Монгол Улс энэ 7 хоногт Энэтхэгээс 1.5 сая тун вакцин хүлээн авна – ХУДАЛ

Цахим орчинд “Монгол Улс энэ долоо хоногт Энэтхэгээс 1.5 сая тун вакцин хүлээн авна” гэх мэдээлэл гарчээ.

Шинэ коронавирусийн эсрэг вакцинтай холбоотой мэдээлэл чухал байгаа энэ цаг үед энэхүү мэдээлэл үнэн эсэхийг нягталлаа.

Өнөөдөр Times of India-д гарсан мэдээллээр “India will also send 2 lakh doses to Nicaragua, 1 lakh to Barbados, 70,000 to Dominica and 1.5 lakh to Mongolia though dates are yet to be finalised” гэжээ.

Энэхүү мэдээлэлд дурдсан “lakh” нь Энэтхэгийн хэмжүүрийн нэг бөгөөд нэг lakh нь 100 мянга гэсэн утгатай бөгөөд 1.5 lakh нь 150 мянга болж байгаа юм.

Тодруулбал, тус улс манай улсад 150 мянган тун вакцин илгээхээр болоод байгаа бөгөөд БНЭУ-аас эхний ээлжинд манай улсад 1.5 сая бус 150 мянган тун вакцин өгөхөөр болоод байгаа аж. Мөн вакцин илгээх хугацааг эцсийн байдлаар тогтоогоогүй бөгөөд энэ долоо хоногт вакцин илгээхээр төлөвлөсөн улсаар Афганистаныг нэрлэжээ. Өөрөөр хэлбэл, “Монгол Улс энэ долоо хоногт Энэтхэгээс 1.5 сая тун вакцин хүлээн авна” мэдээлэл худал болох нь үүгээр батлагдаж байна.

Нэмж мэдээлэхэд, БНЭУ Covaxin вакцины 8.1 сая тунг Оман, Монгол, Мьянмар, Бахрейн, Маврикий, Филиппин, Мальдив улсууд руу хандивлахаа мэдэгдсэн. Мөн Монгол Улсын Ерөнхий сайд асан У.Хүрэлсүх БНЭУ-д үйлдвэрлэж байгаа “Ковид-19” цар тахлын эсрэг вакцинаас авах хүсэлтэй байгаагаа тус улсын Ерөнхий сайд Нарендра Модид илгээсэн албан захидалдаа илэрхийлж байв.

Төстэй мэдээлэл

Tsetseg Byambaa фэйсбүүк хаягаас “Олон улсын олимпын холбоо

  Канадын баруун мужид Montebello, Quebec хэмээх нэг сая гаруй хүнтэй хот бий. Аялал жуулчлал энд их хөгжсөн. Ялангуяа “Parc Omega” дахь амьтадын хүрээлэнд хэдийгээр жинхэнэ “амьд” биш ч гэсэн үзэсгэлэнт байгалтай төгс зохицсон зэрлэг амьтадын зураг авахаар жуулчид маш ихээр ирдэг байна. Буга согоо гэх мэт илт аюулгүй амьтад хүнд ойртон ирж гар дээрээс нь сүү […]

Товч агуулга Вакцин хийлгэсний дараа нас барсан хүмүүсийн

Сэтгүүлч Баасанжавын Отгон 2023.11.16-нд “ХСҮТ-ийн Эрдэнэхүү эмч: 5 орны лабораторт элэгний хорт хавдраар өвчилсөн хүмүүсийн вирусыг шинжлүүлэхэд шахмал түлшнээс үүдэлтэй шинэ төрлийн вирус гарсан🥲Шинэ төрлийн вирусаар зөвхөн Монголчууд өвчилж байгаа” гэсэн пост оруулжээ. Уг постын шэйр нэг хоног хүрэхгүй хугацаанд 1.8К хүрч, 2.8К хүн хуваалцсан бөгөөд 500 гаруй сэтгэгдэл бичсэн байна. Нийт хариу үйлдлийн 117 […]

УИХ-ын 18, 28-р тойргийн нөхөн сонгуулийн нэмэлт санал хураалт өнөөдөр 07:00 цагаас эхэлж, 22:00 цагт дууссан. Сонгуулийн ерөнхий хорооноос 22:00 цагийн байдлаар ирцийн мэдээллийг өгсөн бөгөөд санал хураалтын ирц Сонгинохайрхан дүүрэгт 48.89, Хэнтийд 46.65 хувьд хүрсэн юм. Нэмэлт санал хураалтын ирц 50 хувьд хүрээгүйтэй холбоотойгоор сонгуулийн үр дүн хэрхэх талаар эргэлзээ үүсэж, зарим хүн ирц […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх