Ж.Занаа: Д, Ц аминдэм байхад л болоод байгаа юмыг заавал вакцин гэж дайраад байх юм - БАТЛАГДААГҮЙ

Ж.Занаа: Д, Ц аминдэм байхад л болоод байгаа юмыг заавал вакцин гэж дайраад байх юм – БАТЛАГДААГҮЙ

Иргэний хөдөлгөөний намын дарга Ж.Занаа COVID-19-тэй холбоотой бас нэгэн мэдээллийг постолжээ.

Тэрбээр “Д, Ц аминдэм байхад л болоод байгаа юмыг заавал вакцин гэж дайраад байх юм” гэсэн байна. Өмнө нь тэрбээр мөн коронавирус бол цар тахал биш, улирлын вирус бөгөөд цинкээр эмчлэгддэг хэмээн олон нийтийн сүлжээнд бичиж байсныг нь худал болох нь нотлогдож байсан юм.

Түүний мэдээллийг бид нягталлаа. Мэдээллийг нягтлах явцад “Дэлхий дахинд вакцины эсрэг үзэлтэй хүмүүс ташаа, дутуу, буруу мэдээллийг тарааж байгаа нь нийгмийн эрүүл мэндэд сөргөөр нөлөөлөх эрсдэлтэйг эрүүл мэндийн шинжлэх ухааны эрдэмтэд анхааруулж байна” гэсэн мэдээлэл албан ёсны эх сурвалжуудад маш олон байсныг сануулъя.

Ж.Занаа: Витамин Ц, Д байхад л болно.

БАТЛАГДААГҮЙ. Хэдийгээр витамин С нь эсийн эрүүл мэндийг хамгаалахад зайлшгүй шаардлагатай боловч түүнийг КОВИД-19-өөс урьдчилан сэргийлэх, эмчлэхэд ашиглахыг зөвлөдөг нотолгоо хангалтгүй байна. Түүнчлэн урьдчилан сэргийлэх үүднээс С витамин уух нь шинэ коронавирус үүсэхээс сэргийлж чадна гэсэн нотолгоо байхгүй болохыг Харвардын Анагаахын сургуулийн Ковид-19 эмчилгээний хуудсанд тэмдэглэжээ. Уг мэдээлэлд витамин С-г өндөр тунгаар хэрэглэх нь дотор муухайрах, таталт өгөх, бөөрөнд чулуу үүсэх зэрэг эрсдэлтэйг сануулсан байна.

БАТЛАГДААГҮЙ. Цар тахлын энэ үед хүмүүс гэртээ илүү их цаг зарцуулж буй тул эрдэмтэд нарны гэрэлд биеэ ээж, Д аминдэм ууж, яс, булчингийн эрүүл мэндийг сайжруулахыг зөвлөж байгаа ч энэ нь КОВИД-19 өвчнөөс урьдчилан сэргийлж, эмчлэх боломжтой гэсэн нотолгоо алга. Эмнэлзүйн туршилтууд үргэлжилсээр байгаа аж. Хэрэв тухайн хүн үндсэн хоол тэжээлийн дутагдалтай бол дархлаа нь хангалттай биш байх ч энэ нь КОВИД-19-ийн эмчилгээтэй ямар ч холбоогүй бөгөөд халдварыг зогсоохгүй гэдгийг АНУ-ын Өвчнийг хянах, урьдчилан сэргийлэх төвийн КОВИД-19 мэдээллийн нэгдсэн хуудаст бичжээ.

Тэрбээр өөрийн фэйсбүүк хуудсаараа дамжуулан коронавирусийн вакциныг үгүйсгэсэн агуулгатай олон пост оруулсан бөгөөд туршилт гэжээ.

БАТЛАГДААГҮЙ. Иймд бид вакцины талаар шинжлэх ухааны салбарын эрдэмтдийн Английн Ройтерс болон Германы Дойче Велле зэрэг томоохон гол эх сурвалжуудад өгсөн тайлбарыг хүргэж байна. Дойче Велле 2020 оны арваннэгдүгээр сарын 18-нд BioNTech-ийн вакцины талаарх мэдээллийг нягтлахдаа вакцины талаар болон процедурын талаарх мэдлэг дутмаг байгаа нь олон нийтийн дунд төөрөгдөл үүсгэж байгааг дурджээ. Сүүлийн хэдэн жилд хөгжиж буй РНХ вакцины талаар олон судалгаа хийгдсэн байна. Энэ нь энгийнээр хэлбэл, мессенжер РНХ гэгддэг технологийг ашигладаг вакцин. Хүний биед вирусийг үүсгэдэг COVID-19 генетикийн кодын жижиг хэсгүүдийг ашигладаг. Дараа нь дархлааны систем вирусийг таньж, түүнийг довтлох эсрэг бие үүсгэж эхэлдэг. Энэхүү вакцины давуу тал нь богино хугацаанд үйлдвэрлэх боломжтой. РНХ нэвтрүүлэх нь хүний биеийн ДНХ-ийн дарааллыг ямар ч байдлаар өөрчлөхгүй болохыг Германы Вакцин, био анагаахын холбооны хүрээлэн тэмдэглэжээ.

Мэдээлэл ба Аюулгүй байдлын Хяналтын Зөвлөлийн өгсөн өгөгдлийг ашиглан хийсэн дүн шинжилгээгээр Moderna-ийн вакцины судалгаагаар аюулгүй байдлын томоохон асуудлууд илрээгүй гэжээ. Гаж нөлөөний хувьд хөнгөн дунд зэрэг байсан буюу

ядаргаа (9.7%)
толгой өвдөх (4.5%)
өвдөлт (4.1%)
тарилгын талбайн улайлт (2.0%) гэсэн үр дүн гарсан байна.

Pfizer / BioNTech нь үүнтэй ижил үр дүнг мэдээлжээ (ядаргаа 3.8%, толгой өвдөх 2.0%).

Иймд олон нийтийн сүлжээгээр өгсөн түүний мэдээлэл иргэдийг төөрөгдүүлсэн, батлагдаагүй болохыг эдгээр мэдээлэл харуулж байна

Нягталсан Ц.Тамир

Төстэй мэдээлэл

Худал

Жирэмсэн үедээ COVID-19 вакцинжуулалтад хамрагдсан ээжүүд хүүхдээ алдсан – ХУДАЛ

Pfizer-BioNTech COVID-19 вакциныг эрт нэвтрүүлэх үед вакцины тунд

Ташаа

CNN Монгол Улсыг хятад вакцины туршилтад ороод сүйрч байна гэж мэдээлсэн – ТАШАА

admin
2021-06-28
Ковид-19

“Монгол Улсыг CNN-ээр Хятад вакцины туршилтад ороод улсаараа сүйрч байгаа гэдгийг зарлачихлаа даа, хөөрхий дөө мунхаг ард түмэн” гэх постыг Bilgee Mongolia нэртэй Фэйсбүүк хэрэглэг нийтэлжээ. Түүний постыг 913 хүн шэйрлэж, 160 хүн лайк дарсан байна. Уг постыг нягталлаа. Factcheck: CNN агентлагийн Хонг Конг дахь сурвалжлагч Дэвид Кулвер дээрх мэдээллийг бэлтгэжээ. Мэдээний хураангуй орчуулгыг хүргэе. […]

Бүүстер тунг хийлгэх шаардлагатай юу?

КОВИД-19-ийн эсрэг вакцины нэмэлт тунтай холбоотой эргэлзээтэй асуултуудад Жон Хопкинсын их сургуулийн Халдвараас урьдчилан сэргийлэх асуудал эрхэлсэн ахлах захирал, доктор, профессор Лиза Марагакис, Жонс Хопкинсын Хариу арга хэмжээ авах албаны дарга, доктор Габор Келен нар хариулсан байна. КОВИД-19-ийн вакцин үр дүнтэй байгаа бол яагаад би нэмэлт тун хийлгэх шаардлагатай вэ? АНУ-ын Хүнс, эмийн зөвлөлөөс хүлээн […]

Худал

«Кинжал» пуужингаар устгагдсан НАТО-гийн нууц байранд америкийн олон генерал үрэгдсэн байна-ХУДАЛ

Товч агуулга Ч. Пүрэвсүрэн гэх фэйсбүүк хэрэглэгч 2023.04.06-нд дайнтай холбоотой пост оруулсныг 71 хүн шэйрлэж, 170 хүн лайк даржээ. Уг постод “Нөгөө 3 сарын 9-нд оросын супер «Кинжал» пуужингаар устгагдсан НАТО-гийн украйны дайны ажиллагааг удирдан, төлөвлөн хэрэгжүүлдэг командын нууц байранд байсан 300 гадаад том офицерүүдийн дотор америкийн олон генералууд үрэгдсэн байна. Тэдний шарилыг тусгай онгоцоор […]

ДЭМБ дараагийн аймшигт цар тахал ойртож байна гэж ХЭЛЭЭГҮЙ

Нийгмийн сүлжээнд “07.09 Аймшигтай мэдээ: ДЭМБ-ын ХБХ дээр Гебрейесус “Дараагийн аймшигт тахал ойртож байна. Энэ тухай дэлхий эртхэн мэгэдсэнсэн нь дээр” хэмээн палхийтэл мэдэгдэв. Маргааш Женевийн Брифинг болно! гэсэн мэдээлэл гарсан. Энэхүү мэдээлэлд 2020.09.08-ны 17:20 цагийн байдлаар 258 хүн лайк дарж, 107 хүн шэйрлэжээ. Өчигдөр буюу есдүгээр сарын 7-ны өдөр Женев хотноо болсон ДЭМБ-ын хэвлэлийн бага […]

Монголд эмэгтэй гишүүн, сайд, захирлын эзлэх хувь АНУ, Англи, Японоос илүү эсэхийг нягталлаа

admin
2022-02-14
Улс төр

“Танил болчихсон хэдэн хүүхнийг гайхдаг. Зовов дарлуулав гадуурхагдав эрх мэдэл дутлав… Ямар ч статистикаас үзэхүл монгол эмэгтэй гэр бүлд албанд эрх мэдэлт уламжлалтай.Гишүүн сайд захирлын хувь АНУ Англи Японоос илүү.Төр, хууль, нийгэм гадуурхдаггүй” гэж бичсэн нийтлэлч Баабарын жиргээг нягталж өгөх хүсэлт уншигчаас ирэв. Үзэл бодлыг нягтлах боломжгүй ч уншигчийн хүсэлтийн дагуу “Ямар ч статистикаас үзэхүл монгол […]

Өөр мэдээ олдсонгүй.