Pfizer компанийн захирал Алберт Бурла залилангийн хэргээр баривчлагдсан – ХУДАЛ

Tserenkhuu Ishtseden гэх фэйсбүүк хэрэглэгч 2021 оны арваннэгдүгээр сарын 6-ны өдөр Pfizer компанийн захиралтай холбоотой нэгэн пост оруулжээ. 

Уг постод

“Энэ эрхэмийг Альберт Бурла гэнэ. Грекийн Солоники гаралтай еврей хүн. Солоники 66мянган еврейг Гитлер хүйс тэмтэрч үлдсэн 2-хон мянган хүн амь гарахад эх нь асар их хахууль өргөл барьцаар амьд үлдсэн түүх бий.

Пайзерийн Ер.захирал ноён Бурла, өөрийхөө вакциныг хийлгээгүй “эмч эсвэл хөгшчүүлд зориулсан вакцин, би эмч ч биш бас хөгшин ч биш, би заавал хийлгэх ёстой юу?” Гэсэн удаатай.

Тэрээр залилангийн хэргээр баривчлагдсан нь үнэн.

Коваксын гадуур зарим орнуудын ЗГ-т асар их хахууль өгсөн нь ч үнэн.

Трамп 1тэрбум долл. өхөд нь аваагүй нь бас үнэн.

Бурла орос хүнийг, орос орныг яснаасаа үзэн яддаг нь гарцаагүй үнэн.

Пайзер будлианд хутгалзсан болтой бөөн дуулиан дэгдэж мэднэ гэж мэдээлсэн маань үнэн болло шүү, ганц Бурлагийн асуудал биш!

Манай ЗГ ч холбогдож мэднэ цаг хугацаа харуулна.

Бурла тансаг харшаасаа өнөөдөр баригдсан” гэжээ. 

Уг агуулгыг нягталлаа.   

Factcheck:

Дээрх посттой утга нэг агуулга олон улсад, цахим орчинд мөн тархсан байна. Тиймээс олон улсын баримтыг нягтлагчдын талбарыг үүсгэн байгуулагч Poynter институтийн дэргэдэх Politifact.com-оос эхлээд олон хэвлэл мэдээллийн байгууллагын баримтыг нягтлагчид уг мэдээллийг шалгасан байна. Tserenkhuu Ishtseden хэмээх фэйсбүүк хэрэглэгч пост хийхийн нэг өдрийн өмнө буюу 2021.11.05-нд Politifact.com уг мэдээллийг нягталснаа нийтэлжээ.

Pfizer компанийн гүйцэтгэх захирал Алберт Бурла залилангийн хэргээр баривчлагдсан болохыг “Худал мэдээлэл” хэмээн тус компанийн хэвлэлийн төлөөлөгч Жерика Питтс Politifact-д албан ёсоор тайлбар өгч, няцаажээ. Ингэхдээ Алберт Бурлагийн нэр АНУ-ын хоригдлуудын бүртгэлээс олдоогүй ба Бурлатай холбоотой гэмт хэргийн шинжтэй гомдол мөн байхгүй болохыг мэдэгдэж, баталгаажуулсан байна.

Мөн Бурла 2021.11.05-ны өдөр Phizer компанийн бүтээсэн КОВИД-19-ийн эсрэг эмийн талаар CNN сувагт ярилцлага өгчээ.

Ноён Бурла өөрийнхөө үйлдвэрийн вакциныг хийлгээгүй тухай яриа өнгөрсөн зун мөн олон нийтийн тархсан байна. Тиймээс уг мэдээллийг AP агентлаг нягталж, худал болохыг баталгаажуулжээ. 

Алберт Бурла 2021.03.15-нд вакцины хоёр дахь тунгаа хийлгэсэн ба видеогоо тухайн үед постолсон байна.

Энэ талаар Pfizer компани AP агентлагт и-мэйлээр мэдэгджээ.

Иймд дээрх пост нь олон нийтийг төөрөгдүүлсэн худал мэдээлэл байна.

КОВИД-19-ийн цар тахлын энэ үед вакцинтай холбоотой аливаа мэдээллийг баталгаатай, албаны эх сурвалжаас авч, мэдээллээ үргэлж нягталж байхыг Factcheck.mn сануулсаар байгаа билээ.  

Эх сурвалжууд:

https://www.politifact.com/factchecks/2021/nov/08/blog-posting/no-pfizer-ceo-albert-bourla-wasnt-arrested-fraud-c/?fbclid=IwAR2NO7ExLLzCc_VPVMKDdeHFr-9HNM8zbNUsH1Wn4GmZJobi5oKrcmMvTqY

https://www.bop.gov/mobile/find_inmate/byname.jsp#inmate_results

https://edition.cnn.com/videos/health/2021/11/05/pfizer-ceo-coronavirus-covid-intv-newday-berman-ldn-vpx.cnn

https://apnews.com/article/fact-checking-afs:Content:10025190134

НҮБ-ын Хүүхдийн Сангийн дэмжлэгтэйгээр нягтлав.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Товч агуулга: Орос, Украины дайн эхэлснээс хойших хоёр жил гаруйн хугацаанд олон улсыг хамарсан цахим мэдээллийн дайн өрнөж байгаа нь олон нийтийг мэдээллийн боловсрол эзэмших шаардлагыг хэзээ хэзээнээс илүү бий болгов. Ялангуяа, ОХУ-тай хил залгаа оршдог манай улсын хувьд цахим хэрэглэгчид хуурамч мэдээлэлд илүүтэй автах өндөр магадлалтайг 2023 онд Эрэн Сурвалжлах Сурвалжлагчдын Төлөө Төв(MCIR)-өөс хийсэн […]

ОХУ-ын олон нийтийн цахим талбар болох vk.com сайтад Алтай видеолор гэх хэрэглэгч Монгол Улсын Ерөнхийлөгч У.Хүрэлсүх буу барьсан цэргүүдийн хамт зогсож байгаа зургийг нийтлээд “👍ОХУ-ыг дэмжин Хойд цэргийн тойрогт оролцохоор Монголоос 92 цэрэг (тусгай хүчин) илгээсэн 🇷🇺✊ (Монгол Улсын Ерөнхийлөгчтэй 🇲🇳 зураг)” гэсэн текст бичжээ. Уг постыг няталж өгөх хүсэлт ирсний дагуу нягталлаа. Factcheck: Фото […]

Tserenkhuu Ishtseden хэмээх фэйсбүүк хэрэглэгч 2021.11.28-нд КОВИД-19-ийн Омикрон хувилбарын талаар нэгэн пост оруулжээ. Уг постод “ОМИКРОН 1 тунтай хүнд гайгүй 2 тунтай хүнд амархан …тунтай хүнд шууд халдаж байгааг ИхБританы эрдэмтэд нотлолоо Хүмүүс айдаст автаж эхэллээ СУПЕР ГЕНТЭЙ ЛАНДШАФТ ДАРХЛААТАЙ монголчууд торойгоод үлдэнэ” гэснийг 794 хүн шэйрлэж, 1.3К хүн лайк дарсан байна. Уг мэдээллийг нягталлаа. […]

Товч агуулга Хүүхдүүдийг вакцинд хамруулснаар КОВИД-19-ийн халдварын түвшнийг эрс бууруулдаг болох нь тогтоогдсон. АНУ-д 5-11 насны 8,082,264 хүүхдэд дор хаяж нэг тун Pfizer вакцин хийхэд 11 тохиолдолд нь л гаж нөлөө илэрсэн бөгөөд хөнгөн тохиолдлууд байв. Вакцины хүүхдүүдэд үзүүлэх ашиг тус нь эрсдэлээсээ хавьгүй өндөр байна. Вакцин хийлгэснээр хүүхэд, эцэг эхчүүдийн энэ өвчнөөр өвчлөх тухай […]

Мягмар гараг буюу 2020 оны арваннэгдүгээр сарын 17-ын өдөр УОК хуралдсаны дараа нийслэлийн автомашины хөдөлгөөнийг илүү хумихаар шийдвэрлэсэн талаар мэдээлэхдээ хоорондоо зөрүүтэй тоонууд хэлсэн юм Мэдээллийн үеэр нийслэлийн Засаг дарга Д.Сумъяабазар: Бүх нийтийн бэлэн байдлын зэрэгт шилжүүлсэнтэй холбоотойгоор тээврийн хөдөлгөөнийг нарийн цагийн хуваарьт шижлүүлсэн. Бид 17,000 тээврийн хэрэгсэл хөдөлгөөнд оролцоно гэж тооцоолсон. Гэтэл өнөөдрийн байдлаар бидний […]

Tserenkhuu Ishtseden гэх фэйсбүүк хаягаас “Дархлаа тогтсон эсэх нь 7-8

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх