Нийгмийн сүлжээнд “07.09 Аймшигтай мэдээ: ДЭМБ-ын ХБХ дээр Гебрейесус “Дараагийн аймшигт тахал ойртож байна. Энэ тухай дэлхий эртхэн мэгэдсэнсэн нь дээр” хэмээн палхийтэл мэдэгдэв. Маргааш Женевийн Брифинг болно! гэсэн мэдээлэл гарсан.
Энэхүү мэдээлэлд 2020.09.08-ны 17:20 цагийн байдлаар 258 хүн лайк дарж, 107 хүн шэйрлэжээ.
Өчигдөр буюу есдүгээр сарын 7-ны өдөр Женев хотноо болсон ДЭМБ-ын хэвлэлийн бага хурлын үеэр ДЭМБ-ын тэргүүн Тедрос Адханом Гебрейесус дэлхий дахин дараагийн цар тахалд бэлтгэлтэй байх хэрэгтэй гэж даваа гарагт мэдэгдээд, нийгмийн эрүүл мэндийн салбартаа хөрөнгө оруулахыг улс орнуудад уриалсан байна.
Ингэхдээ “This will not be the last pandemic,” Tedros told a news briefing in Geneva. “History teaches us that outbreaks and pandemics are a fact of life. But when the next pandemic comes, the world must be ready – more ready than it was this time.” буюу “Энэ бол сүүлчийн цар тахал биш. Халдварт өвчин, тахал нь амьдралын нэг хэсэг байсаар ирснийг түүх бидэнд сануулж байна. Дараагийн тахал дэгдэх үед дэлхий нийтээрээ энэ удаагийн гамшгаас илүү өндөр бэлтгэлтэй байх ёстой” хэмээн мэдэгдсэн.
Өөрөөр хэлбэл дараагийн аймшигт цар тахал ойртож буй хэрэг биш дараа дараагийн удаад илүү бэлтгэлтэй байх талаар өгүүлснийг ийн ташаа орчуулан олон нийтэд түгээсэн нь зарим иргэдийг айдаст автуулсан үйл явдал болжээ.
Нягталсан: О.Анхзаяа (Ub.life)
