Монголын газар нутгийг гадны бирж дээр зарах хууль бий болчихлоо – ТАШАА

Товч агуулга Газрын тухай хуульд хамгийн сүүлд 2022.07.05-нд нэмэлт өөрчлөлт оруулсан ба дээр пост дахь агуулга бүхий заалт алга. Ж.Энхбаяр одоогоор парламентад дэвшиж, сонгогдоогүй буюу УИХ-ын гишүүн биш, Үндэсний Аюулгүй Байдлын Зөвлөлийн нарийн бичгийн даргаар ажиллаж байна. Уг бичлэг дорж хаяж хоёр жилийн өмнөх үйл явдлыг харуулж байна. Хөтлөгч Ezo Enhzorig нэртэй фэйсбүүк хаягаас 2022.09.15-ны […]

Худал

Ц.Баатарсайхан: Япон, Солонгос, Хонг Конг жилдээ 341 сая жуулчин авсан – ХУДАЛ

Цолмонбаатар Тамир
2021-03-04

Ерөнхий сайд Л.Оюун-Эрдэнэ хоёрдугаар сарын 25-нд аялал жуулчлалын салбарынхантай уулзалт хийж, санал бодлоо солилцсон юм. Тэрбээр ЗГХЭГ-ын дарга байхдаа манай улс 400 сая жуулчин хүлээн авах боломжтой тухай мэдэгдэж байв. Тэгвэл уулзалтын үеэр “Таванбогд” группийн ерөнхийлөгч Ц.Баатарсайхан “Монгол Улс 2029 он гэхэд 3 сая жуулчин хүлээн авах боломжтой” хэмээн хэлсэн. Түүний өгсөн мэдээллүүдийг бид нягталлаа. […]

Германд Омикроны халдвар авсан хүмүүсийн 96% нь вакцины бүрэн тунтай байсан уу?

Дэлхий дахинд тархаад байгаа коронавирусийн омикрон хувилбартай холбоотойгоор олон нийтийн сүлжээгээр энэ талаарх иргэдийг төөрөгдүүлсэн мэдээлэл маш их тархаж байна. Германы институт нийт омикроны халдвараар өвчилсөн хүмүүсийн 96% нь вакцины бүрэн тунтай байсан гэсэн мэдээлэл мөн олон нийтийн сүлжээнд таржээ. Энэхүү мэдээллийг нягталж өгөх хүсэлт уншигчаас ирсний дагуу FactCheck.mn нягталлаа. FactCheck: Германы Роберт Кохын институт […]

Төөрөгдүүлсэн

Вакцины 4 дэх тун дархлааг улам сулруулна гэв – ТӨӨРӨГДҮҮЛСЭН

Товч агуулга Вакцины нэмэлт тун хийлгэсэн хүмүүс хийлгээгүй хүмүүстэй харьцуулахад эмнэлэгт хэвтэх нь 70-90% бага байна. Израильд хийсэн судалгаагаар коронавирусийн эсрэг вакцины 4 дэх тун эсрэг биетийг тав дахин нэмэгдүүлсэн үр дүн гарсан. Нягтлах мэдээ Goymedee гэх нэртэй сайт “Вакцины дөрөв дэх тун дархлааг улам сулруулна гэв” гэсэн гарчигтай мэдээ 2021.01.12-нд нийтэлжээ. Уг мэдээнд “Европын […]

Өөр мэдээ олдсонгүй.