Л.Энх-Амгалан: 2019 онд зам тээврийн ослоор 25,000 хүн амь насаа алдаж, тахир дутуу болсон -ХУДАЛ

УИХ-ын чуулганы өнөөдрийн хуралдаанаар ХЭҮК-ын гишүүдийг томилох тухай хэлэлцэх үеэр УИХ-ын гишүүн Л.Энх-Амгалан зарим тоо баримтыг дурдаж, нэр дэвшсэн комиссын гишүүдийн байр суурийг сонссон юм.

Тэрбээр “2019 онд зам тээврийн ослоор 25,000 хүн амь насаа алдаж, тахир дутуу болж, улсад 9 тэрбум төгрөгийн хохирол учруулсан. Үйлдвэрлэлийн ослоор жилд 400-500 хүн амиа алдаж байгаа. Өнгөрсөн 10 жилд залилангийн хэргээр иргэдэд 1.2 их наяд төгрөгийн хохирол учирсан. 2019 онд цахим гэмт хэргээс 13 тэрбум төгрөгийн хохирол учирсан” гэсэн тоо баримтуудыг хэлсэн юм.

УИХ-ын гишүүн Л.Энх-Амгалангийн хэлсэн дээрх мэдээллийг бид нягталлаа.

Factcheck: Тээврийн цагдаагийн албанаас гаргасан 2019 оны статистик мэдээллээс харвал өнгөрсөн онд нийт 25,302 зам тээврийн осол гарч 561 хүн амь насаа алдаж 3,790 хүн гэмтэж бэртэн 24.3 тэрбум төгрөгийн хохирол учирсан байна. Эндээс үзвэл УИХ-ын гишүүн Л.Энх-Амгалангийн өгсөн мэдээлэл ташаа буюу нийт зам тээврийн ослын тоог хохирсон хүний тоотой андуурч хэлсэн байна. Учирсан хохирлын мөнгөн дүнг мөн ташаа мэдээлжээ.

Factcheck: Харин учирсан хохирлын тухайд өнгөрсөн 10 жилд биш, 2007-2017 онд 1.21 их наяд төгрөгийн хохирол учирсан бөгөөд энэ нь зөвхөн залилан бус, нийт гэмт хэргийн улмаас гэсэн статистикийг Үндэсний статистикийн хорооны судалгаанд үзүүлсэн байна. Залилангийн гэмт хэргийн тухайд хохирлын хэмжээ жил тутам нэмэгдэж байгаа бөгөөд Монголбанкнаас гаргасан мэдээллээр 2016 онд 2 тэрбум орчим төгрөг, 2017 онд 6.4 тэрбум, 2018 онд 9.9 тэрбум төгрөгт хүрч, 2019 он гарсаар 13 тэрбум төгрөгт хүрсэн байна.

Нягталсан: Ц.Тамир (MCIR) 

Төстэй мэдээлэл

“БНСУ…Хятад вакцин тариулсан бол улс орондоо оруулахгүй” гэсэн постыг Soogii Soogii гэх фэйсбүүк хаяг нийтлэжээ. Уг постыг өнгөрсөн 4 хоногийн хугацаанд 339 хүн шэйрлэж, 116 хүн сэтгэгдэл бичиж, 95 хүн лайк дарсан байна. Уг мэдээллийг нягталлаа. Factcheck: ХУДАЛ Коронавирусийн цар тахалтай холбоотойгоор Өмнөд Солонгос улсын иргэдийг нэвтрүүлэхийг хориглосон орнуудтай БНСУ харилцан визгүй зорчих хөтөлбөрөө зогсоосон […]

“Украины дээгүүр иргэний ямар ч улсын агаарын тээвэр нисэхгүй байгаа юм байна. Буудчихна гээд. Тэгсэн чинь ганц онгоц нисэж байсан нь манай “МИАТ” гэнэ ээ. Хөөрхөн үү?” гэсэн постыг ulsturch.mn гэх фэйсбүүк хуудас өчигдөр оруулсан. Украины агаарын замыг тойрсон шар онгоцууд дунд Украины агаарын хилээр явж буй цэнхэр онгоц бүхий зурагтай энэхүү мэдээлэл өнөөдөр олон […]

Товч агуулга Томуугийн вакцин нь уг вирусийн идэвхгүйжүүлсэн буюу эмгэг үүсгэхгүй бүтцийн тодорхой хэсгийг агуулсан, зохиомлоор дархлаа тогтоох тарилга. Харин mRNA бол вакцин үйлдвэрлэх шинжлэх ухааны дэвшилт технологи. mRNA нь шинэ технологи ч хүний ДНХ буюу удмын мэдээллийг өөрчлөх боломжгүй. Вакцины нөлөөгөөр хүний биеийн дархлаа муудах, үгүй болох гэсэн ойлголт байхгүй. Вакцин нь нөхөн үржихүй, […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх