Тахал хэзээ ч эргэж ирж дахин дахин давалгаалдаггүй – ХУДАЛ

Yuna Yuna гэх фэйсбүүк хэрэглэгч 2021.12.20-ны өдөр КОВИД-19-ийн талаар нэгэн мэдээлэл оруулсан байна. Уг постод

Тахал хэзээ ч эргэж ирж дахин дахин давалгаалдаггүй.. улирлын томуу л тэгдэг гэнэ шүү… Яс юман дээрээ улирлын томуу H1N1 ч гэсэн жил бүр яаж дэгддэгийг сайн ажиглах юм бол  хэн хэрхэн яаж жил бүр томууг зориуд дэгдээдэгнь ил тод  харагддаг  😅… жирийн ханиад бол арай өөр жинхэнэ натурал юм даа…” гэх мэтээр бичсэн байна.

Тэрхүү постыг тухайн фэйсбүүк хэрэглэгч 2020.12.19-нд анх постолж байсан бөгөөд энэ удаа уг постоо дахин оруулсан нь энэ байв. Уг мэдээллийг нягталлаа.



Тахал хэзээ ч эргэж ирж дахин дахин давалгаалдаггүй.. улирлын томуу л тэгдэг гэнэ шүү… Яс юман дээрээ улирлын томуу H1N1 ч гэсэн жил бүр яаж  дэгддэгийг сайн ажиглах юм бол  хэн хэрхэн яаж жил бүр томууг зориуд дэгдээдэгнь ил тод  харагддаг.

Factcheck:

Цар тахал гэдэг нь тахал үүсгэж байгаа өвчний шинж, түүний эсрэг авах хариу арга хэмжээ өөрчлөгдөөгүй боловч өвчний хамрах газар зүйн хүрээ тэлснийг хэлж буй нэр томьёо юм байна.

Өөрөөр хэлбэл COVID-19 өвчин болон түүний эсрэг авах арга хэмжээний заавар огтхон ч өөрчлөгдөөгүй хэдий ч уг өвчин дэлхийн 222 улс, газар нутагт тархаж, 277 сая хүнийг өвчлүүлж, 5.39 сая хүнийг үхэлд хүргээд зогсохгүй цаашид ч олон хүнийг эрсдэлд оруулсан хэвээр байна.

Томуу нь вирусээр үүсгэгддэг амьсгалын замын цочмог халдварт өвчин бөгөөд тахал хэлбэрээр тархах аюултай, уушгийг гэмтээж, ханиаднаас илүү амь насанд эрсдэл учруулах магадлал өндөр. Томуугийн вирус маш хувьсамхай, тахиа, шувуу, гахай, морь, нохой зэрэг амьтдад өвчин үүсгэх ба амьтнаас хүнд халдварладаг бөгөөд дэлхийд жил бүр 3-5 сая хүн хүндээр өвчилдөг гэсэн статистик байна.

Испани ханиад гэж нэрлэгддэг томуугийн халдвар 1918 онд дэгдсэнээс дэлхийн хүн амын 1/3 нь энэ халдварт өртөж, 50 орчим сая хүн нас барсан түүхтэй. Тус томуугийн нас баралтын түвшин 10-20 хувьтай байсан нь дэлхийн түүхэнд маш өндөрт тооцогддог. Харин коронавирусийн халдварын нас баралтын түвшин 2.3 орчим хувьтай байна.

1918 онд бүртгэгдэж байсан Испани томуугийн гурав дахь давалгаа 1919 онд дэгдэж өвөл, хаврын турш үргэлжилж байжээ.



АНУ-ын CDC ээс “ковидын улмаас нас барсан гэж тэмдэглэсэн үхлийн тохиолдлуудын зөвхөн 6% нь уг вирусын гаралтай байсан. Үлдсэн 94% д нь 2-3 өвчин хавсарсан байсан байна” гэж мэдэгджээ.

Factcheck:

Энэхүү АНУ-ын Өвчний хяналт ба урьдчилан сэргийлэх төв (CDC)-ийн мэдээлэл нь 2020 оны мэдээлэл бөгөөд дээр дурдсан шиг утга, агуулгатай мэдээлэл биш юм. Нас баралтын шалтгаан нь КОВИД-19 өвчин мөн бөгөөд тухайн нас барсан хүмүүсийн 94% нь 2-3 төрлийн хавсарсан өвчтэй байсан болохыг АНУ-ын Өвчний хяналт ба урьдчилан сэргийлэх төв 2020 онд тайлбарлаж байжээ.



Дэлхийн тархи гэж хэлж болох Жон Хопкинсийн хүрээлэнгээс “Ков-19 нь  АНУ-ын нас баралтад харьцангуй ямар ч нөлөө үзүүлэхгүй байна” гэсэн мэдэгдэл гарчээ.

Жон Хопкинсийн хүрээлэнгийн эдийн засгийн хөтөлбөрийн захирлын орлогч ” Ков-19 ийн нас баралтын хувийг үхлийн нийт дүнтэй харьцуулахад АНУ-ын нийт нас баралтын хэмжээнд нөлөөлөхгүй буюу өөрчлөлт оруулахгүй байна. Ковид-19 ын улмаас болсон нас баралтын хэмжээ айж түгших хэмжээний биш байна.” гэсэн байна.

Factcheck:

Энэ тухай мэдээлэл гарах болсон шалтгаан нь АНУ-ын тухайн үеийн Ерөнхийлөгч Дональд Трамптай холбоотой байсныг ABC-ийн нягталсан мэдээллээс харж болно.

Тэрбээр 2020 оны долдугаар сарын 6-нд “АНУ КОВИД-19 шалтгаант нас баралтын хувиараа дэлхийд хамгийн бага байна” хэмээн жиргэсэн нь маргаан дагуулж, Цагаан ордны хэвлэлийн төлөөлөгч тайлбар хийж байжээ.

Жон Хопкинсын их сургуулийн тухайн үеийн Ковид19-ийн статистикаар АНУ тохиолдлын тоо ба нас баралтын түвшингээрээ дэлхийд эхний 10 байрт бичигдэж байв. Жон Хопкинсын их сургуулийн мэдээгээр 2020 оны долдугаар сарын байдлаар АНУ-д Ковид 19 шалтгаант нас баралт 100 мянган хүн амд 40 орчим, нийт 130,000 орчим нас баралт бүртгэгдсэн байна. Энэ үед Англи улсын нас баралтын тоо 40,500 орчим, Франц 29,800 орчим, Итали 34,800, Испаин 28,300, Герман 9000 орчим Ковид-19 шалтгаант нас баралт тус тус бүртгэгдэж байсан байна. 2020 оны 7 сараас АНУ-ын Ковид-19 шалтгаант нас баралт тасралтгүй нэмэгдсээр энэ оны 12 сарын байдлаар 812,070 болсон байна.

Тиймээс дээрх мэдээлэл нь бүхэлдээ иргэдийг төөрөгдүүлсэн, худал агуулга байна.

Цар тахлын энэ үед коронавирус болон вакцинтай холбоотой аливаа мэдээллийг албан ёсны, баталгаатай эх сурвалжаас авч, үргэлж нягталж байхыг FactCheck.mn сануулсаар байгаа билээ.

Эх сурвалжууд:

https://www.worldometers.info/coronavirus/

http://flu.mn/images/stories/Sudalgaa_shinjilgee/20201106/8.%20%D0%A2%D0%A2%D0%A2%D3%A8_MC.pdf

https://www.cdc.gov/flu/pandemic-resources/1918-commemoration/three-waves.htm?fbclid=IwAR0eBmy6SrOk5gvyWwN6X06Cm_XMAQJDBxp5_wPlw33QJbS9XjfBdac8Elw

https://www.cdc.gov/nchs/nvss/vsrr/covid_weekly/index.htm

https://www.factcheck.org/2020/09/cdc-did-not-admit-only-6-of-recorded-deaths-from-covid-19/

https://abcnews.go.com/Politics/us-coronavirus-mortality-rate-lowest-world-trump-claim/story?id=71647615

https://abcnews.go.com/Politics/us-coronavirus-mortality-rate-lowest-world-trump-claim/story?id=71647615

https://coronavirus.jhu.edu/data/new-cases

https://coronavirus.jhu.edu/data/cumulative-cases

НҮБ-ын Хүүхдийн Сангийн дэмжлэгтэйгээр, АШУҮИС-ийн Дархлаа судлалын тэнхимийн ахлах багш, эмнэл зүйн дархлаа судлаач эмч, Анагаах ухааны доктор Т.Хонгорзултай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Коронавирусийн эсрэг Дархлаажуулалтын ажлын хэсгийн ахалж байгаа, УИХ-ын гишүүн Ж.Чинбүрэн 2021 оны дөрөвдүгээр сарын 28-ны өдөр “Мэдээний урсгал” нэвтрүүлэгт орохдоо вакцины талаар мэдээлэл өгсөн. Эдгээр мэдээллийг нягтлан, худал мэдээллүүдийг хүргэж байна. “Шинжлэх ухааны үндэслэлээр шууд энэ өвчний эсрэг таны бие хамгаалалттай болсон гэдгийг үзүүлдэг нэг ч шинжилгээний арга байхгүй” Factcheck: ХУДАЛ Ковид19 өвчний үүсгэгч Коронавирусийн […]

Коронавирусийн халдварын тархалд манай улсад, ялангуяа Улаанбаатар хотод эрчимжиж байна. Энэ үеэр коронавирусийн эсрэг вакцин болон амны хаалттай холбоотой ташаа мэдээлэл олон нийтийн сүлжээнд тархаж байна. Тиймээс энэ удаа амны хаалттай холбоотой ташаа мэдээллүүдийг гаднын фактчекерүүд нягталсныг хүргэж байна. 2019 онд БНХАУ дэлхийн амны хаалтны талаас илүүг үйлдвэрлэсэн бол цар тахлын үед уг үйлдвэрлэл 85% […]

Энэ сарын 14-ний өдөр “Ювентус” клубын тоглогч, дэлхийн алдарт хөл бөмбөгч Криштиану Роналду коронавирусын тархалттай тэмцэх зорилгоор Португал дахь өөрийн эзэмшлийн зочид буудлыг эмнэлгийн зориулалтаар ашиглуулах боллоо гэх мэдээлэл Испанийн Marca сонин мэдээлсэн ч энэ нь ХУУРАМЧ МЭДЭЭЛЭЛ байх магадлалтай боллоо. Учир нь тухайн нэр дурдагдсан зочид буудлын зүгээс уг мэдээллийг үгүйсгэсэн байна. Хамгийн анх […]

Монгол Улс ураны томоохон төсөл хэрэгжүүлэх гэж байгаатай холбогдуулан Цөмийн энергийн тухай хуульд нэмэлт, өөрчлөлт оруулах төслийг УИХ-аар хэлэлцэж эхэлсэн. Энэхүү хуулийн төсөлд уран олборлохтой холбоотой суурь АМНАТ ашигт малтмал борлуулалтын орлогын 5% байхаар, нэмэгдүүлэн тооцох АМНАТ нь ашигт малтмалын зах зээлийн үийн өсөлтөөс хамааран 0-9% байхаар, харин тусгай АМНАТ-ыг тухайн ордын онцлог, ашигт малтмалын […]

УИХ-ын 2024 оны сонгуулийн 12-р тойрог буюу Хан-Уул дүүрэгт Ардчилсан Намаас нэр дэвшиж буй Ч.Лодойсамбуу болон Монгол Улсын Ерөнхийлөгч асан Ц.Элбэгдорж нар саунд сууж буй зураг цахим орчинд тараад байна. Уг зургийг нягталж өгөх хүсэлт ирсний дагуу нягталлаа. Энэхүү зургийг 2024 оны 6 дугаар сарын 12-ны өдөр Улаанбаатар Нийслэл гэх цахим хаягнаас “Таны бодол?” гэсэн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх