“54 жил тасралтгүй үзэгчдэд хүрсэн “Цагийн хүрд”-ийг гаргахаа больжээ” гэсэн гарчигтай мэдээг tac.mn гэх сайт нийтэлжээ.
Уг мэдээнд МҮОНРТ-ийн гол нэвтрүүлгүүдийн нэг болох “Цагийн хүрд” мэдээллийн хөтөлбөрийг гаргахаа больж, оронд нь “Мэдээллийн урсгал” гэх шинэчилсэн найруулгатай, энтертаймент төрлийн тайзтай нэвтрүүлэг гардаг болсон байна гэжээ.
Энэхүү мэдээллийг нягталлаа.
Factcheck:
Mongol TV, NTV, ETV HD, SBN, Eagle, С1, UBS, TV5 гэсэн найман телевиз хамтран “Мэдээллийн урсгал” хэмээн шинэ нэвтрүүлгийг өнөөдөр буюу 2021 оны дөрөвдүгээр сарын 27-ны өдрөөс эхлүүлж байгаа бөгөөд тус нэвтрүүлэг өдөр бүр 12:00 цагаар дээрх телевизүдээр зэрэг цацагдах юм байна.
МҮОНТ-ийн “Цагийн хүрд” мэдээллийн хөтөлбөрийг өдөр бүр 20:00 цагаас шууд нэвтрүүлдэг бөгөөд өглөө 07:00 цагт давтдаг. Тэгвэл тус хуваарьт өөрчлөлт ороогүйг МҮОНТ-ийн албан ёсны цахим хуудсаас харж болох бөгөөд өөрчлөлт ороогүйг телевизийн зүгээс ч нотолж байна.
МҮОНРТ-ийн захирал А.Бүрэнбаатарын мэдэгдэл.
