Пфайзер вакцины дараах үхэл Японд 751 хүрлээ – ХУДАЛ

Batchuluun Natsagdorj хэмээн фэйсбүүк хэрэглэгч “ПФАЙЗЕР ВАКЦИНЫ ДАРААХ ҮХЭЛ

ЯПОНД 751 ХҮРЛЭЭ” гэсэн агуулгатай постыг 2021.07.26-нд нийтэлжээ. Уг постод

“ПФАЙЗЕР ВАКЦИНЫ ДАРААХ ҮХЭЛ ЯПОНД 751 ХҮРЛЭЭ.

Монголд синофарм (вероселл) тэргүүтэй вакцины дараа 782 хүн нас барлаа.

Японд вакцин тариулснаас болж нас барсан хүний тоо 751 боллоо. Вакцин тариулаад эхний 7 хоногтоо нас барсан хүний тоо (графикийн улаанаар хүрээлсэн хэсэг) харьцангуй өндөр байгаа бөгөөд 2, 3 дах өдрөө олон хүн нас барсан байна. Пфайзер вакцин хийлгээд нас барсан 20-50 орчим насны хүмүүсийн үхлийн гол шалтгаан нь вакцинаас үүдэлтэй зүрх судасны өвчин ба түүн дотор тархины цус харвалт, гол артерийн судасны дотор хана урагдах, зүрхний шигдээс хамгийн их байна.

#Монголд ковидоос болж нас барсан хүний

#тоо_782 хүрсэн ч үүнийхээ #шалтгааныг_вакцин_гэж огт хэлэхгүй байгаа юм” гэжээ.

Түүний постыг 149 хүн шэйрлэж, 115 хүн лайк дарсан байна.

Дээрх агуулгыг нягталлаа.

FactCheck:

2021 оны долдугаар сарын 21-нд Японы эрүүл мэнд, хөдөлмөр нийгмийн хамгааллын яамны Нийгмийн хамгаалал, шинжлэх ухааны зөвлөлийн 62 БИШ, 64 дүгээр ээлжит хуралдаан болжээ.

Тус хуралдааны мэдээллээс үзвэл

Pfizer вакцин:

2021.2.17-2021.7.16 хооронд Pfizer вакциныг хийлгэснээс хойш нас барсан нийт хүний тоо 746 болжээ.

Мэргэжилтнүүд дээрх 746 тохиолдлын дотроос долдугаар сарын 11-н хүртэл бүртгэгдсэн 663 нас баралтыг Pfizer вакцинтай шалтгаан, үр дагаврын хамааралтай эсэх талаар судалж доорх үнэлгээг хийсэн байна.

3 тохиолдол- Өвчтөний нас барсан нь вакцин хийлгэсэнтэй шалтгаан үр дагаврын хамааралгүй.

660 тохиолдол-Бодит мэдээлэл дутуу байгаа зэргээс шалтгаалж өвчтөний нас барсан нь вакцин хийлгэсэнтэй шалтгаан үр дагаврын хамааралтай эсэх талаар үнэлгээ өгөх боломжгүй гэжээ.

Moderna вакцин:

2021.5.22-2021.7.16 хооронд Moderna вакцин хийлгэснээс хойш нас барсан хүний нийт тоо 5 байна.

Мэргэжилтнүүд дээрх 5 тохиолдлын дотроос мөн долдугаар сарын 11-н хүртэл бүртгэгдсэн 4 нас баралтыг Moderna вакцинтай шалтгаан үр дагаврын хамааралтай эсэх талаар судалж доорх үнэлгээг гаргажээ.

4 тохиолдол– Бодит мэдээлэл дутуу байгаа зэргээс шалтгаалж өвчтөний нас барсан нь вакцин хийлгэсэнтэй шалтгаан үр дагаврын хамааралтай эсэх талаар үнэлгээ өгөх боломжгүй гэсэн байна.

Япон улсад вакцин хийлгэсний дараа бүртгэгдсэн гэх дээрх 751 тохиолдлын тухайд (Pfizer болон Moderna вакцин хийлгэсэн хүмүүсийн нэгтгэсэн тоо) вакцинаас шууд үүдэлтэй бус, зүрх судас, мэдрэлийн системийн архаг суурь өвчтэй эмчийн хяналт дор байсан өвчтөнүүд мөн үүнд багтсан болохыг нэмж тайлбарлах хэрэгтэй. 

Японы эрүүл мэнд, хөдөлмөр нийгмийн хамгааллын яамны нийгмийн хамгаалал, шинжлэх ухааны зөвлөлийн дээрх ээлжит хуралдааны мэдээллийн талаар NHK долдугаар сарын 21-ний өдөр доорх мэдээг гаргажээ.

“Долдугаар сарын 11-ний байдлаар COVID-19-ийн эсрэг Pfizer, Moderna вакциныг  ойролцоогоор 37,600,000 иргэн хийлгээд байгаа бөгөөд үүнээс 667 хүн вакцин хийлгэснээс хойш нас баржээ. Энэ талаар эрүүл мэнд, хөдөлмөр нийгмийн хамгааллын яамнаас дээрх нас барсан тохиолдлуудаас вакцинтай шалтгаан үр дагаврын хамааралтай гэж тодорхойлогдсон тохиолдол гараагүй гэж мэдэгдэв” гэжээ.

Монгол Улсын хувьд 2021.02.23-нд коронавирусийн эсрэг дархлаажуулалтыг эхлүүлсэн. 2021.07.29-ний байдлаар коронавирусийн халдвар аваад эмчлүүлж байгаад нас барсан хүний тоо 829 болсноос 823 нь вакцинжуулалт эхэлснээс хойш нас баржээ. Эдгээр иргэний нас баралтын шалтгаан нь коронавирусийн халдварын хүндрэлээс шалтгаалсан хэмээн ЭМЯ тайлбарлаж буй.

Хүндэрч нас барж байгаа хүмүүсийн 80-90% нь вакцин хийлгээгүй, эсвэл зөвхөн нэгдүгээр тундаа хамрагдсан байгааг ХӨСҮТ-ийн судалгаагаар тайлбарлаж байна.

Тухайлбал, 2021.07.08-нд нас барсан есөн хүний тав нь огт вакцин хийлгээгүй, нэг хүн нь нэг тун, нөгөө хүн нь хоёр дахь тунгаа хийлгээд 14 хоноогүй байхдаа халдвар авч хүндэрсэн. Нэг тохиолдол нь цусны хавдартай хүн байсан гэдгийг ХӨСҮТ мэдээлсэн.

Үндэсний статистикийн хорооноос хийсэн судалгаагаар КОВИД-19-ийн халдвараар нас барагчдын ихэнх буюу

  1. 61.6 хувь нь вакцинд хамрагдаагүй
  2. 20.7 хувь нь бүрэн тунд
  3. 17.6 хувь нь 1 дүгээр тунд хамрагдсан байна гэж дүгнэсэн.

Тиймээс дээрх иргэний пост дахь мэдээлэл ХУДАЛ, иргэдийг төөрөгдүүлсэн байна.

НҮБ-ын Хүүхдийн Сангийн дэмжлэгтэйгээр, Япон улсын Каназава Үндэсний их сургуулийн Анагаахын сургуулийн дэд профессор, ХБНГУ-ын Мюнхений Техникийн их сургуулийн Эрдэм шинжилгээний багийн ахлагч, АШУҮИС-ийн дэд профессор Д.Нямбаяртай хамтран нягтлав.

Эх сурвалжууд:

https://www.mhlw.go.jp/content/10601000/000809324.pdf

https://www.mhlw.go.jp/content/10601000/000809325.pdf

https://www3.nhk.or.jp/news/html/20210721/k10013153201000.html

https://www.1212.mn/BookLibraryDownload.ashx?url=COVID_vaccine_2021.7.05.pdf&ln=Mn

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Товч агуулга Судалгааны хамрах хүрээ маш бага, зөвхөн эр бэлгийн эсийн доноруудад хийсэн бөгөөд энэ нь нийт эрчүүдийг төлөөлөх боломжгүй. Pfizer вакцин эмэгтэйн үр хөврөлийн амьдрах чадвар, нөхөн үржихүй, өндгөвч, умайн ямар нэгэн үзүүлэлт, үр хөврөл, ургийн болон төрсний дараах үеийн эсэн мэнд үлдэх, өсөлт, бие бялдрын хөгжил, мэдрэлийн үйл ажиллагааны хөгжилд ямар ч нөлөө […]

Цар тахлын үед шийдвэр гаргагчид өөр өөр шийдвэр, мэдээллийг танилцуулж, иргэдийг төөрөгдүүлсээр байна. Хамгийн сүүлд дархлаажуулалтын явцтай холбоотой иргэдийг төөрөгдүүлсэн мэдээллийг хийлээ. Цар тахлын үед иргэдийг төөрөгдүүлж буй төрийн байгууллагуудын шийдвэрүүдийг бид хүргэж байна. 2021.04.04 Ерөнхий сайд: Дархлаажуулалтын хүчин чадлыг хоёр дахин нэмэгдүүлнэ Ерөнхий сайд Л.Оюун-Эрдэнэ өөрийн албан ёсны фэйсбүүк хуудсаар дамжуулан дөрөвдүгээр сарын 4-ний […]

Өчигдөр буюу аравдугаар сарын 21-ний өдөр нэр бүхий сайтуудад Төрийн ордны баруун талын хашааг мөргөсөн осол гарсан бөгөөд жолооч нь цагдаагийн алба хаагч байсан талаар мэдээ гарсан. Уг мэдээлэлд “Аравдугаар сарын 18-ны өдөр Засгийн газрын ордны баруун талын хашааг автомашинаар мөргөсөн тухай дуудлага цагдаагийн байгууллагад бүртгэгджээ. Дуудлагын дагуу хэргийг шалгахад, 25 настай М гэгч нь согтуурсан […]

Zanaa Jurmed гэх фэйсбүүк хаягаас “Хүмүүсээ, 3 дахь тунгаа битгий тариулал даа, гуйж байна” гэсэн гарчигтай постыг “# КОПИ” хэмээн нийтэлжээ. Уг постод “FDA vaccine office – оос ийи нийтлэл гарсан байна. Вакцин сайн хүндэрхээс хамгаалдаг бла бла бла ч гэсэн (бөгсөө хамгаалж хэлэх ёстой хэдэн үгээ хэлчихээд) 3 дахь тун хийх гэж яарах нь […]

“Танил болчихсон хэдэн хүүхнийг гайхдаг. Зовов дарлуулав гадуурхагдав эрх мэдэл дутлав… Ямар ч статистикаас үзэхүл монгол эмэгтэй гэр бүлд албанд эрх мэдэлт уламжлалтай.Гишүүн сайд захирлын хувь АНУ Англи Японоос илүү.Төр, хууль, нийгэм гадуурхдаггүй” гэж бичсэн нийтлэлч Баабарын жиргээг нягталж өгөх хүсэлт уншигчаас ирэв. Үзэл бодлыг нягтлах боломжгүй ч уншигчийн хүсэлтийн дагуу “Ямар ч статистикаас үзэхүл монгол […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх