УИХ-ын 5 удаагийн сонгуулийн өмнө мөнгө тараажээ

Товч агуулга:

  • УИХ-ын 2004 оны сонгуулиас хойш сонгууль бүрийн өмнө бэлэн мөнгө тараах амлалт өгч иржээ.
  • “Эрдэнэс Тавантолгой” компанийн 2022 оны ашгаас 2024 онд иргэддээ ногдол ашиг өгөх гэж байгаа нь сонгуулийн өмнө давхцаж байна.
  • Бэлэн мөнгө тараасны дараа инфляц өсөж иржээ.
  • 2009 онд УИХ-аас Хүний хөгжлийн сангийн тухай гэх хууль батлан иргэдэд мөнгө тарааж эхэлсэн халамжийн өр 2019 онд дууссан.

“Эрдэнэс Тавантолгой” ХК-ийн хувьцааны ногдол ашиг болгож, иргэн бүрд 116,000 орчим төгрөгийн Цагаан сараас өмнө бэлнээр олгохоор төлөвлөж байгаа талаар тус компанийн Бүрэн эрхт төлөөлөгч Ж.Ганбат УИХ-ын чуулганы үеэр мэдээлэв. Энэ нь тус компанийн 2022 оны ногдол ашиг ажээ.

2024 оны УИХ-ын сонгууль дөхөж байгаа энэ үед “Эрдэнэс Тавантолгой” компаниас иргэддээ ийнхүү ээлжит бэлэн мөнгийг тараах нь бараг тодорхой болж байна. Өмнөх сонгуулиудаар ЭТТ-г хэрхэн ашигласан талаар эргэн саная.

Бэлэн мөнгө тараах ажил үндсэндээ 2004 оны УИХ-ын сонгуулиас эхтэй.

2004 оны УИХ-ын сонгуулийн өмнө:

Уг сонгуулийн өмнө АН, тодруулбал Л.Гүндалай “Итгэлийн мөнгө” гэсэн санаачилга гаргажээ. Тухайн сонгуулийн дараа Эвслийн Засгийн газар байгуулагдсан бөгөөд Хүүхдэд сар бүр 10,000 төгрөг олгож, шинээр гэр бүл болсон хосуудад нэг удаа 500,000 төгрөг олгох амлалт болж өргөжсөн байна. Улмаар 2006.01.01-ээс шинэ гэр бүлүүдэд 500,000 төгрөг олгох болсон байна.

2008 оны УИХ-ын сонгуулийн өмнө:

2008 оны УИХ-ын сонгуулийн кампанит ажлын үеэр намуудын зүгээс иргэн бүрд “Эх орны хишиг” хүртээнэ гэж амласан. Энэ дагуу 2011.01.01-нээс иргэн бүрд 21000 төгрөг олгох болжээ. Үүний өмнө 2010.02 сард “Эх орны хишиг сангаас иргэн бүрд 70000 төгрөг тараасан бол  8-р сараас хүн бүрд сар болгон 10,000 буюу он дуустал 50,000 төгрөг өгч байжээ.

Харин ЭТТ-н мөнгөнөөс олгож эхэлсэн тухайд анх 2012 онд Засгийн газраас “Эрдэнэс Тавантолгой” ХК-ийн нийт хувьцааны 20 хувь болох гурван тэрбум ширхэг хувьцааг иргэн бүрд хуваарилахаар шийдвэр гаргав. Ингэснээр нэг иргэнд 1,072 ширхэг хувьцаа ногдсон бөгөөд үүнд 2012 оны дөрөвдүгээр сарын 11-нээс өмнө төрсөн хүмүүст хамрагдахаар болсон байдаг.

Улмаар Засгийн газрын 2012.04.11-ний өдрийн 116 дугаар тогтоол батлагдаж, УИХ-ын 2011 оны 57 дугаар тогтоолын дагуу эзэмшиж байгаа хувьцаагаа Засгийн газарт нэрлэсэн үнээр худалдах хүсэлтэй иргэний өргөдлийг хүлээн авч, иргэдийн нэрс, худалдах хувьцааны тоог гаргах ажлыг 2012.06.01-ний дотор улсын хэмжээнд зохион байгуулахыг НХХЯ-нд яаманд даалгасан байна.

Ийнхүү шийдвэр гарснаар 2012 оны сонгуулийн өмнө:

  • Хүний хөгжил сангаас хишиг, хувиа бэлэн мөнгө хэлбэрээр авахаар хүсэлтээ гаргасан ахмад настан, хөгжлийн бэрхшээлтэй иргэн
  • 2010-2011, 2011-2012 оны хичээлийн жилд сургалтын төлбөр хэлбэрээр хишиг, хувь хүртсэн оюутан
  • 2011 онд эрүүл мэндийн даатгалын шимтгэлийн төлбөр хэлбэрээр хишиг, хувь хүртсэн бол тухайн иргэнд ногдох хувьцаанаас хасаж тооцохоор шийдвэрлэсэн.

Энэ хүрээнд сургалтын төлбөрийн 500,000 төгрөг буюу 278 мянган оюутанд нийт 138 тэрбум төгрөг, 2011 онд эрүүл мэндийн даатгалын шимтгэл хэлбэрээр 615 мянган иргэнд нийт 4.8 тэрбум төгрөгөөр, ахмад болон хөгжлийн бэрхшээлтэй 322 мянган иргэнд 322 тэрбум төгрөгөөр давхардсан тоогоор 1 сая 216 мянга 734 иргэнд 464.8 тэрбум төгрөгөөр хувьцааг нь мөнгөжүүлж байв.

2016 оны сонгуулийн өмнө:

2016.06.16-нд Засгийн газар ЭТТ-н иргэдэд өмчлүүлсэн 1072 хувьцааны 30%-ийг мөнгөжүүлэх шийдвэр гаргав.

Ингэснээр иргэд 322 ширхэг хувьцаагаа 300,426 мянган төгрөгөөр улсдаа зарах боломж үүссэн бөгөөд үүнийг “Сайн хувьцаа” хэмээн нэрлэсэн.

2020 оны сонгуулийн өмнө:

2020.02.17-нд 1072 хувьцаа эзэмшигчдийн нэгж хувьцаанд 90,000 төгрөгөөр бодож ногдол ашиг тараах шийдвэрийг тус компанийн ТУЗ нь гаргасан. Нийт 1072 хувьцаа эзэмшиж байгаа иргэн буюу хамгийн дээд тал нь нэг хүн 96,480 төгрөг авсан бөгөөд үүнд 190 тэрбум төгрөг зарцуулсан.

2024 оны сонгуулийн өмнө:

2024.01.17-эд УИХ “Эрдэнэс Тавантолгой” хувьцаат компанийн хувьцааны талаар авах зарим арга хэмжээний тухай тогтоолын төслийг баталлаа. Ингэснээр 2012 оны дөрөвдүгээр сарын 11-нээс 2023 оны арванхоёрдугаар сарын 31-нийг хүртэлх хугацаанд мэндэлсэн болон харьяат болсон Монгол Улсын иргэн бүрд “Эрдэнэс Тавантолгой” хувьцаат компанийн 1,072 ширхэг энгийн хувьцааг эзэмшүүлэхээр болов.

Ингэснээр ЭТТ компанийн хувьцаа эзэмшигч 27.5%-д хүрч байгаа ба иргэн бүрд Цагаан сараас өмнө 116,000 орчим төгрөг олгох гэж байгаа талаар Ж.Ганбат мэдээллээ. Ийнхүү “Эрдэнэс Тавантолгой” компаниас сүүлийн дөрвөн удаагийн УИХ-ын сонгуулийн өмнө иргэддээ бэлэн мөнгө тараах шийдвэрийг УИХ, Засгийн газар гаргаж байна.

2009 онд УИХ-аас Хүний хөгжлийн сангийн тухай гэх хууль батлан иргэдэд байгалийн баялгаас хүртээх нэртэй мөнгө тарааж эхэлсэн халамжийн өр 2019 онд дууссан байдаг.

Тодруулбал, 2017 онд Ирээдүйн өв санг байгуулахад Хүний хөгжлийн сангаас иргэдэд бэлэн мөнгө тараасан өрийн үлдэгдэл 1.7 их наяд гаруй төгрөг байсныг 2018 он хүртэл Ирээдүйн өв санд хуримтлагдсан мөнгөөр төлж дуусгасан юм.

Харин ингэж мөнгө тараах бүрд инфляцад ямар нөлөө үзүүлснийг дараах графикаас харна уу.

“Сүүлийн 2 жил дараалан инфляцын түвшин 15-20% хүрч цаашид улам гүнзгийрч болзошгүй байна” хэмээн 2008 онд судалгаагаар дүгнэж байжээ.

Хамгийн сүүлд бэлэн мөнгө тараасан нь Цар тахлын үе байна. Хөл хорионы үеэр Засгийн газраас Оюутолгой компаниас татварын зөрүү болгож төлсөн нэг их наяд төгрөгөөр иргэн бүрдээ 300,000 төгрөгийн дэмжлэгийг бэлнээр өгсөн юм.

Төстэй мэдээлэл

Энэ сарын 14-ний өдөр “Ювентус” клубын тоглогч, дэлхийн алдарт хөл бөмбөгч Криштиану Роналду коронавирусын тархалттай тэмцэх зорилгоор Португал дахь өөрийн эзэмшлийн зочид буудлыг эмнэлгийн зориулалтаар ашиглуулах боллоо гэх мэдээлэл Испанийн Marca сонин мэдээлсэн ч энэ нь ХУУРАМЧ МЭДЭЭЛЭЛ байх магадлалтай боллоо. Учир нь тухайн нэр дурдагдсан зочид буудлын зүгээс уг мэдээллийг үгүйсгэсэн байна. Хамгийн анх […]

Олон улсын цэргүүд коронавирусийн эсрэг Монголын төрийн далбаан дор нэгдэж хийсэн гэх видео бичлэг олон нийтийн сүлжээгээр цацагдаад байгаа билээ.    Олон нийт энэхүү бичлэгийг шинэ коронавирусийн халдвар гарснаас хойш зориуд хийсэн хэмээн ойлгож байгаа тул фактчек буюу баримтыг нягталж, бичлэгийг анх цацсан “Монгол цэрэг-дэлхийн цэрэг” фэйсбүүк хуудсаар дамжуулан эх сурвалжтай холбогдож энэ талаар тодруулсан юм. Тэгвэл […]

Miniih – Минийх нэртэй фэйсбүүк хуудаст “Ковид тусаагүй хариуцлагатай иргэдээ урамшуулна” гэх мэдээллийг оруулжээ. Энэхүү мэдээллийг нягталлаа. Уг мэдээллийг https://xyznews24.com гэх сайт оруулсан бөгөөд тухайн мэдээлэлд “Өнөөдөр нийгмийн бодлогын байнгын хорооны хуралдаан Төрийн ордонд болж байна. Хуралдааны үеэр УИХ-ын гишүүн, Нийгмийн бодлогын байнгын хорооны дарга М.Оюунчимэг ковид тусаагүй иргэдээ төрөөс урамшуулах хэрэгтэй талаар онцлов. Тэрбээр […]

news.mn сайт 2021.12.21-ний өдөр “Хятад улс албан ёсоор крипто валютыг гаргав” гэсэн гарчигтай мэдээ нийтэлжээ. Уг мэдээнд “Дэлхийн олон улсын засгийн газар болон томоохон банкнуудын айдас биеллээ олжээ. Учир нь Хятад улс крипто валют, блокчэйн технологийн салбарт нэг алхам урагшилж, өөрсдийн албан ёсны койноо гаргав. Хятадын засгийн газраас уг шинэ койныхоо маркетинг, худалдан авалтыг “YuanPay […]

Нийслэлийн удирдах ажилтны шуурхай зөвлөгөөн өнөөдөр 08:00 цагт товлогдож, өвөлжилтийн бэлтгэл ажлын талаар хэлэлцэх төлөвлөгөөтэй байв. Гэвч хурлын ирц хангалтгүй, маш олон газар, хөтөлбөрийн дарга ирээгүй тул хотын даргын үүрэг гүйцэтгэгч Ж.Батбаясгалан тэднийг чөлөөлж, хариуцлага тооцох талаар мэдэгдсэн юм. Тэрбээр: Авто замын газар Аялал жуулалчлалын газар Боловсролын газрын дарга Газрын албаны дарга Орон сууцны, дэд […]

Цахим орчинд “Зүдэрсэн нэгнээ татаж хүчээ нэгтгэе” гэсэн тайлбар бүхий МАН-ын тугийг залсан Тоёота ланд круйзер маркийн автомашин Фургон автомашиныг татан гол гаргаж буй зураг таржээ. 2020 оны УИХ-ын сонгуулийн сурталчилгаа эхэлсэн энэ цаг үед үнэхээр ийм явдал болсон мэт сэтгэгдлийг иргэдэд төрүүлж, “Багаар нь дэмжиж хүчийг нь нэгтгэе”, “Хүчээ нэгтгэвэл улсаа өөд нь татна” […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх