Zarig.mn-ий түгээсэн бичлэг Украинд хийсэн Оросын дайралтынх БИШ

admin
2022-02-24
Бусад

Украинд үүссэн нөхцөл байдал олон нийтийн анхаарлын төвд байгаа энэ үед Zarig.mn сайт “Донецкийн орчим Украины армийн тэргүүн хэсэг цохилтод өртжээ” гэсэн гарчигтай видеог цацав.

26.9К хүнд хүрсэн уг видеог нягталж өгөх хүсэлт уншигчаас ирсний дагуу бид нягталлаа.

FactCheck:

Yandex болон Tineye хайлтын системийн тусламжтай уг бичлэгийн хэсгийг хайж үзэхэд 2017 онд яг энэ бичлэг олон нийтийн сүлжээ, гаднын зарим хэвлэлээр цацагдаж байсан илэрцүүд гарч ирэв.

Тухайлбал, Оросын Lenta.ru сайтад 2017.06.21-ний өдөр ОХУ-ын Ерөнхийлөгч Владимир Путин Сири дэх Оросын нисэх хүчний бодит бичлэгийг Америкийн найруулагч Оливер Стоуны ярилцлагын үеэр үзүүлсэн талаар мэдээлсэн ба энэ тухай төрийн тэргүүний хэвлэлийн нарийн бичгийн дарга Дмитрий Песков хийсэн тухай мэдээлсэн байна.

“Эдгээр нь манай Батлан хамгаалах яамны материал гэдгийг би баталж чадна. Энэ бол Батлан хамгаалахын сайд Сергей Шойгугийн Ерөнхийлөгчид өгсөн илтгэлийн нэг хэсэг юм. Тодорхой хэсгийг Ерөнхийлөгч Оливер Стоунд үзүүлсэн” гэж Песков онцлон тэмдэглэлээ гэж уг мэдээнд дурджээ.

Харин Volunteer info гэх фэйсбүүк хуудас Владимир Путиний утсан дээр үзэж байгаа бичлэгийг нь тухайн өдөр нягтлан хүргэж, эх бичлэгтэй нь харьцуулан харуулсан байна. Ийнхүү няталж хүргэсэн бичлэгийнхээ тайлбар дээр “ОХУ-ын Ерөнхийлөгч Владимир Путин кино найруулагч Оливер Стоунд Америкийн нисдэг тэрэг Афганистан дахь лалын хэт даврагчид руу буудаж буй бичлэгийг үзүүлж, Сири дэх Оросын Агаарын цэргийн хүчин гэж хэлсэн байна. Дараа нь Оросын ашгийн бус байгууллага Conflict Intelligence Team (CIT) хэд хэдэн судлаачдаасаа видеог шалгахыг хүссэн бөгөөд энэ нь 2013 онд Афганистан дахь АНУ-ын Апачи нисдэг тэрэгнээс босогчид руу буудаж буй бичлэгтэй яг адилхан болохыг тогтоожээ” гээд “Энэ хоёр бичлэг нь адилхан ба цорын ганц ялгаа нь Путиний Стоунд үзүүлсэн видеог орос хэл дээр бичсэн байдаг” гэж тайлбарлажээ.

Харьцуулсан видеог үзэх линк: https://www.facebook.com/volunteerinfo1/videos/1434800776638897/

Өөрөөр хэлбэл, Zarig.mn-ий нийтэлсэн бичлэг Донецкийн орчим Украины армийн тэргүүн хэсэг цохилтод өртөж буй гэдэг тайлбар нь ХУДАЛ буюу олон нийтийг төөрөгдүүлсэн байна.

Эх сурвалжууд:

https://yandex.com/

https://tineye.com/

https://www.facebook.com/volunteerinfo1/videos/1434800776638897/

https://lenta.ru/news/2017/06/21/kadri

https://www.themoscowtimes.com/2017/06/20/the-internet-is-accusing-putin-of-using-us-footage-to-boast-about-russias-airforce-a58229

Төстэй мэдээлэл

Худал

МАХН хүн бүрийн данс руу 20,000 төгрөг хийнэ – ХУДАЛ

Цолмонбаатар Тамир
2020-11-19

Цар тахлын хүнд үед хүн бүрийн данс руу 20,000 төгрөг хийх тухай “МАХН албан ёсны хуудас” нэртэй пэйжид оруулсан постыг 3.1 мянган хүн шэйрлэжээ. Тодруулбал, “Сайн байцгаана уу Энэ хүнд цар тахлын үеэр боломжийг атгах хүн бүрт туслаахаар боллоо. Хүн Бүрийн данс руу 20000 Төгрөг хийхээр боллоо Та Манай Махн албан ёсны хуудсыг дарж нэгдээд […]

БШУЯ: Сурагчдын амралтын хугацааг наашлуулах талаар яриагүй

Цолмонбаатар Тамир
2020-11-03

Боловсрол, шинжлэх ухааны сайдын тушаалаар энэ жилээс эхлэн ерөнхий боловсролын сургуулийн хичээлийн жилийн бүтцэд өөрчлөлт оруулж, гурван улирлаар хичээллүүлэх болсон. Тиймээс амралтын хуваарьт ч өөрчлөлт ороод буй. Тодруулбал, нэгдүгээр улирлын амралт арванхоёрдугаар сарын 21-нээс эхлэх юм. Сүүлийн хэд хоногт нийгмийн сүлжээгээр шинэ коронавирусийн халдвараас урьдчилан сэргийлэх зорилгоор сурагчдын амралтын хугацааг наашлуулах санал асуулга явуулж буй […]

Худал

Бэлгийн замаар халддаг өвчинг Вакцин нэрээр 11-ээс дээш насны хүүхдэд тарих гэж байгаа-ТӨӨРӨГДҮҮЛСЭН

Цолмонбаатар Тамир
2024-11-23

Товч агуулга Бадарч Бямбадулам гэх фэйсбүүк хэрэглэгч 2024.11.19-нд “Бэлгийн замаар халддаг өвчинг Вакцин нэрээр 11-ээс дээш насны хүүхдэд тарих гэж байгаа !!! 7 хоногийн дараа буюу 11 сарын 25-аас. Сургуулиудаар очиж !!! Шприз барьсан алуурчид болжээ …” гэсэн пост шэйрэлжээ. Уг постыг 119 хүн цааш түгээж, 82 хүн хариу үйлдэл үзүүлж, 16 хүн коммент бичжээ. […]

Худал

АНУ-ын Дээд шүүх Ковид вакциныг хориглосон – ХУДАЛ

Товч агуулга АНУ-ын Дээд шүүх ийм шийдвэр гаргаагүй. Шүүхийн 2001 оноос хойш хэрэгжиж эхэлсэн болон шийдвэрлэгдсэн хэргүүдийн байдлыг жагсаадаг шүүхийн цахим лавлахад ийм кэйс огт байхгүй байна. Дээд шүүхээс “Вакцин бол вакцин биш. Учруулсан хор уршиг нь нөхөж баршгүй” гэдэг мэдэгдэл хийгээгүй. Solongo Bukhchuluun гэх фэйсбүүк хэрэглэгчийн 2022.10.25-нд оруулсан “🇺🇸* АНУ-ын Дээд шүүхийн шийдвэр: Ковид […]

Ташаа

Factcheck: Зөөвч-Овоо төслөөс болж Монгол Улс цөмийн хаягдал булшлахгүй

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тэдгээр мэдээллээс бид нягталлаа. Уран олборлолт нь Монголд цөмийн хаягдлыг булшлах нөхцөлийг бүрдүүлэх бөгөөд үүний зэрэгцээ ихээхэн хэмжээний хортой цацраг идэвхт хог хаягдал үүснэ. Монгол улс энэ төрлийн хортой хог хаягдлыг […]

Ерөнхийлөгч Трампын “Коронавирусийг минийх шиг устгаж буй биеийг эмч нар хараагүй гэж хэлсэн” жиргээ үнэн үү?

АНУ-ын Ерөнхийлөгч Доналд Трамп “Коронавирусийг над шиг устгаж байгаа биеийг эмч нар хараагүй гэж хэлсэн. Тэд миний ДНК-д шинжилгээ хийсэн. Тэгээд “Энэ бол ДНК биш, Энэ бол АНУ. Хэрэв Жо Байден коронавирусийн халдвар авсан бол үхчихсэн байх байсан” гэж эмч нар хэлсэн” гэсэн агуулгатай жиргээний скрийн шот олон нийтийн сүлжээгээр тараад буй. Тэгвэл Доналд Трамп ингэж […]

Өөр мэдээ олдсонгүй.